32 ᓀᔥᑕ ᐅᑭᔅᑭᐙᐃᑫᐗᒃ ᑎᐯᓕᒥᒣᐗᒃ ᐅᑭᔅᑭᐙᐃᑫᐗᒃ ᐅᑦ ᐊᒑᑯᐗᐗ᙮
ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮
ᐁᑯᔅᐱ ᑮ ᐃᑖᐗᒃ ᐊᓐᑕ ᐋᔭᒥᐁᐎᑲᒥᑯᒃ ᑳ ᐃᑕᑾᒃ ᐋᓐᑎᐊᑭᒃ ᐊᑎᑦ ᐅᑭᔅᑭᐙᐃᑫᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ; ᐹᕐᓇᐸᔅ, ᓀᔥᑕ ᓯᒥᔭᓐ ᑳ ᐃᔑᓂᑳᓱᑦ ᓇᐃᑲᕐ, ᓀᔥᑕ ᓘᓯᐊᔅ, ᓴᐃᕆᓂᐃᒃ ᑳ ᐅᒌᑦ, ᓀᔥᑕ ᒣᓀᐃᓐ ᑳ ᑮ ᐎᒋᐅᐱᑭᒫᑦ ᐦᐁᕋᑕ ᑳ ᐅᑭᒫᐎᓕᒋ ᓀᔥᑕ ᓵᓪ᙮
ᐌᓴ ᒥᓯᐌ ᐁ ᐃᑕᔑᔦᒃ ᐯᐯᔭᒃ ᑭ ᑳ ᑭᔅᑭᐙᐃᑳᓇᐗᐤ, ᒥᓯᐌ ᑭᒋ ᑭᔅᑭᓄᐊᒫᑲᐎᔦᒃ ᓀᔥᑕ ᒥᓯᐌ ᑭᒋ ᑳᑭᒋᐃᑲᐎᔦᒃ᙮
ᐌᓴ ᑭᒋᒪᓂᑐ ᓇᒪᐎᓚ ᑮ ᐅᓚᑭᑕᒻ ᐋᔑᑌᒥᑐᐎᓂᓕᐤ, ᒫᑲ ᑳᔮᒣᓕᑕᒧᐎᓂᓕᐤ, ᐁ ᐃᔑ ᐃᑭᓂᓕᒃ ᒥᓯᐌ ᐅᑦ ᐋᔭᒥᐁᐎᑲᒥᑯᐙᒃ ᐅᐸᓓᑭᓴᒃ᙮
ᐁᑳ ᐎᐸᒡ ᑭᒋ ᑶᑕᐎᐃᑌᓕᑕᒣᒃ ᑭ ᒥᑐᓀᓕᒋᑲᓂᐙᒃ, ᐁᑳ ᓀᔥᑕ ᑭᒋ ᒥᑯᔥᑳᑌᓕᑕᒣᒃ, ᓇᒪᐎᓚ ᐊᒑᒃ ᐅᒋ, ᓇᒪ ᓀᔥᑕ ᐋᔭᒥᐎᓐ ᐅᒋ, ᓇᒪ ᓀᔥᑕ ᒪᓯᓇᐃᑫᐎᓐ ᓂᓚᓈᓐ ᐅᒋ, ᑖᐱᔅᑯᒡ ᐁ ᐯᔓᓈᑾᓂᓕᒃ ᙭ ᐅ ᑭᔑᑳᒻ᙮
ᓂ ᑮ ᐃᑎᒃ ᒫᑲ, ᐅᐅ ᐃᑗᐎᓇ ᒀᔭᔅᑭᑎᒪᑲᓋ ᓀᔥᑕ ᑖᐺᒪᑲᓋ: ᐅᑎᐯᓕᒋᑫᐤ ᒫᑲ ᐅ ᑭᒋᒪᓂᑐᒥᐙᐗ ᐸᓓᑭ ᐅᑭᔅᑭᐙᐃᑫᐗᒃ ᑮ ᐯᒋᑎᔕᐌᐤ ᐅᑦ ᐁᓐᒐᓕᒪ ᑭᒋ ᐙᐸᑎᓛᓕᒋ ᐅᑦ ᐊᑑᔅᑫᓛᑲᓇ ᐊᓂᐃ ᐎᐸᒡ ᑫ ᐃᑭᓂᓕᑭ᙮
