ᓂᔥᑕᒻ ᒑᓐ 2:3 - ᐅᔅᑭ ᑎᔅᑌᒥᓐᑦ

³ ᐁᐗᑯ ᑳ ᐅᒋ ᑭᔅᑫᓕᑕᒪᒃ ᐁ ᑭᔅᑫᓕᒪᒃ, ᑮᔥᐱᓐ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᓂᔥᑕᒻ ᒑᓐ 2:3 Referans Kwoze

ᐅᐸᓓᑭᔅ ᒑᓐ 14:15

ᑮᔥᐃᓐ ᓯᐋᑭᐃᐌᑴ, ᑲᓇᐎᑖᒃ ᓂ ᑲᑫᔅᑴᐎᓇ᙮

ᐅᐸᓓᑭᔅ ᒑᓐ 15:10

ᑮᔥᐱᓐ ᑲᓇᐎᑕᒣᑴ ᓂ ᑲᑫᔅᑴᐎᓇ, ᑭ ᑳ ᑕᔑᑳᓇᐗᐤ ᓂ ᓵᑭᐃᐌᐎᓂᒃ; ᑖᐱᔅᑯᒡ ᐁ ᑮ ᐃᔑ ᑲᓇᐎᑕᐗᒃ ᓄᑖᐎ ᐅ ᑲᑫᔅᑴᐎᓇ, ᓀᔥᑕ ᐁ ᐃᔑ ᑕᔑᑫᐗᒃ ᐅ ᓵᑭᐃᐌᐎᓂᒃ᙮

ᓂᔥᑕᒻ ᒑᓐ 5:3

ᐌᓴ ᐁᐗᑯ ᐅᒪ ᑭᒋᒪᓂᑐ ᐅ ᓵᑭᐃᑯᓯᐎᓐ, ᑭᒋ ᑲᓇᐌᓕᑕᒶᒃ ᐅ ᑲᑫᔅᑴᐎᓇ: ᐅ ᑲᑫᔅᑴᐎᓇ ᒫᑲ ᓇᒪᐎᓚ ᐋᓕᒪᓂᓕᐗ᙮

ᐅᐸᓓᑭᔅ ᓘᒃ 6:46

ᑫᒀᓐ ᒫᑲ ᐌᒋ ᑌᐯᓕᒋᑫᔭᓐ, ᑌᐯᓕᒋᑫᔭᓐ, ᐃᔑᓂᑳᔑᔦᒃ, ᐁᑳ ᒫᑲ ᐁ ᑐᑕᒣᒃ ᐊᓂᐃ ᑫᒀᓇ ᑳ ᐃᑗᔮᓐ?

ᐅᐸᓓᑭᔅ ᒑᓐ 15:14

ᑭᑦ ᐅᑐᑌᒥᒥᑎᓇᐗᐤ ᑮᔥᐱᓐ ᑐᑕᒧᑴ ᒥᓯᐌ ᑫᒀᓐ ᑳ ᐃᑕᔓᐙᑎᑕᑾᒃ

ᓂᔥᑕᒻ ᒑᓐ 4:13

ᐅᒪ ᑭ ᐅᒋ ᑭᔅᑫᓕᑌᓈᓇᐤ ᐁ ᐱᒋᔅᑲᐗᒃ, ᐎᓚ ᓀᔥᑕ ᐁ ᐱᒋᔅᑳᑕᒃ, ᐁ ᑮ ᒥᓕᑕᒃ ᐅᑦ ᐊᒑᑾ᙮

ᐦᐃᑉᕉᐗ 5:9

ᓀᔥᑕ ᒫᑲ ᐁ ᑮ ᒥᑐᓂᐎᐋᑲᓂᐎᑦ, ᑮ ᐊᑎ ᑎᐯᓕᑕᒪᐌᐤ ᐱᒫᒋᐃᐌᐎᓂᓕᐤ ᒥᓯᐌ ᐊᓂᐃ ᑳ ᓇᓇᐃᑖᑯᑦ;

ᓂᔥᑕᒻ ᒑᓐ 3:19

ᐁᑯᑕ ᓀᔥᑕ ᑳ ᐅᒋ ᑭᔅᑫᓕᑕᒪᒃ ᑖᐺᐎᓂᒃ ᐁ ᐅᒋᔭᒃ, ᓀᔥᑕ ᑭ ᑳ ᑫᒋᓇᐅᓈᓇᐤ ᑭᑌᐃᓈᒃ ᑫᓇᐗᐸᒥᑕᑯ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᓂᔥᑕᒻ ᒑᓐ 5:19

ᑭ ᑭᔅᑫᓕᑌᓈᓇᐤ ᒫᑲ ᐁ ᑎᐯᓕᒥᑕᒃ ᑭᒋᒪᓂᑐ, ᓀᔥᑕ ᒥᓯᐌ ᐊᔅᑭ ᐁ ᐱᒥᑎᒃ ᒪᒑᑎᓯᐎᓂᒃ᙮

ᓂᔥᑕᒻ ᒑᓐ 3:14

ᑭ ᑭᔅᑫᓕᑌᓈᓇᐤ ᐁ ᑮ ᒥᔮᔥᑲᒪᒃ ᓂᐱᐎᓐ ᐱᒫᑎᓯᐎᓐ ᐁ ᐅᑎᑕᒪᒃ, ᐁ ᓵᑭᐊᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ᙮ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ ᓂᐱᐎᓂᒃ ᑕᔑᑫᐤ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᑭᔅᑫᓕᑖᑯᑖᑫᐎᓐ 22:14

ᔕᐌᓕᑖᑯᓯᐗᒃ ᐊᓂᑭ ᑳ ᑐᑕᒸᒋᒃ ᐅ ᑲᑫᔅᑴᐎᓂᓕᐗ, ᒀᔭᔉ ᑭᒋ ᑮ ᐋᔭᐙᒋᒃ ᐱᒫᑎᓯᐎᓂ ᒥᔅᑎᑾ, ᓀᔥᑕ ᔕᐳ ᑭᒋᐃᔥᒀᑌᒥᒃ ᑭᒋ ᐱᑐᑫᒋᒃ ᐃᑖᐎᓂᒃ᙮

ᓂᔥᑕᒻ ᒑᓐ 2:13

ᑭ ᒪᓯᓇᐊᒫᑎᓇᐗᐤ, ᐅᑖᐎᒪᐎᑐᒃ, ᐌᓴ ᑭ ᑮ ᑭᔅᑫᓕᒪᐗᐤ ᐊᓇ ᒫᐗᒋ ᓃᔥᑕᒻ ᑳ ᐅᒋ ᐃᑖᑦ᙮ ᑭ ᒪᓯᓇᐊᒫᑎᓇᐗᐤ, ᐅᔥᑭᓂᑭᑐᒃ, ᐌᓴ ᑭ ᑮ ᔖᑯᒋᐋᐗᐤ ᒣᒋᑣᑦ᙮ ᑭ ᒪᓯᓇᐊᒫᑎᓇᐗᐤ, ᐊᐱᔅᑕᐙᔑᔑᑐᒃ, ᐁ ᑮ ᑭᔅᑫᓕᒣᒃ ᐅᑖᐎᒪᐤ᙮

ᓂᔥᑕᒻ ᒑᓐ 3:6

ᒥᓯᐌ ᐊᐌᓇ ᒫᑲ ᑕᑭ ᑳ ᐱᒋᔅᑲᐙᑦ, ᓇᒪᐎᓚ ᒪᒋᑐᑕᒻ: ᐊᐌᓇ ᒣᒋᑐᑕᒣᑴ ᓇᒪᐎᓚ ᐅᒋ ᐙᐸᒣᐤ, ᓇᒪ ᓀᔥᑕ ᐅᒋ ᑭᔅᑫᓕᒣᐤ᙮

ᓂᔥᑕᒻ ᒑᓐ 4:7

ᓯᐋᑭᐃᑕᑾᒃ, ᐁᑯᔑ ᓵᑭᐃᑐᑕᐤ: ᐌᓴ ᓵᑭᐃᐌᐎᓐ ᑭᒋᒪᓂᑐᒃ ᐅᒋᐸᓕᐤ; ᓀᔥᑕ ᒥᓯᐌ ᑕᑐ ᐊᐌᓇ ᑳ ᓵᑭᐃᐌᑦ ᑭ ᓂᑕᐎᑭᐃᑯ ᑭᒋᒪᓂᑐᐗ, ᓀᔥᑕ ᑭᔅᑫᓕᒣᐤ ᑭᒋᒪᓂᑐᐗ᙮

ᓂᔥᑕᒻ ᒑᓐ 5:2

ᐅᒪ ᑭ ᐅᒋ ᑭᔅᑫᓕᑌᓈᓇᐤ ᐁ ᓵᑭᐃᒪᑭᒃ ᑭᒋᒪᓂᑐ ᐅᑦ ᐊᐙᔑᒥᔕ, ᐃᔅᐱ ᐁ ᓵᑭᐊᒃ ᑭᒋᒪᓂᑐ, ᓀᔥᑕ ᐁ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᑭᔅᑫᓕᑖᑯᑖᑫᐎᓐ 12:17

ᒥᔑᑭᓀᐱᒃ ᒫᑲ ᑮ ᑭᓯᐙᓰᔅᑕᐌᐤ ᐃᔅᑴᐗ, ᓀᔥᑕ ᑮ ᓇᑕᐎ ᓇᑐᐸᓕᔅᑕᐅᒫᑦ ᑳ ᐃᔥᑯᐸᓕᓕᒋ ᐅᑦ ᐊᐙᔑᒥᔕ, ᐊᓂᑭ ᑳ ᑲᓇᐌᓕᑕᒸᒋᒃ ᑭᒋᒪᓂᑐᐗ ᐅ ᑲᑫᔅᑴᐎᓂᓕᐗ, ᓀᔥᑕ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ᙮

ᑭᔅᑫᓕᑖᑯᑖᑫᐎᓐ 14:12

ᐅᑕ ᐃᑕᑾᓂᓕᐤ ᐅ ᔑᐱᓚᐌᓯᐎᓂᐗᐤ ᐅᐸᓓᑭᓴᒃ: ᐅᑕ ᐃᑖᐗᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑲᑫᔅᑴᐎᓂᓕᐗ ᑭᒋᒪᓂᑐᐗ, ᓀᔥᑕ ᐅ ᑖᐺᔦᓕᑕᒧᐎᓂᓕᐤ ᒋᓴᓴ᙮