ᓂᔥᑕᒻ ᐱᑕᕐ 3:11 - ᐅᔅᑭ ᑎᔅᑌᒥᓐᑦ

¹¹ ᐁᑯᔑ ᑲᑕ ᐌᐱᓇᒻ ᑳ ᒫᓛᑕᓂᓕᒃ, ᑲᑕ ᑐᑕᒻ ᒫᑲ ᑳ ᒥᓨᔑᓂᓕᒃ; ᐁᑯᔑ ᑲᑕ ᓈᓇᑕᐌᓕᑕᒻ ᑳᔮᒣᓕᑕᒧᐎᓂᓕᐤ, ᑲᑕ ᓄᔅᐱᓇᑕᒻ ᒫᑲ᙮

ᓂᔥᑕᒻ ᐱᑕᕐ 3:11 Referans Kwoze

ᐅᐸᓓᑭᔅ ᒫᑎᐤ 5:9

ᔕᐌᓕᑖᑯᓯᐗᒃ ᑳ ᐅᑐᑌᒥᐃᐌᒋᒃ; ᐌᓴ ᑭᒋᒪᓂᑐ ᐅᑦ ᐊᐙᔑᒥᔕ ᑲᑕ ᐃᔑᓂᑳᓱᐗᒃ᙮

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:19

ᐁᑯᔑ ᒫᑲ ᓄᔅᐱᓇᑖᑕᐤ ᐊᓂᐃ ᑫ ᐅᒋ ᐅᑕᑾᒃ ᑳᔮᒣᓕᑕᒧᐎᓐ, ᓀᔥᑕ ᐊᓂᐃ ᐊᐌᓇ ᑫ ᑮ ᐅᒋ ᑭᔅᑭᓄᐊᒪᐙᑦ ᑯᑕᑭᔭ᙮

ᑯᓚᔑᔭᓇ 3:15

ᐁᑯᔑ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ ᑭ ᑳ ᑎᐯᓕᒥᑯᐙᓇᐗᐤ ᑭᑌᐃᐙᒃ, ᐁᐗᑯ ᓀᔥᑕ ᑳ ᐃᔑ ᓇᑐᒥᑲᐎᔦᒃ ᐯᔭᒃ ᒥᔭᐎᒃ; ᓇᓈᔅᑯᒧᒃ ᒫᑲ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:18

ᑮᔥᐱᓐ ᑮ ᐃᔅᐸᓕᒃ, ᐃᔥᐱᔥ ᐁ ᑲᔥᑭᑖᔦᒃ, ᑳᔮᒣᓕᑕᒧᐎᓂᒃ ᐎᒋᐱᒫᑎᓯᒥᑯᒃ ᒥᓯᐌ ᐃᓕᓕᐗᒃ᙮

ᓂᔅᑐ ᒑᓐ 1:11

ᓯᐋᑭᐃᑖᓐ ᐁᑳᐎᓚ ᓄᔅᐱᓇᑖ ᐊᓂᒪ ᑳ ᒫᓛᑕᒃ, ᒫᑲ ᐊᓂᒪ ᑳ ᒥᓨᔑᒃ᙮ ᐊᓇ ᑳ ᒥᓗᑐᑕᒃ ᑭᒋᒪᓂᑐᒃ ᐅᒋᐤ; ᒫᑲ ᐊᓇ ᑳ ᒪᒋᑐᑕᒃ ᓇᒪᐎᓚ ᐅᒋ ᐙᐸᒣᐤ ᑭᒋᒪᓂᑐᐗ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:17

ᐁᐗᑯ ᐅᒋ ᐊᓇ ᑳ ᑭᔅᑫᓕᑕᒃ ᑭᒋ ᒥᓗ ᑐᑕᒃ, ᐁᑳ ᒫᑲ ᐁ ᑐᑕᒃ, ᐁᐗᑯ ᒪᒋᑐᑕᒻ᙮

ᐦᐃᑉᕉᐗ 13:16

ᒫᑲ ᑭᒋ ᒥᓗᑐᑖᑫᔦᒃ ᓀᔥᑕ ᑭᒋ ᒪᑎᓇᒫᑫᔦᒃ, ᐁᑳᐎᓚ ᐗᓂᑭᔅᑭᓯᒃ: ᐌᓴ ᐁᑯ ᑐᐎ ᓵᓵᑭᐎᓕᐌᐎᓇ ᓈᔅᐱᒡ ᒥᓜᓕᑕᒻ ᑭᒋᒪᓂᑐ᙮

ᓂᔥᑕᒻ ᑎᒧᑎ 6:18

ᑭᒋ ᒥᓗ ᑐᑖᑫᒋᒃ, ᑭᒋ ᐌᓗᑎᓯᒋᒃ ᒥᓗ ᐊᑑᔅᑫᐎᓂᒃ, ᑭᒋ ᒥᓜᓕᑕᑭᒃ ᐁ ᒫᑎᓇᒫᑫᒋᒃ, ᑭᒋ ᓯᑭᓓᓯᒋᒃ ᐁ ᒥᓕᐌᒋᒃ;

ᑲᓓᔕᐊᓇ 6:10

ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:6

ᐌᓴ ᑭᒋ ᐎᔮᓯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᓂᐱᐎᓐ; ᒫᑲ ᑭᒋ ᐊᒑᑯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᐱᒫᑎᓯᐎᓐ ᓀᔥᑕ ᑳᔮᒣᓕᑕᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:21

ᓂ ᒥᔅᑫᓐ ᒫᑲ ᐅᓚᔓᐌᐎᓐ, ᐁᐗᑯ, ᐃᔅᐱ ᐙ ᑐᑕᒫᓐ ᑳ ᒥᓨᔑᒃ, ᑳ ᒫᓛᑕᒃ ᓂ ᐎᒉᐎᑯᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:1

ᐁᐗᑯ ᐅᒋ ᒫᑲ ᑖᐺᔦᓕᑕᒧᐎᓐ ᐁ ᑮ ᐅᒋ ᒀᔭᔅᑭᑖᑎᓯᐃᑲᐎᔭᒃ, ᑳᔮᒣᓕᑕᒧᐎᓐ ᑭᑦ ᐋᔮᓈᓇᐤ ᑭᒋᒪᓂᑐ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ:

ᐅᐸᓓᑭᔅ ᒑᓐ 17:15

ᓇᒪᐎᓚ ᓂᑦ ᐋᔭᒥᐋᓐ ᐊᔅᑮᒃ ᑭᒋ ᐅᒋ ᐅᑎᓇᒋᒃ, ᒫᑲ ᑭᒋ ᑲᓇᐌᓕᒪᒋᒃ ᑳ ᒫᓛᑕᓂᓕᒃ ᐅᒋ᙮

ᐅᐸᓓᑭᔅ ᒫᑎᐤ 6:13

ᐁᑳᐎᓚ ᒫᑲ ᐃᑐᑕᐃᓈᓐ ᑫ ᐃᔑ ᑲᑴᒋᐃᑲᐎᔮᒃ; ᒫᑲ ᒥᑖᑴᓇᒪᐎᓈᓐ ᒪᒋ ᑫᒀᓇ: ᐌᓴ ᑭᓚ ᑭ ᑎᐱᓚᐌᐎᓯᓐ ᐅᑭᒪᐎᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᑭᔅᑌᓖᑖᑯᓯᐎᓐ, ᑳᑭᑫ᙮ ᐁᒣᓐ᙮

ᐅᐸᓓᑭᔅ ᒫᑎᐤ 5:45

ᑭᒋ ᐅᑦ ᐊᐙᔑᒥᔑᒥᑖᒃ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ: ᐌᓴ ᐎᓚ ᑐᑕᐌᐤ ᐱᓯᒶ ᑭᒋ ᒐᑳᓯᑫᔅᑕᐙᓕᒋ ᐅᒪᒋᑡᐗ ᓀᔥᑕ ᐅᒥᓗᑡᐗ, ᐃᔑᑎᔕᐊᒪᐌᐤ ᒫᑲ ᑭᒋ ᑭᒥᐗᓂᓕᒃ ᐅᒀᔭᔅᑭᑎᐗ ᓀᔥᑕ ᐅᒪᒑᑎᓯᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:19

ᐌᓴ ᐊᓂᒪ ᑳ ᒥᓨᔑᒃ ᐙ ᑐᑕᒫᓐ ᓇᒪᐎᓚ ᓂ ᑐᑌᓐ: ᒫᑲ ᐊᓂᒪ ᑳ ᒫᓛᑕᒃ ᐁᑳ ᐙ ᑐᑕᒫᓐ ᐁᐗᑯ ᐁ ᑐᑕᒫᓐ᙮

ᐅᐸᓓᑭᔅ ᓘᒃ 6:35

ᒫᑲ ᓵᑭᐃᑯᒃ ᑭᓚᐗᐤ ᐊᓂᑭ ᑳ ᐸᒀᑎᑖᑾᒃ, ᓀᔥᑕ ᒥᓗᑐᑖᑫᒃ, ᓀᔥᑕ ᐋᐎᐃᐌᒃ, ᐁᑳ ᑫᒀᓐ ᒥᓇ ᐁ ᐸᑯᓭᓕᑕᒣᒃ: ᑭ ᑎᐸᐊᒫᑯᓯᐎᓂᐗᐤ ᒫᑲ ᑲᑕ ᒥᔕᐤ, ᓀᔥᑕ ᑭ ᑳ ᐅᑕᐙᔑᒥᔑᒥᑯᐗᐤ ᐊᓇ ᒥᔭᐗᒋ ᐃᔅᐯᓕᑖᑯᓯᑦ: ᐌᓴ ᐎᓚ ᑭᔐᐙᑐᑕᐌᐤ ᐊᓂᐃ ᐁᑳ ᑳ ᓇᓈᔅᑯᒧᓕᒋ ᓀᔥᑕ ᑳ ᒪᒋᑣᓕᒋ᙮

ᐅᐸᓓᑭᔅ ᓘᒃ 6:9

ᐁᑯ ᒋᓴᔅ ᐁᑖᑦ, ᑭ ᑳ ᑲᑴᒋᒥᑎᓇᐗᐤ ᐯᔭᒃ ᑫᒀᓐ; ᐅᓚᔓᐌᓕᑖᑾᓐ ᓈ ᐁᔭᒥᐁᑭᔑᑳᑭ ᑭᒋ ᒥᓗ ᐋᔦᑎᓈᓂᐗᒃ, ᓀᔥᑕᐱᑯ ᑭᒋ ᒪᒋ ᐋᔨᑎᓈᓂᐗᒃ; ᑭᒋ ᐱᒫᒋᐃᐙᓂᐗᒃ, ᓀᔥᑕᐱᑯ ᑭᒋ ᓂᐹᔨᐙᓂᐗᒃ?

ᐅᐸᓓᑭᔅ ᓘᒃ 1:79

ᑭᒋ ᐙᔅᑌᓇᒫᑯᒋᒃ ᐊᓂᑭ ᑳ ᐗᓂᑎᐱᔅᑲᐱᒋᒃ, ᓀᔥᑕ ᐊᓐᑕ ᐁ ᑎᑳᔅᑌᔅᑳᑯᒋᒃ ᓂᐱᐎᓂᓕᐤ ᑭᒋ ᑭᔅᑭᓄᑖᑖᑦ ᑭᓯᑎᓇᐗ ᑳᔮᒣᓕᑕᒧᐎᓂᒃ ᐃᔑ᙮

ᐅᐸᓓᑭᔅ ᒫᕐᒃ 14:7

ᐌᓴ ᒧᔕᒃ ᑭᑦ ᐗᔭᐙᐙᐗᒃ ᐁ ᐎᒋᑕᔑᑫᒥᑖᑾᒃ ᐅᑭᑎᒫᑭᓯᐗᒃ, ᓀᔥᑕ ᑕᑡᐤ ᐱᑯ ᓀᑕᐺᓕᑕᒣᑯ ᑭ ᑳ ᑮ ᒥᓗᑐᑕᐗᐗᐗᒃ; ᒫᑲ ᓂᓚ ᓇᒪᐎᓚ ᒧᔕᒃ ᑭᑦ ᐋᔭᐎᓇᐗᐤ᙮

ᓂᔥᑕᒻ ᐱᑕᕐ 3:12

ᐌᓴ ᐅᑎᐯᓕᒋᑫᐤ ᐅᔅᑭᔑᑾ ᐅᒋ ᑲᓇᐙᐸᒣᐤ ᐅᒀᔭᔅᑭᑖᑎᓯᐗ, ᓀᔥᑕ ᐅᑖᐗᑳᔭ ᐋᐸᐋᔅᑌᓂᐗ ᐁ ᐋᔭᒥᐋᓕᒋ: ᒫᑲ ᐅᑎᐯᓕᒋᑫᐤ ᑭᔑᐙᐸᒣᐤ ᐊᓂᐃ ᑳ ᒪᒋᑐᑕᒥᓕᒋ᙮