6 ᐊᓇ ᓂ ᐱᒋᔅᑲᐗᐤ ᑳ ᐃᑗᑦ, ᐁᑯᔑ ᑲᑕ ᐃᔑ ᐱᒧᑌᐸᓐ, ᒬᒋᒃ ᑳ ᑮ ᐃᔑ ᐱᒧᑌᓕᒋ᙮
ᐌᓴ ᐁᐗᑯ ᐌᒋ ᓇᑐᒥᑲᐎᔦᒃ: ᐌᓴ ᙭ ᓀᔥᑕ ᑭ ᐙᐎᓴᑫᓕᑕᒥᔅᑕᒫᑯᓇᐤ, ᐁ ᓇᑲᑕᒫᑕᒃ ᑭᔅᑭᓄᐙᐸᑎᓕᐌᐎᓂᓕᐤ ᑭᒋ ᑖᑖᐸᐊᒣᐌᒃ ᐅ ᑕᑯᔅᑫᐎᓇ:
ᐌᓴ ᑭ ᑮ ᑭᔅᑭᓄᐙᐸᑎᓕᑎᓇᐗᐤ ᑭᒋ ᑐᑕᒣᒃ ᑳ ᐃᔑ ᑐᑖᑕᑾᒃ᙮
ᐃᔑ ᓄᔅᐱᓇᔑᒃ, ᒬᒋ ᐁ ᐃᔑ ᓄᔅᐱᓇᑕᒃ ᙭᙮
ᒥᓯᐌ ᐊᐌᓇ ᒫᑲ ᑕᑭ ᑳ ᐱᒋᔅᑲᐙᑦ, ᓇᒪᐎᓚ ᒪᒋᑐᑕᒻ: ᐊᐌᓇ ᒣᒋᑐᑕᒣᑴ ᓇᒪᐎᓚ ᐅᒋ ᐙᐸᒣᐤ, ᓇᒪ ᓀᔥᑕ ᐅᒋ ᑭᔅᑫᓕᒣᐤ᙮
ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮
ᐅᑎᓇᒫᓱᒃ ᓂ ᑖᐱᔅᑳᑲᓐ, ᑭᔅᑭᓄᐙᐸᒦᒃ ᒫᑲ, ᐌᓴ ᓂ ᓗᔅᐹᑎᓰᓐ ᓀᔥᑕ ᓂ ᑕᐸᑎᓕᒧᓐ ᓂᑌᐃᒃ: ᑭ ᑳ ᒥᔅᑫᓇᐗᐤ ᒫᑲ ᑫ ᐃᔑ ᐋᓜᐱᒋᒃ ᑭᑦ ᐊᒑᑯᐙᐗᒃ᙮
ᐊᓇ ᑳ ᐃᑗᑦ, ᓂ ᑭᔅᑫᓕᒪᐤ ᐁᑳ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᑭᓛᔅᑭᔅᑭᐤ, ᓇᒫᐎᓚ ᒫᑲ ᐱᒋᔅᑳᑯ ᑖᐺᐎᓂᓕᐤ᙮
ᐁᑯ ᒫᑲ, ᐊᐱᔅᑕᐙᔑᔑᑐᒃ, ᑕᑭ ᐱᒋᔅᑲᐎᒃ; ᐃᔅᐱ ᓄᑯᓯᑌ, ᑭᒋ ᐋᔮᔦᒃ ᒪᔥᑲᐎ ᐊᔅᐯᓕᒧᐎᓐ, ᐁᑳ ᓀᔥᑕ ᑭᒋ ᓇᓀᐯᐎᓰᔅᑕᐌᒃ ᐯᒋ ᑕᑯᔑᑫ᙮
ᑮᔥᐱᓐ ᑲᓇᐎᑕᒣᑴ ᓂ ᑲᑫᔅᑴᐎᓇ, ᑭ ᑳ ᑕᔑᑳᓇᐗᐤ ᓂ ᓵᑭᐃᐌᐎᓂᒃ; ᑖᐱᔅᑯᒡ ᐁ ᑮ ᐃᔑ ᑲᓇᐎᑕᐗᒃ ᓄᑖᐎ ᐅ ᑲᑫᔅᑴᐎᓇ, ᓀᔥᑕ ᐁ ᐃᔑ ᑕᔑᑫᐗᒃ ᐅ ᓵᑭᐃᐌᐎᓂᒃ᙮
ᐊᓇ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᐱᒋᔅᑲᐌᐤ, ᓀᔥᑕ ᐱᒋᔅᑳᑯ᙮ ᓀᔥᑕ ᐁᑯᑕ ᐌᒋ ᑭᔅᑫᓕᑕᒪᒃ ᑕᑭ ᐁ ᐱᒋᔅᑳᑕᒃ, ᐊᓂᐃ ᐊᒑᑾ ᐅᒋ ᑳ ᑮ ᒥᓕᑕᒃ᙮
ᐅᒪ ᐁᑯ ᐁ ᐃᔑ ᒥᑐᓂᐎᐃᑳᑌᒃ ᑭ ᓵᑭᐃᐌᐎᓂᐗᐤ, ᑭᒋ ᐋᔮᔭᒃ ᑫᒋᓇᐅᐎᓐ ᑎᐹᔅᑯᓂᑫᐎ ᑭᔑᑳᑫ: ᐌᓴ ᐁ ᐃᔑ ᐋᔮᑦ, ᐁᑯ ᓀᔥᑕ ᐁ ᐃᔑ ᐋᔭᔭᒃ ᐅᑕ ᐊᔅᑭᒃ᙮
