ᓂᔥᑕᒻ ᒑᓐ 3:14 - ᐅᔅᑭ ᑎᔅᑌᒥᓐᑦ

¹⁴ ᑭ ᑭᔅᑫᓕᑌᓈᓇᐤ ᐁ ᑮ ᒥᔮᔥᑲᒪᒃ ᓂᐱᐎᓐ ᐱᒫᑎᓯᐎᓐ ᐁ ᐅᑎᑕᒪᒃ, ᐁ ᓵᑭᐊᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ᙮ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ ᓂᐱᐎᓂᒃ ᑕᔑᑫᐤ᙮

ᓂᔥᑕᒻ ᒑᓐ 3:14 Referans Kwoze

ᓂᔥᑕᒻ ᒑᓐ 5:2

ᐅᒪ ᑭ ᐅᒋ ᑭᔅᑫᓕᑌᓈᓇᐤ ᐁ ᓵᑭᐃᒪᑭᒃ ᑭᒋᒪᓂᑐ ᐅᑦ ᐊᐙᔑᒥᔕ, ᐃᔅᐱ ᐁ ᓵᑭᐊᒃ ᑭᒋᒪᓂᑐ, ᓀᔥᑕ ᐁ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᐅᐸᓓᑭᔅ ᒑᓐ 13:35

ᐁᑯᑕ ᐅᒪ ᒥᓯᐌ ᐃᓕᓕᐗᒃ ᑫ ᐅᒋ ᑭᔅᑫᓕᑕᑭᒃ ᑭᓚᐗᐤ ᐁ ᐅ ᑭᔅᑭᓄᐊᒪᐙᑲᓂᒥᑖᑾᒃ, ᑮᔥᐱᓐ ᓯᐋᑭᐃᑐᔦᑴ᙮

ᓂᔥᑕᒻ ᑌᓴᓗᓂᔭᓇ 4:9

ᒫᑲ ᐁ ᐃᑖᒋᒧᓈᓂᐗᒃ ᐎᒋᔖᓂᒪᐎ ᓵᑭᐃᑐᐎᓐ ᓇᒪᐎᓚ ᑭ ᓇᑕᐌᓕᑌᓇᐗᐤ ᑭᒋ ᒪᓯᓈᐊᒫᑕᑾᒃ: ᐌᓴ ᑭᓚᐗᐤ ᑫᒋᐙᒃ ᑭ ᑭᔅᑭᓄᐊᒫᑯᐗᐤ ᑭᒋᒪᓂᑐ ᑭᒋ ᓵᑭᐃᑐᔦᒃ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᐅᐸᓓᑭᔅ ᒫᑎᐤ 25:40

ᑭᒋᐅᑭᒪᐤ ᒫᑲ ᑲᑕ ᓇᔥᑴᐗᔑᐁᐤ, ᐁ ᐃᑖᑦ, ᑖᐺ ᑭᑦ ᐃᑎᓇᐗᐤ, ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᓂᒋᔖᓇᒃ, ᓂᓚ ᑭ ᑮ ᑐᑕᐎᓇᐗᐤ᙮

ᐦᐃᑉᕉᐗ 13:1

ᐁᑯᔑ ᐎᒋᔖᓂᑐᐎ ᓵᑭᐃᑐᐎᓐ ᑕᑭ ᑲᑕ ᐃᑕᑾᓐ᙮

ᐅᐸᓓᑭᔅ ᒑᓐ 15:12

ᐁᐗᑯ ᐅᒪ ᓂ ᑲᑫᔅᑴᐎᓐ, ᑭᒋ ᓵᑭᐃᑐᔦᒃ, ᑖᐱᔅᑯᒡ ᐁ ᑮ ᐃᔑ ᓵᑭᐃᑕᑾᒃ᙮

ᓂᔥᑕᒻ ᒑᓐ 4:12

ᓇᒪᐎᓚ ᐊᐌᓇ ᐃᓕᓕᐤ ᐎᔅᑳᑦ ᐅᒋ ᐙᐸᒣᐤ ᑭᒋᒪᓂᑐᐗ᙮ ᑮᔥᐱᓐ ᓯᐋᑭᐃᑐᐗᑴ ᑭᒋᒪᓂᑐ ᑭ ᐱᒋᔅᑳᑯᓇᐤ, ᓀᔥᑕ ᐅ ᓵᑭᐃᐌᐎᓐ ᒥᑐᓂᐎᐃᑳᑌᓕᐤ ᐁ ᐱᒋᔅᑳᑯᐗᒃ᙮

ᓂᔥᑕᒻ ᒑᓐ 3:23

ᐅᒪ ᒫᑲ ᐁᐗᑯ ᐅ ᑲᑫᔅᑴᐎᓐ, ᑭᒋ ᑖᐺᔦᓕᑕᒶᒃ ᐅᑦ ᐃᔑᓂᑳᓱᐎᓂᓕᐤ ᐅᑯᓯᓴ ᒋᓴᔅ ᙭, ᓀᔥᑕ ᑭᒋ ᓵᑭᐃᑐᔭᒃ ᑖᐱᔅᑯᒡ ᐁ ᑮ ᐃᔑ ᐅᓚᔓᐙᑎᑕᒃ᙮

ᓂᔥᑕᒻ ᐱᑕᕐ 3:8

ᒫᒋᒃ, ᒥᓯᐌ ᐁ ᐃᑕᔑᔦᒃ ᐋᔮᒃ ᐯᔭᒃ ᒥᑐᓀᓕᒋᑲᓐ, ᐁ ᑭᑎᒫᑫᓕᒥᑐᔦᒃ; ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᑭᔐᐙᑎᓰᒃ, ᐅᑐᑌᒥᒥᐌᒃ:

ᑯᓚᔑᔭᓇ 1:4

ᐊᔅᐱᓐ ᐁ ᑮ ᐯᑐᒫᒃ ᐁ ᐃᔑ ᑖᐺᔦᓕᒣᒃ ᒋᓴᔅ ᙭, ᓀᔥᑕ ᐁᔅᐱᒋ ᓵᑭᐁᒀᒃ ᒥᓯᐌ ᐅᐸᓓᑭᓴᒃ;

ᐃᐱᓯᔭᓇ 1:15

ᐁᐗᑯ ᐅᒋ ᓂᓚ ᐊᓯᒋ, ᐃᔅᐱ ᑳ ᑮ ᐯᑕᒫᓐ ᐁ ᑖᐺᔦᓕᒣᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐁ ᐃᔑ ᓵᑭᐁᑾᒃ ᒥᓯᐌ ᐅᐸᓓᑭᓴᒃ,

ᓂᔥᑕᒻ ᒑᓐ 5:13

ᐅᐅ ᑫᒀᓇ ᑭ ᑮ ᒪᓯᓇᐊᒫᑎᓇᐗᐤ ᑭᓚᐗᐤ ᑳ ᑖᐺᔦᓕᑕᒬᒃ ᐅᑦ ᐃᔑᓂᑳᓱᐎᓐ ᑭᒋᒪᓂᑐ ᐅᑯᓯᓴ; ᑭᒋ ᑭᔅᑫᓕᑕᒣᒃ ᐁ ᐋᔭᔦᒃ ᑳᑭᑫ ᐱᒫᑎᓯᐎᓐ, ᓀᔥᑕ ᑭᒋ ᑖᐺᔦᓕᑕᒬᒃ ᐅᑦ ᐃᔑᓂᑳᓯᐎᓈ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒑᓐ 15:17

ᐅᐅ ᑫᒀᓇ ᑭᑦ ᐃᑕᔓᐙᑎᑎᓇᐗᐤ, ᑭᒋ ᓵᑭᐃᑐᔦᒃ᙮

ᓂᔥᑕᒻ ᒑᓐ 2:3

ᐁᐗᑯ ᑳ ᐅᒋ ᑭᔅᑫᓕᑕᒪᒃ ᐁ ᑭᔅᑫᓕᒪᒃ, ᑮᔥᐱᓐ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᓂᔓ ᐱᑕᕐ 1:7

ᓀᔥᑕ ᒪᓂᑐᐙᑎᓯᐎᓂᒃ ᐎᒋᔖᓂᑐᐎ ᑭᔐᐙᑎᓯᐎᓐ; ᓀᔥᑕ ᐎᒋᔖᓂᑐᐎ ᑭᔐᐙᑎᓯᐎᓂᒃ ᓵᑭᐃᐌᐎᓐ᙮

ᐃᐱᓯᔭᓇ 2:5

ᐊᐳᒋᑲ ᒣᒀᒡ ᐁ ᓂᐱᔭᒃ ᒪᒋᑣᐎᓂᒃ, ᐊᓯᒋ ᙭ ᑭ ᑮ ᒫᒪᐎ ᐱᒫᑎᓯᐃᑯᓇᐤ, ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ;

ᓂᔓ ᑯᕆᓐᑎᐊᓇ 5:1

ᐌᓴ ᑭ ᑭᔅᑫᓕᑌᓋᓇᐤ ᑮᔥᐱᓐ ᑭᑦ ᐊᔅᑭᐎ ᑭᑭᓇᐤ ᐅᒪ ᒥᑭᐙᒻ ᑮ ᐱᑯᐸᓕᒃ, ᑭᑦ ᐋᔮᓈᓇᐤ ᐅ ᐙᔅᑳᔨᑫᐎᓐ ᑭᒋᒪᓂᑐ, ᐙᔅᑳᔨᑲᓐ ᐁᑳ ᒥᒋᒋᒃ ᑳ ᐅᒋ ᐅᔑᒋᑳᑌᒃ, ᑳᑭᑫ ᑭᒋᑭᔑᑯᒃ ᑳ ᐃᑌᑾᒃ᙮

ᐃᐱᓯᔭᓇ 2:1

ᑭᓚᐗᐤ ᒫᑲ ᑭ ᑮ ᐱᒫᑎᓯᐃᑯᐗᐤ, ᑳ ᑮ ᓂᐱᔦᒃ ᐗᓂᑐᑕᒧᐎᓂᒃ ᓀᔥᑕ ᒪᒋᑣᐎᓂᒃ;

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᐅᐸᓓᑭᔅ ᓘᒃ 15:32

ᑮ ᑌᐱᐃᔑᓈᑾᓐ ᒫᑲ ᑭᒋ ᒧᒋᑫᓕᑕᒫᒃ, ᓀᔥᑕ ᑭᒋ ᓯᑭᓓᓯᔮᒃ: ᐌᓴ ᐊᐗ ᑭᔑᒻ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᓀᔥᑕ ᑮ ᐗᓂᐊᐤ ᒥᔅᑲᐗᐤ ᒫᑲ᙮

ᐅᐸᓓᑭᔅ ᓘᒃ 15:24

ᐌᓴ ᐊᐗ ᓂᑲᓯᔅ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᑮ ᐗᓂᐊᐤ, ᒥᔅᑲᐗᐤ ᒫᑲ᙮ ᐁᑯ ᒥᐋᒋ ᒧᒋᑫᓕᑕᑭᒃ᙮

ᐅᐸᓓᑭᔅ ᓘᒃ 7:5

ᐌᓴ ᓵᑭᐁᐤ ᓂᑦ ᐃᓕᓕᒥᓈᓇ, ᓀᔥᑕ ᓂ ᑮ ᐅᔑᑣᑯᓈᓐ ᐋᔭᒥᐁᐎᑲᒥᑯᓕᐤ᙮