ᓂᔥᑕᒻ ᐱᑕᕐ 5:1 - ᐅᔅᑭ ᑎᔅᑌᒥᓐᑦ

¹ ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:

ᓂᔥᑕᒻ ᐱᑕᕐ 5:1 Referans Kwoze

ᐅᐸᓓᑭᔅ ᓘᒃ 24:48

ᑭᓚᐗᐤ ᒫᑲ ᑭ ᑳ ᑎᐹᑐᑌᓇᐗᐤ ᐅᐅ ᑫᒀᓇ᙮

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮

ᓂᔓ ᒑᓐ 1:1

ᓂᓚ ᑳ ᓂᑳᓀᓕᑖᑯᓯᔮᓐ ᐁ ᒪᓯᓇᐊᒪᐗᒃ ᐊᓇ ᑳ ᐙᐌᓛᐸᒫᑲᓂᐎᑦ ᐅᑭᒫᔅᑴᐤ ᓀᔥᑕ ᐅᑦ ᐊᐙᔑᒥᔕ, ᑳ ᓵᑭᐊᑭᒃ ᑖᐺᐎᓂᒃ; ᓇᒪᐎᓚ ᓂᓚ ᐱᑯ, ᐊᓯᒋ ᒫᑲ ᒥᓯᐌ ᐊᓂᑭ ᑳ ᑮ ᑭᔅᑫᓕᑕᑭᒃ ᑖᐺᐎᓂᓕᐤ;

ᓂᔥᑕᒻ ᐱᑕᕐ 5:4

ᐃᔅᐱ ᒫᑲ ᐯᒋ ᓄᑯᓯᑌ ᒫᐗᒋ ᑳ ᓂᑳᓀᓕᑖᑯᓯᑦ ᒫᓂᔥᒑᓂᔑᐎᓕᓕᐤ, ᑭ ᑳ ᒥᓕᑲᐎᓇᐗᐤ ᑭᔅᑌᓕᑖᑯᓯᐎ ᐅᑭᒪᐗᔅᑐᑎᓐ ᐁᑳ ᑳ ᐊᑎ ᓂᐳᐎᓈᑾᒃ᙮

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮

ᓂᔥᑕᒻ ᐱᑕᕐ 1:7

ᐁ ᑲᑴᒋᑖᓂᐗᒃ ᑭ ᑖᐺᔦᓕᑕᒧᐎᓂᐗᐤ, ᐊᐙᓯᑌ ᐁ ᑭᔅᑕᑭᑖᑾᒃ ᐃᔥᐱᔥ ᐅᓵᐎᔔᓕᐋᓈᐱᔉ ᑳ ᓂᔑᐗᓈᑕᒃ, ᐋᑕ ᐃᔥᑯᑌᒃ ᐁ ᑮ ᑯᒋᑖᓂᐗᒃ, ᑭᒋ ᒥᔅᑭᑳᑌᒃ ᑭᒋ ᐅᒋ ᒫᒪᑕᑯᒥᑲᐎᔦᒃ, ᓀᔥᑕ ᑭᔅᑌᓕᒥᑲᐎᔦᒃ, ᓀᔥᑕ ᑭᔅᑌᓕᑖᑯᐃᑲᐎᔦᒃ ᐯᒋ ᓄᑯᓯᑌ ᒋᓴᔅ ᙭;

ᐊᐸᔅᑕᓚᒃ 14:23

ᐃᔅᐱ ᒫᑲ ᑳ ᑮ ᐸᑲᓂᐋᒋᒃ ᐅᓂᑳᓀᓕᑖᑯᓯᐗ ᒥᓯᐌ ᑕᑐ ᐋᔭᒥᐁᐎᑲᒥᑯᒃ ᓀᔥᑕ ᐁ ᑮ ᐋᔭᒥᐋᒋᒃ ᐁ ᓂᑲᓱᒋᒃ, ᑮ ᐸᑭᑎᓇᒪᐌᐗᒃ ᐅᑎᐯᓕᒋᑫᐗ, ᐊᓂᐃ ᑳ ᑖᐺᔦᓕᒫᓕᒋ᙮

ᐊᐸᔅᑕᓚᒃ 11:30

ᐊᓂᐁᓕᐤ ᓀᔥᑕ ᑳ ᑮ ᑐᑕᑭᒃ, ᑮ ᐃᔑᑎᔕᐊᒪᐌᐗᒃ ᒫᑲ ᐊᓂᐃ ᑳ ᓂᑳᓀᓕᑖᑯᓯᓕᒋ ᐅᒋᒋᐙᒃ ᐅᒋ ᐊᓂᑭ ᐸᕐᓇᐸᔅ ᓀᔥᑕ ᓵᓪ᙮

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᐹᐃᓕᒪᓐ 1:9

ᐁᓕᐌᒃ ᒫᑲ ᓵᑭᐃᐌᐎᓐ ᐅᒋ, ᓇᐗᒡ ᑭ ᐸᑯᓭᓕᒥᑎᓐ, ᐁ ᐋᐎᔮᓐ ᐊᓇ ᐹᓪ ᑳ ᑫᑌᔮᑎᓰᑦ, ᐊᓄᒡ ᓀᔥᑕ ᐅ ᑭᐸᐙᑲᓇ ᒋᓴᔅ ᙭᙮

ᑕᐃᑕᔅ 1:5

ᐁᐗᑯ ᒫᑲ ᐅᒋ ᑳ ᑮ ᓇᑲᑎᑖᓐ ᐊᓐᑕ ᒃᕆᑎᒃ, ᑭᒋ ᒀᔭᔉ ᐊᔅᑖᔭᓐ ᐊᓂᐃ ᐁᑳ ᑳ ᑮ ᑐᒋᑳᑌᑭ, ᓀᔥᑕ ᑭᒋ ᐹᑳᓂᐊᒋᒃ ᐅᓂᑳᓀᓕᑖᑯᓯᐗᒃ ᒥᓯᐌ ᑕᑐ ᐃᑖᐎᓂᒃ, ᑳ ᑮ ᐃᔑ ᐅᓚᑭᒥᑖᓐ;

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᓂᔥᑕᒻ ᑎᒧᑎ 5:19

ᐅᓂᑳᓀᓕᑖᑯᓯᐤ ᐁᑳᐎᓚ ᐅᑎᓇᒻ ᐅ ᒫᒥᔑᒥᑯᓯᐎᓐ, ᐱᑯ ᐁ ᐎᒉᐅᔅᑭᒃ ᓂᔓ ᓀᔥᑕᐱᑯ ᓂᔅᑐ ᐅᑎᐹᒋᒧᐗᒃ᙮

ᓂᔥᑕᒻ ᑎᒧᑎ 5:1

ᐁᑳᐎᓚ ᑭᑐᔥ ᑳ ᓂᑳᓀᓕᑖᑯᓯᑦ, ᒫᑲ ᓇᑐᑕᒪᐤ ᑖᐱᔅᑯᒡ ᑯᑖᐎ, ᓀᔥᑕ ᐅᔥᑭᓂᑭᐗᒃ ᑖᐱᔅᑯᒡ ᑭᒋᔖᓇᒃ;

ᐱᓕᐱᔭᓇ 1:19

ᐌᓴ ᓂ ᑭᔅᑫᓕᑌᓐ ᐅᒪ ᓂ ᐱᒫᒋᐃᑯᓯᐎᓂᒃ ᑭᒋ ᐃᔑ ᑴᔅᑭᐸᓕᒃ, ᑭᑦ ᐋᔭᒥᐋᐎᓂᐗᐤ ᐅᒋ, ᓀᔥᑕ ᐁ ᒥᓕᐙᓂᐗᓂᓕᒃ ᐅᑦ ᐊᒑᑾ ᒋᓴᔅ ᙭᙮

ᓂᔓ ᑯᕆᓐᑎᐊᓇ 5:1

ᐌᓴ ᑭ ᑭᔅᑫᓕᑌᓋᓇᐤ ᑮᔥᐱᓐ ᑭᑦ ᐊᔅᑭᐎ ᑭᑭᓇᐤ ᐅᒪ ᒥᑭᐙᒻ ᑮ ᐱᑯᐸᓕᒃ, ᑭᑦ ᐋᔮᓈᓇᐤ ᐅ ᐙᔅᑳᔨᑫᐎᓐ ᑭᒋᒪᓂᑐ, ᐙᔅᑳᔨᑲᓐ ᐁᑳ ᒥᒋᒋᒃ ᑳ ᐅᒋ ᐅᔑᒋᑳᑌᒃ, ᑳᑭᑫ ᑭᒋᑭᔑᑯᒃ ᑳ ᐃᑌᑾᒃ᙮

ᐊᐸᔅᑕᓚᒃ 21:18

ᐎᐋᐸᒃ ᒫᑲ ᐹᓪ ᓂ ᑮ ᐎᒋᐱᑐᑫᒥᑯᓈᓐ ᐁ ᓇᑕᑭᑦ ᒉᒻᔅ; ᒥᓯᐌ ᒫᑲ ᐅᓂᑳᓀᓕᑖᑯᓯᐗᒃ ᐊᓐᑕ ᑮ ᐃᑖᐗᒃ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐊᐸᔅᑕᓚᒃ 20:17

ᒪᐃᓕᑕᓯᒃ ᒫᑲ ᐅᒋ ᑮ ᐃᔓᑎᔕᐅᐌᐤ ᐊᓐᑕ ᐃᐱᓴᓯᒃ, ᓀᔥᑕ ᑮ ᓈᑐᒣᐤ ᑳ ᓂᑳᓀᓕᑖᑯᓸᓕᒋ ᐅᑖᔭᒥᐋᐗ᙮

ᐊᐸᔅᑕᓚᒃ 15:6

ᐊᐸᔅᑕᓚᒃ ᒫᑲ, ᓀᔥᑕ ᑳ ᓂᑳᓀᓕᑖᑯᓯᒋᒃ ᑮ ᐯᒋ ᒫᐗᒋᐃᑐᐗᒃ, ᑭᒋ ᒫᒥᑐᓀᓕᑕᑭᒃ ᐅᒣᓕᐤ᙮

ᐊᐸᔅᑕᓚᒃ 15:4

ᐃᔅᐱ ᒫᑲ ᑳ ᑕᑯᔑᑭᒃ ᒋᕉᓴᓚᒥᒃ, ᑮ ᐅᑎᓂᑯᐗᒃ ᒫᒪᐎᐋᔭᒥᐋᐗ, ᓀᔥᑕ ᐊᐸᔅᑎᓚ, ᓀᔥᑕ ᐊᓂᐃ ᑳ ᓂᑳᓀᓕᑖᑯᓯᓕᒋ, ᑮ ᑎᐹᑐᑕᒶᒃ ᒫᑲ ᒥᓯᐌ ᑫᒀᓇ ᑭᒋᒪᓂᑐᐗ ᑳ ᑮ ᑐᑕᒫᑯᒋᒃ᙮

ᐊᐸᔅᑕᓚᒃ 2:32

ᐅᐅ ᒋᓴᓴ ᒫᑲ ᑭᒋᒪᓂᑐ ᒥᓇ ᑮ ᐗᓂᔥᑳᓀᐤ, ᐁᐗᒀᓂᒪ ᒫᑲ ᒥᓯᐌ ᐁ ᐃᑕᔑᔮᒃ ᓂ ᑎᐸᑐᑌᓈᓐ᙮

ᐊᐸᔅᑕᓚᒃ 1:22

ᐁ ᒫᒋ ᐊᑭᑕᒪᒃ ᐅ ᓯᑲᐋᑖᑫᐎᓐ ᒑᓐ, ᐱᓕᔥ ᐊᓂᒪ ᐁ ᑭᔑᑳᒃ ᐃᔅᐱ ᐃᔥᐱᒥᒃ ᑳ ᐅᑎᓈᑲᓂᐎᑦ ᑭᓚᓈᓇᐤ ᐅᒋ, ᑫᒋᓈᔥ ᐯᔭᒃ ᑲᑕ ᐹᑳᓂᐋᑲᓂᐎᐤ ᑭᒋ ᑎᐹᑐᑕᒃ ᐊᓯᒋ ᑭᓚᓈᓇᐤ ᐁ ᑮ ᐗᓂᔥᑳᓕᒋ᙮

ᐊᐸᔅᑕᓚᒃ 1:8

ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮

ᓂᔓ ᑯᕆᓐᑎᐊᓇ 5:8

ᑭ ᑫᒋᓇᐅᓈᓇᐤ, ᓂᑦ ᐃᑣᓐ, ᐊᐙᓯᑌ ᓀᔥᑕ ᑭ ᓇᑕᐌᓕᑌᓋᓇᐤ ᑭᒋ ᓇᑲᑕᒪᒃ ᐅᒪ ᒥᔭᐤ ᓀᔥᑕ ᑭᒋ ᐎᒉᐗᒃ ᐅᑎᐯᓕᒋᑫᐤ᙮

ᐊᐸᔅᑕᓚᒃ 3:15

ᑭ ᑮ ᓂᐸᐋᐗᐤ ᒫᑲ ᐊᓇ ᑳ ᑎᐯᓕᑕᒃ ᐱᒫᑎᓯᐎᓂᓕᐤ, ᐊᓇ ᑭᒋᒪᓂᑐᐗ ᑳ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ; ᐁᐗᒀᓇ ᑳ ᑎᐸᒋᒪᑭᑦ᙮

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;

ᓂᔥᑕᒻ ᐱᑕᕐ 4:13

ᒫᑲ ᒥᓚᐙᑕᒧᒃ, ᐁ ᑮ ᐎᒋᐃᐌᔦᐤ ᙭ ᐅ ᐙᐎᓴᑫᓕᑕᒧᐎᓇ; ᐃᔅᐱ ᓄᑾᓂᓕᑫ ᐅ ᑭᔅᑌᓕᑖᑯᓯᐎᓐ, ᑭᓚᐗᐤ ᓀᔥᑕ ᑭᒋ ᓯᑭᓓᓯᔦᑳ ᑭᒋ ᒥᓚᐙᑕᒧᐎᓂᒃ᙮

ᓂᔅᑐ ᒑᓐ 1:1

ᓂᓚ ᑳ ᓂᑳᓀᓕᑖᑯᓯᔮᓐ ᐁ ᒪᓯᓇᐊᒪᐗᒃ ᓈᔅᐱᒡ ᑳ ᓵᑭᐋᑲᓂᐎᑦ ᑳᔭᔅ, ᑳ ᓵᑭᐊᒃ ᑖᐺᐎᓂᒃ᙮