ᓂᔥᑕᒻ ᐱᑕᕐ 2:2 - ᐅᔅᑭ ᑎᔅᑌᒥᓐᑦ

² ᑖᐱᔅᑯᒡ ᑳ ᐅᔥᑭ ᓂᑕᐎᑭᒋᒃ ᐊᐱᔅᑕᐙᔑᔕᒃ, ᓇᑕᐌᓕᑕᒧᒃ ᑖᐺ ᒍᒍᒋᒫᐳ ᐋᔭᒥᐎᓂᒃ ᑳ ᐅᒋᐸᓕᒃ, ᑭᒋ ᐅᒋ ᐅᐱᑭᔦᒃ;

ᓂᔥᑕᒻ ᐱᑕᕐ 2:2 Referans Kwoze

ᐃᐱᓯᔭᓇ 4:15

ᒫᑲ ᐁ ᑖᐺᔭᒃ ᓵᑭᐃᐌᐎᓂᒃ, ᑭᒋ ᐅᑎᒋᑭᒪᒃ ᒥᓯᐌ ᑫᒀᓂᒃ, ᐊᓇ ᑳ ᒥᔅᑎᒀᓂᐎᑦ, ᙭ ᐅᑎ:

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᐅᐸᓓᑭᔅ ᒫᕐᒃ 10:15

ᑖᐺ ᑭᑦ ᐃᑎᓇᐗᐤ, ᐊᐌᓇ ᐁᑳ ᑫ ᐅᑎᓇᒸᑴ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ ᑖᐱᔅᑯᒡ ᐊᐱᔅᑕᐙᔑᔥ, ᓇᒪᐎᓚ ᐊᓐᑕ ᑲᑕ ᐱᑐᑫᐤ᙮

ᓂᔥᑕᒻ ᑯᕆᓐᑎᐊᓇ 14:20

ᓂᒋᔖᓂᑐᒃ, ᐁᑳᐎᓚ ᐊᐙᔑᔑᐎᒃ ᓂᓯᑐᑕᒧᐎᓂᒃ: ᒫᑲ ᐎᓚ ᑭᓰᔅᑖᑐᐎᓂᒃ ᐊᐙᔑᔑᐎᒃ, ᒫᑲ ᓂᓯᑐᑕᒧᐎᓂᒃ ᑭᔖᐯᐎᒃ᙮

ᓂᔓ ᑌᓴᓗᓂᔭᓇ 1:3

ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ ᓂᒋᔖᓂᑐᒃ, ᐁ ᐃᔑ ᒥᓗᐃᑌᓕᑖᑾᒃ, ᑭ ᑖᐺᔦᓕᑕᒧᐎᓂᐗᐤ ᐁ ᐌᓗᒋ ᓂᑕᐎᑭᒃ, ᓀᔥᑕ ᑭ ᓵᑭᐃᑐᐎᓂᐗᐤ ᐁ ᐃᔑ ᓵᑭᐃᑐᔦᒃ ᐁ ᐌᓗᒋᐸᓕᒃ;

ᐅᐸᓓᑭᔅ ᒫᑎᐤ 18:3

ᑮ ᐃᑗᐤ ᒫᑲ, ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐁᑳ ᑴᔅᑳᑎᓯᔦᑴ, ᓀᔥᑕ ᓇᔅᐱᑕᐌᒀᐌ ᐊᐱᔅᑕᐙᔑᔕᒃ, ᓇᒪᐎᓚ ᑭ ᑳ ᐱᑐᑳᓇᐗᐤ ᑭᒋᑭᔑᑳᐎ ᐅᑭᒫᐎᐎᓂᒃ᙮

ᐃᐱᓯᔭᓇ 2:21

ᐎᓚ ᑳ ᐅᒋ ᒀᔭᔉ ᐃᔑᑖᓂᐗᒃ ᒥᓯᐌ ᒫᒪᐎ ᐅᔑᑖᑲᓐ ᑳ ᐊᑎ ᓂᑕᐎᑭᒪᑲᒃ ᑭᒋ ᐋᐗᓂᓕᒃ ᐅᑎᐯᓕᒋᑫᐤ ᐅ ᐸᓓᑭ ᑭᒋᐋᔭᒥᐁᐎᑲᒥᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:4

ᐁᐗᑯ ᐌᒋ ᓇᐃᑳᑲᐎᔭᒃ ᐊᓯᒋ ᐎᓚ ᓯᑲᐋᑖᑫᐎᓐ ᐅᒋ ᓂᐱᐎᓂᒃ ᐃᔑ: ᑖᐱᔅᑯᒡ ᙭ ᐁ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ ᐅᑖᐎᒪᐤ ᐅ ᓱᑳᑎᓯᐎᓂᓕᐤ, ᐁᑯ ᓀᔥᑕ ᑭᓚᓈᓇᐤ ᑭᒋ ᐱᒧᑌᔭᒃ ᐅᔥᑭ ᐱᒫᑎᓯᐎᓂᒃ᙮

ᓂᔥᑕᒻ ᐱᑕᕐ 1:23

ᒥᓇ ᐁ ᑮ ᓂᑕᐎᑭᔦᒃ ᓇᒪᐎᓚ ᑳ ᓂᔑᐗᓈᑕᑭ ᓯᒥᓇ ᐅᒋ, ᒫᑲ ᐁᑳ ᑫ ᓂᔑᐗᓈᑕᑭ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ ᑳ ᐱᒫᑕᓂᓕᒃ ᓀᔥᑕ ᑳᑭᑫ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒫᑎᐤ 19:14

ᒫᑲ ᒋᓴᔅ ᑮ ᐃᑗᐤ, ᐃᓕᓈᑯᒃ ᐋᐱᔅᑕᐙᔑᔕᒃ, ᐁᑳ ᒫᑲ ᑭᑕᐊᒫᑯᒃ ᑭᒋ ᐯᒋ ᓈᔑᒋᒃ; ᐌᓴ ᐁᑯ ᑐᐎ ᑭᒋᑭᔑᑳᐎ ᐅᑭᒫᐎᐎᓇᒃ ᑳ ᐃᑖᒋᒃ᙮

ᐅᐸᓓᑭᔅ ᓘᒃ 18:17

ᑖᐺ ᑭᑦ ᐃᑎᓇᐗᐤ, ᐊᐌᓇ ᐁᑳ ᑫ ᐅᑎᓇᒸᑴ ᑭᒋᒪᓂᑐᐗ ᐅᑦ ᐅᑭᒫᐎᐎᓕᓕᐤ ᑖᐱᔅᑯᒡ ᐊᐱᔅᑕᐙᔑᔥ, ᓇᒪᐎᓚ ᐊᓐᑕ ᑲᑕ ᐱᑐᑫᐤ᙮