ᓂᔥᑕᒻ ᐱᑕᕐ 2:17 - ᐅᔅᑭ ᑎᔅᑌᒥᓐᑦ

¹⁷ ᑭᔅᑌᓕᒥᑯᒃ ᒥᓯᐌ ᐃᓕᓕᐗᒃ᙮ ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ᙮ ᓇᓂᒌᔅᑖᒃ ᑭᒋᒪᓂᑐ᙮ ᑭᔅᑌᓕᒥᒃ ᑭᒋᐅᑭᒪᐤ᙮

ᓂᔥᑕᒻ ᐱᑕᕐ 2:17 Referans Kwoze

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:10

ᑭᔐᐙᑐᑕᑑᒃ ᒣᒦᔅᑯᒡ ᐁ ᐎᒋᔖᓂᑐᐎ ᓵᑭᐃᑐᔦᒃ; ᑭᔅᑌᓕᒥᑐᐎᓂᒃ ᑕᑐ ᐁ ᐃᑕᔑᔦᒃ ᐊᐙᓯᑌ ᐁ ᑭᔅᑌᓕᒫᑦ ᑯᑕᑭᔭ ᐃᔥᐱᔥ ᐎᓚ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:7

ᐁᐗᑯ ᐅᒋ ᒥᓖᑯᒃ ᒥᓯᐌ ᑫ ᐋᔭᐙᔅᐸᓐ: ᑎᐯᓕᒋᑫᐎ ᔔᓕᐋᓐ ᐊᓂᑭ ᑫ ᐅᑎᓇᐙᔅᐸᓐ ᑎᐯᓕᒋᑫᐎ ᔔᓕᐋᓇ; ᑎᐸᐊᒫᑫᐎᓐ ᐊᓂᑭ ᑫ ᐅᑎᓇᒪᐙᔅᐸᓐ ᑎᐸᐊᒫᑫᐎᓇ; ᓇᓂᒋᐎᓂᓕᐤ ᐊᓂᑭ ᑫ ᓇᓂᒋᔅᑕᐙᑲᓂᐎᐙᔅᐸᓐ; ᑭᔅᑌᓕᑖᑯᓯᐎᓂᓕᐤ ᐊᓂᑭ ᑫ ᑭᔅᑌᓕᑖᑯᓯᐙᔅᐸᓐ᙮

ᓂᔥᑕᒻ ᐱᑕᕐ 5:5

ᓀᔥᑕ ᒫᑲ ᑭᓚᐗᐤ ᑳ ᐅᔥᑳᑎᓯᔦᒃ ᓇᓇᐃᑖᑯᒃ ᑳ ᓂᑳᓀᓕᑖᑯᓯᒋᒃ᙮ ᐁᐁ, ᒥᓯᐌ ᐁ ᐃᑕᔑᔦᒃ ᒀᔭᔉ ᐊᑑᔅᑫᔅᑖᑐᒃ, ᓀᔥᑕ ᑭᑭᔥᑲᒧᒃ ᑕᐸᑌᓕᒧᐎᓐ: ᐌᓴ ᑭᒋᒪᓂᑐ ᓇᔅᑯᔅᑕᐌᐤ ᑳ ᑭᔅᑌᓕᒧᓕᒋ, ᒥᓓᐤ ᒫᑲ ᔕᐌᓕᒋᑫᐎᓂᓕᐤ ᑳ ᑕᐸᑌᓕᒧᓕᒋ᙮

ᐦᐃᑉᕉᐗ 13:1

ᐁᑯᔑ ᐎᒋᔖᓂᑐᐎ ᓵᑭᐃᑐᐎᓐ ᑕᑭ ᑲᑕ ᐃᑕᑾᓐ᙮

ᐱᓕᐱᔭᓇ 2:3

ᐁᑯᔑ ᐁᑳᐎᓚ ᑫᒀᓐ ᑲᑕ ᑐᒋᑳᑌᐤ ᑾᓗᑖᑐᐎᓂᒃ ᓀᔥᑕ ᐸᑾᓐᑕᐤ ᒫᒪᑖᑯᒧᐎᓂᒃ; ᒫᑲ ᑕᐸᑌᓕᒥᑎᓱᐎ ᒥᑐᓀᓕᒋᑲᓂᒃ ᐁᑯᔑ ᒥᓯᐌ ᑲᑕ ᑭᔅᑌᓕᒣᐗᒃ ᑯᑕᑭᔭ ᐊᐙᓯᑌ ᐃᔥᐱᔥ ᐁ ᑭᔅᑌᓕᒥᑎᓱᒋᒃ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᑎᒧᑎ 6:1

ᐁᑯᔑ ᐊᓂᑭ ᐊᑑᔅᑫᓛᑲᓇᒃ ᑳ ᑎᐯᓕᒫᑲᓂᐎᒋᒃ, ᑲᑕ ᐃᑕᑭᒣᐗᑳ ᑎᐱᓚᐌ ᐅᑦ ᐅᑭᒫᒥᐗᐗ ᐁ ᑌᐸᑫᓕᑖᑯᓯᓕᑭ ᒥᓯᐌ ᐃᔑ ᑭᒋ ᑭᔅᑌᓕᒫᑲᓂᐎᓕᒋ, ᐅᑦ ᐃᔑᓂᑳᓱᐎᓐ ᑭᒋᒪᓂᑐ ᓀᔥᑕ ᐅ ᑭᔅᑭᓄᐊᒫᑫᐎᓐ ᐁᑳ ᑭᒋ ᒪᒋ ᐋᓕᒧᒋᑳᑌᓕᒃ᙮

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᐅᐸᓓᑭᔅ ᒫᑎᐤ 22:21

ᐃᑌᐗᒃ, ᓯᓴᕐ᙮ ᐁᑯ ᐁᑖᑦ, ᒥᓕᒃ ᓯᓴᕐ ᐊᓂᐃ ᐌᑖᔮᓂᑦ ᓯᓴᕐ, ᓀᔥᑕ ᑭᒋᒪᓂᑐ ᐊᓂᐃ ᐌᑖᔮᓂᑦ ᑭᒋᒪᓂᑐ᙮

ᐃᐱᓯᔭᓇ 5:21

ᐁ ᑕᐸᑌᓕᒥᑎᓱᔅᑖᑐᔦᒃ ᐅ ᓇᓂᒌᔅᑖᑯᓯᐎᓂᒃ ᑭᒋᒪᓂᑐ᙮

ᐅᐸᓓᑭᔅ ᒑᓐ 13:35

ᐁᑯᑕ ᐅᒪ ᒥᓯᐌ ᐃᓕᓕᐗᒃ ᑫ ᐅᒋ ᑭᔅᑫᓕᑕᑭᒃ ᑭᓚᐗᐤ ᐁ ᐅ ᑭᔅᑭᓄᐊᒪᐙᑲᓂᒥᑖᑾᒃ, ᑮᔥᐱᓐ ᓯᐋᑭᐃᑐᔦᑴ᙮

ᓂᔥᑕᒻ ᐱᑕᕐ 2:13

ᐸᑭᑎᓂᑎᓱᒃ ᑭᒋ ᑎᐯᓕᒥᑯᐌᒃ ᒥᓯᐌ ᐅᑦ ᐅᓚᔓᐌᐎᓂᐙᐗ ᐃᓕᓕᐗᒃ ᐁ ᐃᔑ ᓇᑕᐌᓕᒥᑖᒃ ᐅᑎᐯᓕᒋᑫᐤ: ᑮᔥᐱᓐ ᑭᒋᐅᑭᒪᐤ ᐁ ᒪᐗᒋ ᑭᔅᑎᓯᑦ;