18 ᐋᑎᑦ ᒫᑲ ᑭᔅᑌᓕᒧᐗᒃ, ᐁ ᐃᑌᓕᑕᑭᒃ ᐁᑳ ᑭᒋ ᐯᒋ ᓈᑎᑖᑾᒃ᙮
ᓀᔥᑕ ᑭ ᑭᔅᑌᓕᒧᓇᐗᐤ, ᓇᒪ ᓀᔥᑕ ᓇᐗᒡ ᑭ ᓇᓀᑳᒋᒧᓇᐗᐤ, ᐊᓇ ᑳ ᑮ ᑐᑕᒃ ᐅᒣᓕᐤ ᑭᒋ ᐃᑲᑌᓈᑲᓂᐎᑦ ᐃᑕ ᐁ ᐃᑕᔦᒃ᙮
ᑫᒀᓐ ᐙ ᐋᔭᔦᒃ? ᑭ ᑳ ᐯᒋ ᓈᑎᑎᓇᐗᐤ ᓈ ᐁ ᐯᒋ ᑕᑯᓇᒫᓐ ᒥᔅᑎᑯᔑᔥ? ᓀᔥᑕᐱᑯ ᓵᑭᐃᐌᐎᓂᒃ, ᓀᔥᑕ ᓗᔅᑳᑎᓯᐎᓂᒃ?
ᒫᑲ ᑭ ᓇᑐᑕᒪᑎᓈᓐ, ᐁᑳ ᑭᒋ ᐃᔑ ᓴᓱᑭᒧᔮᓐ ᐃᑖᔮᓀ ᐃᑕ ᐁ ᐃᑕᔦᒃ, ᑫ ᐃᔑ ᑫᒋᓈᒋ ᓴᓱᑭᒧᑐᑕᐗᑭᒃ ᐗᑎᑦ ᐊᐌᓂᑳᓇᒃ, ᐎᔮᓯᐎᓂᒃ ᐱᒧᑌᐗᒃ ᑳ ᐃᑌᓕᒥᔭᒥᒋᒃ᙮
ᐌᓴ ᓂ ᑯᔅᑖᒋᓐ, ᒫᔅᑯᒡ, ᐃᔅᐱ ᑕᑯᔑᓂᔮᓀ, ᓇᒪᐎᓚ ᑭ ᑳ ᒥᔅᑳᑎᓇᐗᐤ ᑫ ᐃᔑ ᓇᑕᐌᓕᑕᒫᓐ, ᓀᔥᑕ ᓇᒪᐎᓚ ᑭ ᑳ ᒥᔅᑲᐎᓇᐗᐤ ᒬᒋ ᐁ ᐃᔑ ᓇᑕᐌᓕᑕᒣᒃ: ᒫᔅᑯᒡ ᑲᑕ ᐃᑕᑾᓋ ᐊᔑᑌᒥᑐᐎᓇ, ᐅᑌᓕᒥᑐᐎᓇ, ᐋᑯᓚᐌᓰᐎᓇ, ᒀᓗᑐᑖᑐᐎᓇ, ᐸᑾᓄᒥᑐᐎᓇ, ᑭᒧᒋᐃᑗᐎᓇ, ᑭᔅᑌᓕᒥᑎᓱᐎᓇ, ᐊᓕᒥᒥᑐᐎᓇ:
