20 ᐁᑳᐎᓚ ᐋᑕᐌᓕᑕᒧᒃ ᑭᔅᑭᐙᐃᑫᐎᓇ᙮
ᓄᔅᐱᓈᑕᒧᒃ ᓵᑭᐃᐌᐎᓐ, ᓀᔥᑕ ᓇᑕᐌᓕᑕᒧᒃ ᐊᒑᑯᐎ ᒥᓕᐌᐎᓇ; ᐊᐙᓯᑌ ᒫᑲ ᑭᒋ ᑭᔅᑭᐙᐃᑫᔦᒃ᙮
ᑖᑐ ᐃᓕᓕᐤ ᐁ ᐋᔭᒥᐋᑦ ᓀᔥᑕᐱᑯ ᑭᔅᑭᐙᐃᑫᑦ, ᐁ ᐊᑯᔅᑎᒀᓀᐅᑦ ᒪᒉᓕᑕᒻ ᐅᔅᑎᒀᓐ᙮
ᑭᒋᒪᓂᑐ ᒫᑲ ᑮ ᐊᓓᐤ ᐋᑎᑦ ᐅᑦ ᐗᔭᒥᐋᐎᓂᒃ, ᓃᔥᑕᒻ ᐊᐸᔅᑕᓚ, ᐁ ᓂᔑᒃ ᐅᑭᔅᑭᐙᐃᑫᐗ, ᐁ ᓂᔅᑎᒃ ᐅᑭᔅᑭᓄᐊᒫᑫᐗ, ᐁᑯ ᒫᒪᑖᐎᐃᔑᒋᑫᐎᓇ, ᐁᑯ ᒥᓇᐙᒋᐃᐌᐎ ᒥᓕᐌᐎᓇ, ᓂᔓᑲᒫᑫᐎᓇ, ᑎᐯᓕᒋᑫᐎᓇ, ᐹᐱᑐᔥ ᐃᔑᑭᔗᐎᓇ᙮
ᐃᔅᐱ ᒫᑲ ᐹᓪ ᑳ ᓵᓵᒥᓈᑦ, ᐸᓓᑭ ᐊᒑᑾ ᑮ ᐅᑎᑎᑯᐗᒃ; ᑮ ᐊᔭᒥᐗᒃ ᒫᑲ ᓇᓈᑲᐤ ᐃᔑᑭᔗᐎᓇ ᐅᒋ, ᓀᔥᑕ ᑮ ᑭᔅᑭᐗᐃᑫᐗᒃ᙮
ᐌᓴ ᐸᔅᑭ ᐱᑯ ᑭ ᑭᔅᑫᓕᑌᓈᓇᐤ, ᐸᔅᑭ ᓀᔥᑕ ᑭ ᑭᔅᑭᐙᐃᑳᓈᓇᐤ:
ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮
ᑯᑕᒃ ᑭᒋ ᒫᒪᔅᑳᒋᐃᔑᒋᑫᑦ; ᑯᑕᒃ ᑭᔅᑭᐙᐃᑫᐎᓂᓕᐤ; ᑯᑕᒃ ᑭᒋ ᓂᓯᑕᐌᓕᒫᑦ ᐊᒑᑾ; ᑯᑕᒃ ᓇᓈᑲᐤ ᐃᔑᑭᔗᐎᓇ; ᑯᑕᒃ ᑭᒋ ᐃᑗᔅᑕᒃ ᐃᔑᑭᔗᐎᓇ᙮
ᐁᐗᑯ ᐅᒋ ᐊᓇ ᑳ ᐋᑕᐌᓕᒋᑫᑦ, ᓇᒪᐎᓚ ᐋᑕᐌᓕᒣᐤ ᐃᓕᓕᐗ, ᒫᑲ ᑭᒋᒪᓂᑐᐗ ᑳ ᒥᓕᑕᒃ ᐊᓯᒋ ᐅ ᐸᓓᑭ ᐊᒑᑾ᙮
ᐁᑯᔅᐱ ᑮ ᐃᑖᐗᒃ ᐊᓐᑕ ᐋᔭᒥᐁᐎᑲᒥᑯᒃ ᑳ ᐃᑕᑾᒃ ᐋᓐᑎᐊᑭᒃ ᐊᑎᑦ ᐅᑭᔅᑭᐙᐃᑫᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ; ᐹᕐᓇᐸᔅ, ᓀᔥᑕ ᓯᒥᔭᓐ ᑳ ᐃᔑᓂᑳᓱᑦ ᓇᐃᑲᕐ, ᓀᔥᑕ ᓘᓯᐊᔅ, ᓴᐃᕆᓂᐃᒃ ᑳ ᐅᒌᑦ, ᓀᔥᑕ ᒣᓀᐃᓐ ᑳ ᑮ ᐎᒋᐅᐱᑭᒫᑦ ᐦᐁᕋᑕ ᑳ ᐅᑭᒫᐎᓕᒋ ᓀᔥᑕ ᓵᓪ᙮
ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮
