35 ᐅᒪ ᒫᑲ ᓂᑦ ᐃᑣᓐ ᑭᒋ ᒥᓗᑐᑖᑯᔦᒃ; ᐁᑳ ᐁ ᐎ ᓇᒀᑎᑕᑾᒃ, ᒫᒋ ᐊᓂᒪ ᑳ ᒥᓨᔑᒃ ᐅᒋ, ᓀᔥᑕ ᑭᒋ ᐸᒦᔅᑕᐌᒃ ᐅᑎᐯᓕᒋᑫᐤ ᐁᑳ ᐁ ᐙᐙᓀᓕᑕᒣᒃ᙮
ᒫᑲ ᑮᔥᐱᓐ ᐊᐌᓇ ᐃᓕᓕᐤ ᓇᒪᐎᓚ ᒀᔭᔉ ᓂ ᑐᑕᐗᐤ ᓂᑦ ᐅᔥᑭᓂᑭᔅᑴᒻ, ᐃᑌᓕᑕᑫ, ᑮᔥᐱᓐ ᑮ ᒥᔮᔥᑲᒥᓕᒋ ᐅᑦ ᐅᔥᑳᑎᓯᐎᓐ, ᓀᔥᑕ ᐁᑯ ᐁ ᐃᔑ ᓇᑕᐌᓕᑖᑾᓂᓕᒃ, ᐁᑯᔑ ᑲᑕ ᑐᑕᒻ ᐙ ᑐᑕᒃ, ᓇᒪᐎᓚ ᒪᒋᑐᑕᒻ: ᐁᑯᔑ ᑲᑕ ᐎᑭᑐᐗᒃ᙮
ᐊᓂᒪ ᒫᑲ ᒥᔑᑳᐎᒥᓇᑯᓰᔅᑳᒃ ᑳ ᐸᑭᑎᒃ, ᐁᐗᒀᓂᑭ, ᐃᔅᐱ ᐱᐁᑕᑭᒃ, ᑭᑐᑌᐗᒃ, ᑭᐱᔥᑳᑯᐗᒃ ᒫᑲ ᐱᑴᓕᑕᒧᐎᓇ ᓀᔥᑕ ᒥᔕᑭᓯᐎᓇ ᓀᔥᑕ ᓇᐃᓚᐌᐃᑯᓯᐎᓇ ᐅᒪ ᐱᒫᑎᓯᐎᓂᒃ ᑳ ᐃᑕᑾᑭ, ᓇᒪᐎᓚ ᒫᑲ ᒥᑐᓂ ᑭᔑᒥᓂᔑᐎᐗᒃ᙮
ᒫᒋᒡ ᒫᑲ ᓂᒋᔖᓂᑐᒃ, ᑫᒀᓇ ᑎᐋᐺᒪᑲᓄᑴ, ᑫᒀᓇ ᐁ ᒀᔭᔅᑾᓄᑴ, ᑫᒀᓇ ᐁ ᒀᔭᔅᑳᑎᓯᒪᑲᓄᑴ, ᑫᒀᓇ ᐯᓓᑲᓄᑴ, ᑫᒀᓇ ᓯᐋᑭᑖᓂᐗᓄᑴ, ᑫᒀᓇ ᒣᓗᐋᓕᒧᒋᑖᓂᐗᓄᑴ; ᐁᑕᑾᓄᑴ ᒥᓨᑎᓯᐃᓐ, ᑮᔥᐱᓐ ᓀᔥᑕ ᐁᑕᑾᓄᑴ ᒫᒪᑖᑯᒥᑯᓯᐎᓐ, ᒫᒥᑐᓀᓕᑕᒧᒃ ᐅᐅ ᑫᒀᓇ᙮
ᐁᓕᐌᒃ ᒫᑲ, ᐁᑳ ᑭᒋ ᐱᔑᒀᑎᓯᓈᓂᐗᒃ, ᐁᑯᔑ ᒥᓯᐌ ᑕᑐ ᐃᓕᓕᐤ ᑲᑕ ᐋᔮᐌᐤ ᑎᐱᓚᐌ ᐎᐗ, ᐁᑯᔑ ᓀᔥᑕ ᒥᓯᐌ ᑕᑐ ᐃᔅᑴᐤ ᑲᑕ ᐋᔭᐌᐤ ᑎᐱᓚᐌ ᐅ ᓈᐯᒪ᙮
ᔮᒀᒥᓰᒃ ᒫᑲ ᐁᑳ ᑭᒋ ᒫᑕᑯᔥᑭᑳᑌᑭ ᑭᑌᐃᐙᐗ ᒥᔅᑕᐃ ᐁ ᒥᒋᓱᔦᒃ ᓀᔥᑕ ᐁ ᑭᔥᑴᐯᔦᒃ, ᓀᔥᑕ ᐁ ᐅᑕᒣᓕᑕᒣᒃ ᐅᒪ ᐱᒫᑎᓯᐎᓐ, ᐁᑳ ᐊᓂᒪ ᐁ ᑭᔑᑳᒃ ᑫᑕᑕᐌ ᑭᒋ ᐅᑎᑎᑯᔦᒃ᙮
ᐌᓴ ᐃᑖᐗᒃ ᐋᑎᑦ ᔫᓇᑲᒃ, ᐁ ᑮ ᐃᔑ ᓂᑖᐎᑭᒋᒃ ᐅᑳᐎᐙᐗ ᐅᔻᓕ ᐅᒋ; ᐃᑖᐗᒃ ᓀᔥᑕ ᐋᑎᑦ ᔫᓇᑲᒃ, ᐁ ᑮ ᐃᔑᐃᑯᒋᒃ ᐃᓕᓕᐗ; ᐃᑖᐗᒃ ᓀᔥᑕ ᔫᓇᑲᒃ ᐅᒋᑕᐤ ᐁ ᑮ ᐃᔑᐃᑎᓱᒋᒃ ᑭᒋᑭᔑᑳᐎ ᐅᑭᒫᐎᐎᓂᓕᐤ ᐅᒋ᙮ ᐊᓇ ᑳ ᑲᔥᑭᑖᑦ ᑭᒋ ᐅᑎᓇᒃ, ᐁᑯᔑ ᑲᑕ ᐅᑎᓇᒻ᙮
ᑖᐱᔅᑯᒡ ᓀᔥᑕ ᑭᔐᐃᔅᑴᐗᒃ, ᐅᑦ ᐃᑖᑎᓯᐎᓂᐙᒃ ᑭᒋ ᓄᑯᑖᒋᒃ ᐸᓓᑭᓯᐎᓂᓕᐤ, ᐁᑳ ᑭᒋ ᑭᓛᔅᑭᐎ ᒪᒥᔑᒥᐌᒋᒃ, ᐁᑳ ᒥᔅᑕᐃ ᑭᒋ ᒥᓂᑴᒋᒃ ᔓᒥᓈᐳᓕᐤ, ᑭᒋ ᑭᔅᑭᓄᐊᒫᑫᒋᒃ ᒥᓗ ᑫᒀᓇ:
ᒫᑲ ᐱᔑᒀᑎᓯᐎᓐ, ᓀᔥᑕ ᒥᓯᐌ ᐎᓂᓯᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᑳᐎᓚ ᐎᔅᑲᑦ ᑲᑕ ᐋᓕᒧᒋᑳᑌᐤ ᐃᑌ ᐁ ᐃᑕᔦᒃ, ᑳ ᐃᔑ ᓇᑕᐌᓕᑖᑯᓯᒋᒃ ᐅᐸᓓᑭᓴᒃ;
ᒫᑲ ᑮᔥᐱᓐ ᐎᐎᔭᓀ, ᓇᒪᐎᓚ ᑭ ᑮ ᒪᒋᑐᑌᓐ; ᑮᔥᐱᓐ ᓀᔥᑕ ᐅᔥᑭᓂᑭᔅᑴᐤ ᐅ ᓈᐯᒥᑌ, ᓇᒪᐎᓚ ᑮ ᒪᒋᑐᑕᒻ᙮ ᐁᓕᐌᒃ ᒫᑲ ᐅᑯ ᑐᐎᑳᓇᒃ ᑲᑕ ᐋᔭᐗᒃ ᐊᓕᒥᓯᐎᓂᓕᐤ ᐃᔮᓯᐎᓂᒃ: ᒫᑲ ᑭ ᒪᓈᒋᐃᑎᓇᐗᐤ᙮
ᑳ ᐱᔑᒀᑎᓯᒋᒃ, ᓀᔥᑕ ᐊᓂᑭ ᐎᒋᐃᓕᓕᐗ ᑳ ᐅᒋ ᐎᓂᐃᑎᓱᒋᒃ, ᐊᓂᑭ ᑳ ᑭᒧᑎᒋᒃ ᐃᓕᓕᐗ, ᐅᑭᓛᔅᑭᔅᑲᒃ, ᐊᓂᑭ ᑳ ᑭᓛᔅᑭᐋᒋᒧᒋᒃ, ᓀᔥᑕ ᑮᔥᐱᓐ ᐁᑕᑾᓄᑴ ᑯᑕᒃ ᑫᒀᓐ ᑳ ᓇᔅᐹᓯᓈᑾᒃ ᑖᐺᐎ ᑭᔅᑭᓄᐊᒫᑫᐎᓂᒃ:
ᐁᑯ ᑫᑐᑌᒋᒃ ᐸᕋᓯᔭᒃ, ᑮ ᐋᔭᔭᒥᐃᑐᐗᒃ ᒫᑲ ᑖᓂ ᑫ ᐃᔑ ᐋᓉᑲᐙᒋᒃ ᐅᑦ ᐋᔭᒥᐎᓂᓕᒃ᙮