18 ᐁᑯ ᓀᔥᑕ ᐊᓂᑭ ᑳ ᑮ ᓂᐹᒋᒃ ᙭ᑎᒃ, ᑮ ᓂᔑᐗᓈᑎᓯᐗᒃ᙮
ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᒪᓯᓇᐊ, ᔕᐌᓕᑖᑯᓯᐗᒃ ᐅᓂᐱᐗᒃ ᑳ ᓂᐱᒋᒃ ᐅᑎᐯᓕᒋᑫᒃ ᐊᓄᒡ ᐅᒋ: ᐁᐁ, ᐃᑗᐤ ᐊᒑᒃ, ᐅᑦ ᐊᑑᔅᑫᐎᓂᐙᒃ ᑭᒋ ᐅᒋ ᐋᓜᐱᒋᒃ: ᓄᔅᐱᓈᑎᑯᐗᒃ ᒫᑲ ᐅᑦ ᐊᑑᔅᑫᐎᓂᐙᐗ᙮
ᐌᓴ ᑌᐯᓕᒋᑫᑦ ᑫᒋᐙᒃ ᑭᒋᑭᔑᑯᒃ ᑲᑕ ᐅᒋ ᐯᒋᓛᔑᐤ, ᐁ ᑭᔗᐙᓂᐗᒃ, ᑭᑭ ᐅ ᐯᑖᑯᓯᐎᓐ ᑭᒋᐁᓐᒐᓪ, ᑭᑭ ᓀᔥᑕ ᐅ ᐳᑖᒋᑲᓐ ᑭᒋᒪᓂᑐ: ᐊᓂᑭ ᒫᑲ ᑳ ᓂᐱᒋᒃ ᙭ᑎᒃ ᐁᐗᒀᓂᑭ ᓃᔥᑕᒻ ᑫ ᐗᓂᔥᑳᒋᒃ:
ᐹᑎᒫ ᒫᑲ, ᒫᒪᐤ ᑮ ᐙᐸᒥᑯ ᓂᔮᓚᓦᐤ ᒥᑖᑐᒥᑕᓇᐤ ᑳ ᐋᔭᒥᐋᐎ ᐎᒋᔖᓂᑐᓕᒋ; ᑫᑳᑦ ᒥᓯᐌ ᐁ ᐃᑕᓯᒋᒃ ᑫᔮᐸᒡ ᐃᑖᐗᒃ, ᒫᑲ ᐋᑎᑦ ᐋᔕᔾ ᓂᐸᐗᒃ᙮
ᑮ ᐅᒋᒋᑾᓇᐱᐤ ᒫᑲ, ᓀᔥᑕ ᑮ ᑌᐺᐤ ᐁ ᑭᔗᐌᑦ, ᑌᐯᓕᒋᑫᔭᓐ, ᐁᑳᐎᓚ ᐊᑭᑕᒪᐎᒃ ᐅᒪ ᒪᒋᑐᑕᒧᐎᓂᓕᐤ᙮ ᐃᔅᐱ ᒫᑲ ᐅᒪ ᑳ ᑮ ᐃᑗᑦ, ᑮ ᑲᐎᑾᔑᐤ᙮
ᐌᓴ ᐅᒪ ᑭᑦ ᐃᑎᓈᓐ ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᐅᒋ, ᑭᓚᓈᓇᐤ ᑫᔮᐸᒡ ᑫ ᐱᒫᑎᓯᔭᒃ, ᓀᔥᑕ ᑫ ᐃᔥᑯᔮᒃ ᐃᓕᑯᒃ ᑫ ᑕᑯᔑᒃ ᐅᑎᐯᓕᒋᑫᐤ, ᓇᒪᐎᓚ ᑭ ᑳ ᐅᑕᒥᐊᓈᐗᒃ ᐊᓂᑭ ᑳ ᓂᐹᒋᒃ᙮
