ᓂᔥᑕᒻ ᐱᑕᕐ 2:19 - ᐅᔅᑭ ᑎᔅᑌᒥᓐᑦ

¹⁹ ᐌᓴ ᐅᒪ ᓇᓈᔅᑯᒥᑯᓯᐎ ᐃᑌᓕᑖᑾᓐ, ᑮᔥᐱᓐ ᐊᐌᓇ ᐅ ᒥᑐᓀᓕᒋᑲᓂᒃ ᐁ ᐅᒋ ᑖᐺᑕᐙᑦ ᑭᒋᒪᓂᑐᐗ, ᒣᑯᔅᑳᑌᓕᑕᒥᐋᑲᓂᐎᒋ, ᔐᔥᒀᑦ ᐁ ᐎᓴᑫᓕᑕᒥᐋᑲᓂᐎᑦ᙮

ᓂᔥᑕᒻ ᐱᑕᕐ 2:19 Referans Kwoze

ᓂᔥᑕᒻ ᐱᑕᕐ 2:20

ᐌᓴ ᑖᓐ ᐁᔅᐱᒋ ᑭᔅᑌᓕᑖᑾᒃ, ᑭᔥᐱᓐ ᔑᐱᓚᐌᓯᔦᑴ ᐃᔅᐱ ᐙᑖᒪᐅᑲᐎᔦᑯ ᑭ ᐗᓂᑎᐎᓂᐙᐗ ᐅᒋ? ᒫᑲ ᑮᔥᐱᓐ, ᐁ ᒥᓗᑐᑕᒣᒃ ᓀᔥᑕ ᐊᓂᒪ ᐅᒋ ᐎᓴᑫᓕᑕᒥᐃᑲᐎᔦᒃ, ᔑᐱᓚᐌᓯᔦᑴ ᒫᑲ, ᐅᒣᓕᐤ ᓇᐃᓚᐌᐃᑯ ᑭᒋᒪᓕᑐ᙮

ᓂᔥᑕᒻ ᑯᕆᓐᑎᐊᓇ 15:10

ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᐅᐸᓓᑭᔅ ᓘᒃ 6:32

ᐌᓴ ᑮᔥᐱᓐ ᓵᑭᐁᒀᐌ ᐊᓂᑭ ᑳ ᓴᑭᐃᑖᑾᒃ, ᑫᑯ ᓇᓈᔅᑯᒥᑯᓯᐎᓐ ᐁᔮᔦᒃ? ᐌᓴ ᐅᒪᒋᑣᐗᒃ ᓀᔥᑕ ᓵᑭᐁᐗᒃ ᐊᓂᐃ ᑳ ᓵᑭᐃᑯᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:5

ᐁᐗᑯ ᐅᒋ ᑾᔭᔅᑭᑌᓕᑖᑾᓐ ᑭᒋ ᓇᓇᐃᑕᐌᒃ, ᓇᒪᐎᓚ ᐱᑯ ᐁ ᑯᔅᑕᒣᒃ ᐋᑯᓚᐌᓯᐎᓐ, ᒫᑲ ᑭ ᒥᑐᓀᓕᒋᑲᓂᐗᐗ ᐅᒋ ᓀᔥᑕ᙮

ᐅᐸᓓᑭᔅ ᒑᓐ 15:21

ᒫᑲ ᒥᓯᐌ ᐅᐅ ᑫᒀᓇ ᑭ ᑳ ᑐᑖᑯᐙᐗᒃ ᓂᑦ ᐃᔑᓂᑳᓱᐎᓂᓕᐤ ᐅᒋ, ᐁᑳ ᐁ ᑭᔅᑫᓕᒫᒋᒃ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᓂᔓ ᑯᕆᓐᑎᐊᓇ 8:1

ᓀᔥᑕ ᒫᑲ, ᓂᒋᔖᓂᑐᒃ, ᑭ ᐎ ᑭᔅᑫᓕᑕᒥᐃᑎᓇᐗᐤ ᐅ ᔕᐌᓕᒋᑫᐎᓐ ᑭᒋᒪᓂᑐ ᑳ ᑮ ᒥᓛᑲᓂᐎᒋᒃ ᐊᓂᑭ ᒫᒪᐎᐋᔭᒥᐋᐗᒃ ᒫᓯᑐᓂᔭᐃᒃ ᑳ ᐃᑖᒋᒃ:

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᐊᐸᔅᑕᓚᒃ 11:23

ᐊᓇ, ᐃᔅᐱ ᑳ ᑕᑯᔑᒃ, ᓀᔥᑕ ᑳ ᑮ ᐙᐸᑕᒸᑦ ᑭᒋᒪᓂᑐᐗ ᐅ ᔕᐌᓕᒋᑫᐎᓂᓕᐤ, ᑮ ᓯᑭᓓᓯᐤ, ᓀᔥᑕ ᑮ ᑲᑫᔅᑭᒣᐤ ᒥᓯᐌ, ᐅᑌᐃᓕᒃ ᐅᒋ ᑭᒋ ᒥᒋᒥᓈᓕᒋ ᐅᑎᐯᓕᒋᑫᐗ᙮

ᐦᐃᑉᕉᐗ 10:2

ᐌᓴ ᑮᔥᐱᓐ ᑮ ᑐᑕᒧᒪᑲᒃ, ᓇᒪ ᓈ ᑲᑕ ᑮ ᐳᓂ ᐸᑭᑎᓂᑳᑌᑯᐸᓐ? ᐌᓴ ᐅᑕᔭᒥᐊᐗᐤ, ᐯᔭᑾᐤ ᐁ ᐹᔦᑭᐋᑲᓂᐎᒋᒃ, ᓇᒪᐎᓚ ᑫᔮᐸᒡ ᑲᑕ ᑮ ᒥᑯᔥᑳᑌᓕᑕᒥᐃᑯᐸᓇᒃ ᒪᒋᑣᐎᓂᓕᐤ ᐅ ᒥᑐᓀᓕᒋᑲᓂᐙᒃ᙮

ᓂᔥᑕᒻ ᐱᑕᕐ 4:15

ᒫᑲ ᐁᑳᐎᓚ ᐊᐌᓇ ᐁ ᐃᑕᔑᔦᒃ ᑲᑕ ᐎᓴᑫᓕᑕᒥᐊᐤ ᑖᐱᔅᑯᒡ ᐅᓂᐹᔨᐌᐤ, ᓀᔥᑕᐱᑯ ᑭᒧᑎᔉ, ᓀᔥᑕᐱᑯ ᑳ ᒪᒋᐋᔨᑎᑦ, ᓀᔥᑕᐱᑯ ᑖᐱᔅᑯᒡ ᐊᐌᓇ ᑳ ᐅᑕᒥᐃᑎᓱᑦ ᑯᑕᑭᔭ ᐃᓕᓕᐗ ᐅᑦ ᐋᔮᓂᓕᐗ ᐅᒋ᙮