ᓂᔥᑕᒻ ᑯᕆᓐᑎᐊᓇ 9:18 - ᐅᔅᑭ ᑎᔅᑌᒥᓐᑦ

¹⁸ ᑫᒀᓐ ᒫᑲ ᓂ ᑎᐸᐊᒫᑯᓯᐎᓐ? ᑖᐺ ᐅᒪ, ᐃᔅᐱ ᐙᐎᑕᒫᓀ ᒥᓗᐋᒋᒧᐎᓐ, ᑭᒋ ᐙᐎᑕᒶᒃ ᐅ ᒥᓗᐋᒋᒧᐎᓐ ᙭ ᐁᑳ ᐁ ᑎᐸᐊᒫᑲᐎᔮᓐ ᐁᑳ ᑭᒋ ᒪᒋᐋᐸᒋᑖᔮᓐ ᓂ ᑲᔥᑭᐅᐎᓐ ᒥᓗᐋᒋᒧᐎᓂᒃ᙮

ᓂᔥᑕᒻ ᑯᕆᓐᑎᐊᓇ 9:18 Referans Kwoze

ᓂᔥᑕᒻ ᑌᓴᓗᓂᔭᓇ 2:6

ᓇᒪ ᓀᔥᑕ ᐃᓕᓕᐗᒃ ᓂ ᑮ ᐅᒋ ᓈᓇᑕᐌᓕᑌᓈᐤ ᐱᓯᔅᑫᓕᑖᑯᓯᐎᓐ, ᓇᒪ ᓀᔥᑕ ᑭᓚᐗᐤ ᐅᒋ, ᓇᒪ ᓀᔥᑕ ᑯᑕᑭᔭᒃ ᐅᒋ, ᐃᔅᐱ ᑳ ᑲᔥᑭᑖᔮᑭᐸᓐ ᑭᒋ ᑎᐯᓕᒋᑫᓕᒥᑎᓱᔮᒃ ᑖᐱᔅᑯᒡ ᙭ ᐅᑦ ᐊᐸᔅᑕᓕᒪ᙮

ᓂᔥᑕᒻ ᑯᕆᓐᑎᐊᓇ 8:9

ᒫᑲ ᔮᒀᒥᓯᒃ ᐅᒪ ᑭ ᑎᐯᓕᒥᑎᓱᐎᓂᐗᐤ ᐁᑳ ᒦᔅᑲᐤ ᑭᒋ ᐸᑭᔑᐃᑯᒋᒃ ᐊᓂᑭ ᑳ ᓕᓚᒥᓯᒋᒃ᙮

ᓂᔓ ᑯᕆᓐᑎᐊᓇ 4:5

ᐌᓴ ᓇᒪᐎᓚ ᓂ ᑲᑫᔅᑭᒥᐙᓱᓈᓐ, ᒫᑲ ᒋᓴᔅ ᙭ ᐅᑎᐯᓕᒋᑫᐤ; ᓂᓚᓈᓐ ᓀᔥᑕ ᑭᑦ ᐊᑐᔅᑫᓚᑲᓂᐗᐗᒃ ᒋᓴᔅ ᐅᒋ᙮

ᓂᔥᑕᒻ ᑯᕆᓐᑎᐊᓇ 10:33

ᐁ ᐃᔑ ᓇᐃᓚᐌᐊᑭᒃ ᒥᓯᐌ ᐃᓕᓕᐗᒃ ᒥᓯᐌ ᐃᔑ, ᐁᑳ ᐁ ᓈᓇᑕᐌᓕᑕᒫᓐ ᑎᐱᓚᐌ ᓂᑦ ᐅᑎᓯᐎᓐ, ᒫᑲ ᐅᑦ ᐅᑎᓯᐎᓂᐗᐤ ᒥᒉᑦ, ᑭᒋ ᐅᒋ ᐱᒫᒋᐋᑲᓂᐎᒋᒃ᙮

ᓂᔥᑕᒻ ᑯᕆᓐᑎᐊᓇ 7:31

ᐊᓂᑭ ᓀᔥᑕ ᑳ ᐋᐸᒋᑖᒋᒃ ᐅᒣᓕᐤ ᐊᔅᑭᓕᐤ, ᐁᑳ ᐁ ᒪᒋ ᐋᐸᒋᑖᒋᒃ: ᐌᓴ ᐁ ᐃᔑᓈᑾᒃ ᐅᒪ ᐊᔅᑭ ᐌᐱᐸᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:15

ᒫᑲ ᑮᔥᐱᓐ ᑭᒋᔖᓐ ᑲᔥᑫᓕᑕᒥᐃᑯᑦ ᑭ ᒥᒋᒥᓕᐤ, ᓇᒪᐎᓚ ᐁ ᐃᑕᔅᑌᒃ ᓵᑭᐃᑐᐎᓐ ᑭᑦ ᐃᔑ ᐱᒧᑖᓐ᙮ ᐁᑳᐎᓚ ᓂᔑᐗᓈᒋ ᑭ ᒥᒋᒻ ᐅᒋ, ᐊᓇ ᑳ ᑮ ᓂᐳᔅᑕᒫᑯᑦ ᙭ᑕ᙮

ᐅᐸᓓᑭᔅ ᒑᓐ 4:36

ᐊᓇ ᒫᑲ ᑳ ᒪᓂᔑᑫᑦ ᐅᑎᓇᒻ ᑎᐸᐊᒫᑯᓯᐎᓂᓕᐤ, ᓀᔥᑕ ᒪᐗᒋᑕᐤ ᓂᑖᐎᑭᑖᑲᓇ ᑭᒋ ᐅᒋ ᑳᑭᑫ ᐱᒫᑎᓰᑦ: ᑖᐱᔅᑯᒡ ᐊᓇ ᑳ ᐸᑭᑎᓂᑫᑦ ᓀᔥᑕ ᐊᓇ ᑳ ᒪᓂᔑᑫᑦ ᑭᒋ ᒥᓚᐙᑕᑭᒃ᙮

ᐊᐸᔅᑕᓚᒃ 18:3

ᐎᓚ ᒫᑲ ᓀᔥᑕ ᐁᒀᓂ ᐁ ᐃᑖᐸᑎᓯᑦ, ᑮ ᐎᒋᑕᔑᑫᒣᐤ, ᓀᔥᑕ ᑮ ᐊᑐᔅᑫᐤ; ᐌᓴ ᐅᑦ ᐃᑖᐸᑎᓯᐎᓂᐙᒃ ᐅᒋ ᑮ ᐅᒥᑭᐗᒥᑫᐗᒃ᙮

ᓂᔥᑕᒻ ᑯᕆᓐᑎᐊᓇ 3:8

ᐊᓇ ᒫᑲ ᑳ ᓂᑕᐎᑭᒋᑫᑦ, ᐊᓇ ᓀᔥᑕ ᑳ ᐗᓴᓶᐯᑲᐃᑫᑦ ᐯᔭᑯᐗᒃ: ᒥᓯᐌ ᑕᑐ ᐃᓕᓕᐤ ᒫᑲ ᑲᑕ ᒥᓛᑲᓂᐎᐤ ᑎᐱᓚᐌ ᐅ ᑎᐸᐊᒫᑯᓯᐎᓐ ᑳ ᑮ ᐃᔑ ᐊᑑᔅᑫᑦ᙮

ᓂᔥᑕᒻ ᑯᕆᓐᑎᐊᓇ 9:12

ᑮᔥᐱᓐ ᑯᑕᑭᔭᒃ ᐊᓯᒋ ᑮ ᑎᐯᓕᒥᑖᒃ, ᓇᒪ ᓈ ᓂᓚᓈᓐ ᓇᐗᒡ? ᐁᓕᐌᒃ ᒫᑲ ᓇᒪᐎᓚ ᓂ ᑮ ᐅᒋ ᐋᐸᒋᑖᓈᓐ ᐅᒪ ᑲᔥᑭᐅᐎᓐ; ᒫᑲ ᓂ ᐎᓴᑭᒧᔑᑖᓈᓐ ᒥᓯᐌ ᑫᒀᓇ, ᐁᑳ ᑭᒋ ᑭᐱᒋᑕᐗᒃ ᐅ ᒥᓗᐋᒋᒧᐎᓐ ᙭᙮

ᓂᔥᑕᒻ ᑯᕆᓐᑎᐊᓇ 9:15

ᒫᑲ ᓂᓚ ᓇᒪᐎᓚ ᓂ ᑮ ᐅᒋ ᐋᐸᒋᑖᓐ ᐅᐅ ᑫᒀᓇ: ᓇᒪ ᓀᔥᑕ ᐅᐅ ᓂ ᑮ ᒪᓯᓇᐁᓐ ᑭᒋ ᐃᔑ ᑐᑕᒫᑲᐎᔮᓐ: ᐌᓴ ᐊᐙᓯᑌ ᑲᑕ ᒥᓨᔒᓄᐸᐤ ᑭᒋ ᓂᐱᔮᓐ, ᐃᔥᐱᔥ ᐊᐌᓇ ᐃᓕᓕᐤ ᑭᒋ ᐋᑕᐌᓕᑖᑯᑕᒃ ᓂ ᒫᒪᑖᑯᒧᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 9:17

ᐌᓴ ᑮᔥᐱᓐ ᓂᓚ ᐁ ᐃᑌᓕᑕᒫᓐ ᐅᒪ ᐁ ᑐᑕᒫᓐ, ᓂᑦ ᐋᔮᓐ ᑎᐸᐊᒫᑯᓯᐎᓐ: ᒫᑲ ᑮᔥᐱᓐ ᐁᑳ ᐁ ᐃᑌᓕᑕᒫᓐ ᓂᓚ, ᑭᒋ ᒫᑎᓇᒫᑫᔮᓐ ᒥᓗᐋᒋᒧᐎᓐ ᓂ ᑮ ᐸᑭᑎᓇᒫᑲᐎᓐ᙮