ᓂᔥᑕᒻ ᑯᕆᓐᑎᐊᓇ 4:15 - ᐅᔅᑭ ᑎᔅᑌᒥᓐᑦ

¹⁵ ᐌᓴ ᐋᑕ ᐁ ᐋᔭᐌᑾᒃ ᒥᑖᑡᐤ ᑭᒋᒥᑖᑐᒥᑕᓇᐤ ᐅᑭᔅᑭᓄᐊᒫᑫᐗᒃ ᙭ᑎᒃ, ᐁᓕᐌᒃ ᓇᒪᐎᓚ ᒥᒉᑎᐗᒃ ᑯᑖᐎᐗᐗᒃ; ᐌᓴ ᙭ ᒋᓴᓯᒃ ᑭ ᑮ ᓂᑕᐎᑭᐃᑎᓇᐗᐤ ᒥᓗᐋᒋᒧᐎᓂᒃ ᐅᒋ᙮

ᓂᔥᑕᒻ ᑯᕆᓐᑎᐊᓇ 4:15 Referans Kwoze

ᑲᓓᔕᐊᓇ 4:19

ᓂᑦ ᐊᐙᔑᒥᔑᒥᔑᑐᒃ, ᑳ ᐅᒋ ᓂᑕᐎᑭᐊᐗᓱᐎ ᑲᒀᑕᑫᓕᒧᔮᓐ ᒥᓇ ᐹᑎᒪ ᙭ ᐱᒋᔅᑳᑖᑫ;

ᓂᔥᑕᒻ ᑯᕆᓐᑎᐊᓇ 3:10

ᑳ ᐃᔑ ᒥᓕᑲᐎᔮᓐ ᑭᒋᒪᓂᑐ ᐅ ᔕᐌᓕᒋᑫᐎᓐ, ᑖᐱᔅᑯᒡ ᑫᑫᑕᐌᓕᑕᒃ ᐅᓂᑲᓂ ᐙᔅᑳᔨᑲᓂᑫᐤ, ᓂ ᑮ ᐅᓚᔅᑕᒋᑳᓐ, ᑯᑕᒃ ᒫᑲ ᐁᑯᑕ ᐎᐋᔅᑳᔨᑲᓂᑫᑦ᙮ ᒫᑲ ᐁᑯᔑ ᒥᓯᐌ ᑕᑐ ᐃᓕᓕᐤ ᑲᑕ ᔮᒀᒥᓯᐤ ᐁ ᐃᔑ ᐙᔅᑳᔨᑲᓂᑫᑦ ᐁᑯᑕ᙮

ᓂᔥᑕᒻ ᑯᕆᓐᑎᐊᓇ 9:23

ᐅᒪ ᓀᔥᑕ ᓂ ᑐᑌᓐ ᒥᓗᐋᒋᒧᐎᓐ ᐅᒋ, ᑭᒋ ᑮ ᐅᑎᓇᒫᓐ ᐊᓯᒋ ᑯᑕᑭᔭᒃ᙮

ᓂᔥᑕᒻ ᑯᕆᓐᑎᐊᓇ 9:14

ᐁᑯ ᓀᔥᑕ ᑳ ᐃᔑ ᐅᓚᑭᑕᒃ ᐅᑎᐯᓕᒋᑫᐤ, ᐊᓂᑭ ᑳ ᐎᑕᒫᑫᒋᒃ ᒥᓗᐋᒋᒧᐎᓂᓕᐤ ᑭᒋ ᐅᒋ ᐱᒫᑎᓯᒋᒃ ᒥᓗᐋᒋᒧᐎᓂᓕᐤ᙮

ᓂᔥᑕᒻ ᐱᑕᕐ 1:23

ᒥᓇ ᐁ ᑮ ᓂᑕᐎᑭᔦᒃ ᓇᒪᐎᓚ ᑳ ᓂᔑᐗᓈᑕᑭ ᓯᒥᓇ ᐅᒋ, ᒫᑲ ᐁᑳ ᑫ ᓂᔑᐗᓈᑕᑭ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ ᑳ ᐱᒫᑕᓂᓕᒃ ᓀᔥᑕ ᑳᑭᑫ ᑳ ᐃᑕᑾᓂᓕᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮

ᐹᐃᓕᒪᓐ 1:19

ᓂᓚ ᐹᓪ ᑎᐱᓚᐌ ᓂᒋᒌᒃ ᓂ ᑮ ᐅᒋ ᒪᓯᓇᐁᓐ, ᓂ ᑳ ᑭᑣᒥᑎᐸᐁᓐ: ᐁᓕᐌᒃ ᒫᑲ ᓇᒪᐎᓚ ᑭᑦ ᐃᑎᓐ, ᑭᓚ ᑫᒋᐙᒃ ᐊᐴᒋᑲ ᐁ ᐃᑌᓕᑖᑯᓯᔭᓐ ᑭᒋ ᐸᑭᑎᓂᑎᓱᔅᑕᐎᔭᓐ᙮

ᑕᐃᑕᔅ 1:4

ᐁ ᒪᓯᓇᐊᒪᐗᒃ ᑕᐃᑕᔅ, ᑎᐱᓚᐌ ᓂᑯᓯᔅ, ᒥᓯᐌ ᐃᔑ ᑖᐺᔦᓕᑕᒧᐎᓂᒃ: ᑭᔐᐙᑎᓯᐎᓐ ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐌᐅᑕᐎᒪᐎᑦ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭ ᑭ ᐱᒫᒋᐃᐌᒥᓇᐤ᙮

ᓂᔓ ᑎᒧᑎ 4:3

ᐌᓴ ᐁ ᑭᔑᑳᒃ ᐁᔥᑾ ᑲᑕ ᐅᑎᒋᐸᓕᐤ, ᐃᔅᐱ ᐁᑳ ᑫ ᔑᐯᓕᑕᑭᒃ ᒀᔭᔉ ᑭᔅᑭᓄᐊᒫᑫᐎᓂᓕᐤ; ᒫᑲ ᐁᑕᔅᑌᓕᑭ ᑎᐱᓚᐌ ᐅ ᒪᒋᐃᑌᓕᑕᒧᐎᓂᐗᐗ ᑲᑕ ᒪᐗᓭᑯᓇᒫᓱᐗᒃ ᐅᑭᔅᑭᓄᐊᒫᑫᐗ, ᐁ ᑭᔭᑭᑐᐗᑫᒋᒃ:

ᓂᔥᑕᒻ ᑯᕆᓐᑎᐊᓇ 9:18

ᑫᒀᓐ ᒫᑲ ᓂ ᑎᐸᐊᒫᑯᓯᐎᓐ? ᑖᐺ ᐅᒪ, ᐃᔅᐱ ᐙᐎᑕᒫᓀ ᒥᓗᐋᒋᒧᐎᓐ, ᑭᒋ ᐙᐎᑕᒶᒃ ᐅ ᒥᓗᐋᒋᒧᐎᓐ ᙭ ᐁᑳ ᐁ ᑎᐸᐊᒫᑲᐎᔮᓐ ᐁᑳ ᑭᒋ ᒪᒋᐋᐸᒋᑖᔮᓐ ᓂ ᑲᔥᑭᐅᐎᓐ ᒥᓗᐋᒋᒧᐎᓂᒃ᙮

ᓂᔥᑕᒻ ᑯᕆᓐᑎᐊᓇ 9:12

ᑮᔥᐱᓐ ᑯᑕᑭᔭᒃ ᐊᓯᒋ ᑮ ᑎᐯᓕᒥᑖᒃ, ᓇᒪ ᓈ ᓂᓚᓈᓐ ᓇᐗᒡ? ᐁᓕᐌᒃ ᒫᑲ ᓇᒪᐎᓚ ᓂ ᑮ ᐅᒋ ᐋᐸᒋᑖᓈᓐ ᐅᒪ ᑲᔥᑭᐅᐎᓐ; ᒫᑲ ᓂ ᐎᓴᑭᒧᔑᑖᓈᓐ ᒥᓯᐌ ᑫᒀᓇ, ᐁᑳ ᑭᒋ ᑭᐱᒋᑕᐗᒃ ᐅ ᒥᓗᐋᒋᒧᐎᓐ ᙭᙮

ᓂᔥᑕᒻ ᑯᕆᓐᑎᐊᓇ 3:6

ᓂᓚ ᓂ ᑮ ᓂᑕᐎᑭᒋᑳᓐ, ᐊᐸᓚᔅ ᑮ ᐗᓴᓶᐯᑲᐃᑫᐤ; ᒫᑲ ᑭᒋᒪᓂᑐ ᑮ ᓚᑭᑭᑫᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:20

ᐁᐁ, ᑳ ᑮ ᐃᔑ ᑯᒋᑖᔮᓐ ᑭᒋ ᐙᐎᑕᒫᓇ ᒥᓗᐋᒋᒧᐎᓐ, ᓇᒪᐎᓚ ᐃᑕ ᐋᔕᔾ ᐁ ᑮ ᐎᒋᑳᑌᓕᒃ ᙭ ᐅ ᒥᓗᐋᒋᒧᐎᓐ, ᐌᓴ ᒫᔅᑯᒡ ᓂ ᑳ ᐙᔅᑲᔨᑳᑖᔾ ᑯᑕᒃ ᐃᓕᓕᐤ ᐅᑦ ᐅᓚᔅᑕᒋᑲᓂᒃ:

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᓂᔥᑕᒻ ᑯᕆᓐᑎᐊᓇ 3:8

ᐊᓇ ᒫᑲ ᑳ ᓂᑕᐎᑭᒋᑫᑦ, ᐊᓇ ᓀᔥᑕ ᑳ ᐗᓴᓶᐯᑲᐃᑫᑦ ᐯᔭᑯᐗᒃ: ᒥᓯᐌ ᑕᑐ ᐃᓕᓕᐤ ᒫᑲ ᑲᑕ ᒥᓛᑲᓂᐎᐤ ᑎᐱᓚᐌ ᐅ ᑎᐸᐊᒫᑯᓯᐎᓐ ᑳ ᑮ ᐃᔑ ᐊᑑᔅᑫᑦ᙮

ᓂᔥᑕᒻ ᑯᕆᓐᑎᐊᓇ 9:16

ᐌᓴ ᐋᑕ ᐁ ᐙᐎᑕᒫᓐ ᒥᓗᐋᒋᒧᐎᓐ ᓇᒪᐎᓚ ᑫᒀᓐ ᓂᑦ ᐋᔮᓐ ᑫ ᐅᒋ ᒫᒪᑖᑯᒧᔮᓐ: ᐌᓴ ᐅᒋᑕᐤ ᓂ ᑐᑌᓐ; ᐁᐁ, ᓂ ᑳ ᑲᒀᑕᓰᓐ, ᑮᔥᐱᓐ ᐁᑳ ᐙᐎᑕᒫᓐ ᒥᓗᐋᒋᒧᐎᓐ᙮

ᓂᔥᑕᒻ ᑯᕆᓐᑎᐊᓇ 15:1

ᓀᔥᑕ ᒫᑲ, ᓂᒋᔖᓂᑐᒃ, ᑭ ᑭᔅᑫᓕᑕᒥᐃᑎᓇᐗᐤ ᐊᓂᒪ ᒥᓗᐋᒋᒧᐎᓐ ᑳ ᑮ ᐎᑕᒫᑕᑾᒃ, ᑳ ᑮ ᐅᑎᓇᒬᒃ ᒫᑲ, ᐃᑕ ᓀᔥᑕ ᑳ ᓂᐸᐎᔦᒃ;

ᓂᔓ ᑯᕆᓐᑎᐊᓇ 4:5

ᐌᓴ ᓇᒪᐎᓚ ᓂ ᑲᑫᔅᑭᒥᐙᓱᓈᓐ, ᒫᑲ ᒋᓴᔅ ᙭ ᐅᑎᐯᓕᒋᑫᐤ; ᓂᓚᓈᓐ ᓀᔥᑕ ᑭᑦ ᐊᑐᔅᑫᓚᑲᓂᐗᐗᒃ ᒋᓴᔅ ᐅᒋ᙮

ᑲᓓᔕᐊᓇ 3:24

ᐅᓚᔓᐌᐎᓐ ᒫᑲ ᑭ ᑮ ᐅ ᑭᔅᑭᓄᐊᒫᑫᒥᓇᐤ ᑭᒋ ᐃᑐᑕᐃᑯᔭᒃ ᙭ᑎᒃ, ᑖᐺᔦᓕᑕᒧᐎᓐ ᑭᒋ ᐅᒋ ᒀᔭᔅᑭᑖᑎᓯᐃᑲᐎᔭᒃ᙮

ᑲᓓᔕᐊᓇ 3:25

ᒫᑲ ᐃᔅᐱ ᑳ ᑕᑯᔑᓄᒪᑲᒃ ᑖᐺᔦᓕᑕᒧᐎᓐ ᓇᒪᐎᓚ ᑫᔮᐸᒡ ᑭ ᑎᐯᓕᒥᑯᓇᐤ ᐅᑭᔅᑭᓄᐊᒫᑫᐤ᙮