ᓂᔥᑕᒻ ᑯᕆᓐᑎᐊᓇ 4:9 - ᐅᔅᑭ ᑎᔅᑌᒥᓐᑦ

⁹ ᐌᓴ ᓂᑦ ᐃᑌᓕᑌᓐ ᑭᒋᒪᓂᑐ ᒫᒋᒡ ᐁ ᑮ ᐃᑕᓕᑖᒃ ᓂᓚᓈᓐ ᑳ ᐊᐸᔅᑕᓕᐎᔮᒃ, ᑖᐱᔅᑯᒡ ᐊᓂᑭ ᑳ ᑮ ᐃᑕᑭᒫᑲᓂᐎᒋᒃ ᑭᒋ ᓂᐱᒋᒃ; ᐌᓴ ᓂᑦ ᐃᔑᐃᑲᐎᓈᓐ ᑲᓇᐙᐸᒋᑲᓇᒃ ᑭᒋ ᑲᓇᐙᐸᒥᑖᑾᒃ ᐊᔅᑮᒃ ᑳ ᐃᑖᒋᒃ, ᓀᔥᑕ ᐁᓐᒐᓚᒃ, ᓀᔥᑕ ᐃᓕᓕᐗᒃ᙮

ᓂᔥᑕᒻ ᑯᕆᓐᑎᐊᓇ 4:9 Referans Kwoze

ᐦᐃᑉᕉᐗ 10:33

ᐸᔅᑭ, ᒣᒀᒡ ᐁ ᑮ ᐃᔑᐃᑲᐎᔦᒃ ᑭᒋ ᐹᐱᐃᑲᐎᔦᒃ, ᐁ ᑮ ᑭᑳᒥᑲᐎᔦᒃ ᓀᔥᑕ ᐁ ᑮ ᐊᓕᒥᐃᑲᐎᔦᒃ; ᐸᔅᑭ ᓀᔥᑕ, ᒣᒀᒡ ᐁ ᑮ ᐅ ᐎᒉᐗᑲᓂᔦᒃ ᐊᓂᑭ ᐁᑯ ᐃᔑ ᑳ ᑐᑕᐙᑲᓂᐎᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:36

ᑖᐱᔅᑯᒡ ᐁ ᐃᑕᓯᓇᐃᑳᑌᒃ, ᑭᓚ ᐅᒋ ᓂ ᓂᐸᐃᑲᐎᓈᓐ ᒥᓯᐌ ᐁᔅᑲᓂ ᑭᔑᑳᒃ; ᓂᑦ ᐃᑕᑭᒥᑲᐎᓈᓐ ᑖᐱᔅᑯᒡ ᒫᓂᔥᒑᓂᔕᒃ ᑳ ᐎ ᓂᐸᐋᑲᓂᐎᒋᒃ᙮

ᐦᐃᑉᕉᐗ 1:14

ᓇᒪ ᓈ ᒥᓯᐌ ᐊᑑᔅᑫᐎ ᐊᒑᑯᐎᐗᒃ, ᐁ ᐯᒋᑎᔕᐙᑲᓂᐎᒋᒃ ᑭᒋ ᐊᔭᒥᐊᐎ ᐊᑑᔅᑲᐙᒋᒃ ᐊᓂᐃ ᑫ ᐊᑎ ᐊᔮᓕᒋ ᐱᒫᒋᐃᐌᐎᓂᓕᐤ?

ᐦᐃᑉᕉᐗ 11:36

ᑯᑕᑭᔭᒃ ᒫᑲ ᑮ ᑲᑴᒋᐊᐗᒃ ᐁ ᐋᔭᓵᒋᐋᑲᓂᐎᒋᒃ ᓀᔥᑕ ᐁ ᐸᐸᓴᔅᑌᐙᑲᓂᐎᒋᒃ, ᐁᐁ, ᐊᓯᒋ ᓀᔥᑕ ᑮ ᒫᒫᒋᒀᐱᓱᐗᒃ ᓀᔥᑕ ᑮ ᑭᐸᐙᐗᒃ;

ᓂᔥᑕᒻ ᑌᓴᓗᓂᔭᓇ 3:3

ᐁᑳᐎᓚ ᐊᐌᓇ ᐃᓕᓕᐤ ᑭᒋ ᒥᑯᔥᑳᑎᔥᑳᑯᑦ ᐅᐅ ᑲᒀᑕᑭᓯᐎᓇ: ᐌᓴ ᑭᓚᐗᐤ ᑭ ᑭᔅᑫᓕᑌᓇᐗᐤ ᐁᑯᑕ ᐁ ᐸᑭᑌᓕᑖᑯᓯᔭᒃ᙮

ᓂᔓ ᑯᕆᓐᑎᐊᓇ 6:9

ᑖᐱᔅᑯᒡ ᐁᑳ ᐁ ᑭᔅᑫᓕᑖᑯᓯᒋᒃ, ᐁᓕᐌᒃ ᒫᑲ ᒥᑐᓂ ᐁ ᑭᔅᑫᓕᒥᑲᐎᔮᒃ; ᑖᐱᔅᑯᒡ ᐁ ᓂᐱᒋᒃ, ᒫᑎᑲ, ᒫᑲ, ᓂ ᐱᒫᑎᓯᓈᓐ; ᑖᐱᔅᑯᒡ ᐁ ᐸᐸᓴᔅᑌᐅᒋᒃ ᐁᑳ ᒫᑲ ᐁ ᓂᐸᐃᑳᐎᔮᒃ;

ᐊᐸᔅᑕᓚᒃ 19:31

ᐊᑎᑦ ᒫᑲ ᑳ ᑭᔅᑌᓕᑕᑯᓯᒋᒃ ᐊᓐᑕ ᐁᔕᐃᒃ, ᑳ ᐅᑐᑌᒥᑦ, ᑮ ᐃᔑᑎᔕᐊᒫᐌᐗᒃ, ᐁ ᓇᑕᐌᓕᒫᒋᒃ ᐁᑳ ᑭᒋ ᐱᑐᑫᓕᒋ ᒣᑕᐌᐎᑲᒥᑯᒃ᙮

ᐊᐸᔅᑕᓚᒃ 19:29

ᒥᓯᐌ ᐃᑖᐎᓐ ᒫᑲ ᑮ ᓵᑲᔅᑭᓀᐤ ᑭᔑᐌᓕᑕᒧᐎᓐ ᐅᒋ: ᐁ ᑮ ᒫᑯᓈᒋᒃ ᒫᑲ ᑳᐃᐊᓴ ᓀᔥᑕ ᐊᕆᔅᑖᕐᑲᓴ, ᐃᓕᓕᐗ ᒫᓯᑐᓂᐊᐃᒃ ᐅᒋ, ᐹᓪ ᐅ ᐎᒉᐙᑲᓇ, ᐁ ᐸᐹᒧᑌᑦ, ᑮ ᒫᒪᐎ ᐱᑐᑫᐸᓂᐅᐙᒃ ᐊᓐᑕ ᒣᑕᐌᐎᑲᒥᑯᒃ᙮

ᓂᔥᑕᒻ ᑯᕆᓐᑎᐊᓇ 15:19

ᑮᔥᐱᓐ ᐅᒪ ᐱᒫᑎᓯᐎᓂᒃ ᐱᑯ ᑭᑦ ᐊᔅᐯᓕᒧᑐᑕᐙᓇᐤ ᙭, ᒥᓯᐌ ᐁ ᐃᑕᓯᒋᒃ ᐃᓕᓕᐗᒃ ᑭᓚᓈᓇᐤ ᒪᐗᒡ ᑭ ᑭᑎᒫᑭᓯᓋᓇᐤ᙮

ᓂᔓ ᑯᕆᓐᑎᐊᓇ 11:23

ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮