3 ᐁᐗᑯ ᐅᒪ ᐁ ᐃᔑ ᓇᔥᑴᐗᔑᒪᑭᒃ ᐊᓂᑭ ᑳ ᑲᑴᒋᒥᒋᒃ᙮
ᓂᔥᑕᒻ ᐁ ᑮ ᓇᔥᑴᐗᔑᐃᐌᔮᓐ ᓇᒪᐎᓚ ᐊᐌᓇ ᓂ ᑮ ᐎᒋᑳᐸᐎᔅᑖᒃ, ᒫᑲ ᒥᓯᐌ ᐃᓕᓕᐗᒃ ᓂ ᑮ ᓇᑲᑎᑾᒃ: ᓇᑕᒫ ᐁᑳ ᑭᒋ ᐅᒋ ᒫᒥᔑᒫᑲᓂᐎᒋᒃ᙮
ᐅᑯ ᒫᑲ ᓵᑭᐃᐌᐎᓂᒃ, ᐁ ᑭᔅᑫᓕᑕᑭᒃ ᐁ ᑮ ᐃᑕᓕᑲᐎᐗᒃ ᑭᒋ ᓈᑕᒧᑕᒫᓐ ᒥᓗᐋᒋᒧᐎᓐ᙮
ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮
ᐁᐗᑯ ᐌᒋ ᐅᐅ ᒪᓯᓇᐊᒫᓐ, ᐁ ᐃᑖᐱᒋᔮᓐ, ᒫᔅᑯᒡ ᐁᑖᔮᓂ ᐃᑕ ᐁ ᐃᑖᔦᒃ ᓂ ᑳ ᑭᓯᐗᐊᔭᒥᑖᔾ, ᑳ ᐃᑕᔅᑌᒃ ᐊᓂᒪ ᑲᔥᑭᐅᐎᓐ ᑳ ᑮ ᒥᓕᑦ ᐅᑎᐯᓕᒋᑫᐤ, ᑭᒋ ᑭᔅᑭᓄᐊᒫᑫᔮᓐ, ᓇᒪ ᒫᑲ ᑭᒋ ᓂᔑᐗᓈᒋᐃᐌᔮᓐ᙮
ᓇᓇᑕᐎᑭᔅᑫᓕᒥᑎᓱᒃ, ᑮᔥᐱᓐ ᑖᐺ ᑖᐺᔦᓕᑕᒧᐎᓂᒃ ᐁᑖᐌᑴ; ᑲᑴᒋᐃᑎᓱᒃ᙮ ᓇᒪ ᓈ ᑭ ᑭᔅᑫᓕᑌᓇᐗᐤ ᑭᓚᐗᐤ ᑫᒋᐙᒃ ᐁ ᐱᒋᔅᑳᑖᒃ ᒋᓴᔅ ᙭, ᑮᔥᐱᓐ ᐁᑳ ᐎᐁᐱᓂᑲᓂᐎᐌᑴ?
ᐁ ᓇᑕᐌᓕᑕᒪᐎᔮᒃ ᑫᒋᓇᐅᐎᓐ ᐁ ᐋᔭᒥᑦ ᙭ ᓂᓚ ᐅᒋ, ᑭᓚᐗᐤ ᐃᔑ ᐁᑳ ᑳ ᓕᓚᒪᒃ, ᒫᑲ ᑳ ᓱᑳᑎᓯᒪᑲᒃ ᐁ ᐱᒋᔅᑳᑯᔦᒃ᙮
ᑮᔥᐱᓐ ᐊᐌᓇ ᐃᓕᓕᐤ ᐁᑌᓕᒥᑎᓱᑴ ᐁ ᐅᑭᔅᑭᐙᐃᑫᐎᑦ, ᓀᔥᑕᐱᑯ ᐁ ᐊᒑᑯᐎᐃᑖᑎᓰᑦ, ᐁᑯᔑ ᑲᑕ ᐎᑕᒻ ᐊᓂᐃ ᑳ ᒪᓯᓇᐊᒫᑕᑾᒃ ᐁᐗᒀᓂᐃ ᐅ ᑲᑫᔅᑴᐎᓇ ᐅᑎᐯᓕᒋᑫᐤ᙮
ᑳ ᑮ ᓇᔥᑴᐗᔑᐊᑭᒃ, ᓇᒪᐎᓚ ᐁ ᐃᑌᒋᒃ ᕈᒥᐎᓕᓕᐗᒃ ᑭᒋ ᐸᑭᑎᓈᒋᒃ ᐊᐌᓕᐗ ᑭᒋ ᓂᐹᔨᒥᒋ, ᐸᒧᔑ ᐊᓇ ᑳ ᒫᒥᔑᒫᑲᓂᐎᑦ ᐁ ᐅᑎᔥᑲᐎᑳᐸᐎᔅᑕᐙᑦ ᐊᓂᐃ ᑳ ᒫᒥᔑᒥᑯᑦ, ᓀᔥᑕ ᐁ ᐃᓕᓈᑲᓂᐎᑦ ᑭᒋ ᓇᔥᑴᐗᔑᑕᒫᓱᑦ ᐊᓂᐁᓕᐤ ᒪᒋᑐᑕᒧᐎᓂᓕᐤ ᐅᒋ ᑳ ᐃᔑ ᒫᒥᔑᒫᑲᓂᐎᑦ᙮
ᐃᓕᓕᑐᒃ, ᓂᒋᔖᓂᑐᒃ, ᓀᔥᑕ ᐅᑖᐎᒫᑐᒃ, ᓇᑐᑕᒧᒃ, ᓂᑦ ᐋᔭᒥᔅᑕᒫᓱᐎᓐ, ᐊᓄᒡ ᑫ ᐋᔭᒥᐃᑕᑾᒃ᙮
ᐃᔅᐱ ᒫᑲ ᐯᒋ ᐃᑐᑕᐃᑖᑾᐌ ᐋᔭᒥᐁᐎᑲᒥᑯᒃ, ᓀᔥᑕ ᐅᑎᔥᑳᐤ ᐅᑎᐹᔅᑯᓂᑫᐗᒃ ᓀᔥᑕ ᐅᑭᒫᐗᒃ, ᐁᑳᐎᓚ ᒪᒥᑐᓀᓕᑕᒧᒃ ᑖᓂ ᑫ ᐃᔑ ᓀᔥᑕ ᑫᒀᓐ ᑫ ᓇᔥᑴᐗᔑᐃᐌᔦᒃ, ᓀᔥᑕᐱᑯ ᑫᒀᓐ ᑫ ᐃᑗᔦᒃ᙮
ᑮᔥᐱᓐ ᐁᑳ ᐃᐋᐸᔅᑕᓕᐎᔮᓂ ᑯᑕᑭᔭᒃ ᐅᒋ, ᑫᒋᓈᔥ ᓂᑦ ᐊᐸᔅᑕᓕᐎᓐ ᑭᓚᐗᐤ ᐅᒋ; ᐌᓴ ᐊᓇᒪ ᐁ ᑭᔅᑭᓄᐙᒋᒋᑳᑌᒃ ᓂᑦ ᐊᐸᔅᑕᓕᐎᐎᓐ ᐁᐗᑯ ᑭᓚᐗᐤ ᐅᑎᐯᓕᒋᑫᒃ᙮
ᓇᒪ ᓈ ᓂᑦ ᐋᔮᓈᓐ ᑲᔥᑭᐅᐎᓐ ᑭᒋ ᒥᒋᓱᔮᒃ ᓀᔥᑕ ᑭᒋ ᒥᓂᑴᔮᒃ?
