17 ᐌᓴ ᑖᐺ ᒀᔭᔉ ᑭ ᓇᓈᔅᑯᒧᓐ, ᒫᑲ ᐊᓇ ᑯᑕᒃ ᓇᒪᐎᓚ ᑭᔅᑭᓄᐊᒪᐤ᙮
ᐊᓇ ᑳ ᐋᔭᒥᑦ ᐁᑳ ᑳ ᑭᔅᑫᓕᑖᑾᒃ ᐃᔑᑭᔗᐎᓂᒃ, ᑭᔅᑭᓄᐊᒫᓱ; ᒫᑲ ᐊᓇ ᑳ ᑭᔅᑭᐙᐃᑫᑦ ᑭᔅᑭᓄᐊᒪᐌᐤ ᒫᒪᐎᐋᔭᒥᐋᐗ᙮
ᒫᑲ, ᓂᒋᔖᓂᑐᒃ, ᑮᔥᐱᓐ ᐯᒋ ᓈᑎᑕᑾᒃ ᓈᓈᑲᐤ ᐁ ᐃᔑᑭᔗᔮᓐ, ᑫᒀᓐ ᑫ ᐃᑖᐸᒋᐃᑕᑾᒃ, ᑮᔥᐱᓐ ᐱᑯ ᐋᔭᒥᐃᑕᑾᑫ ᑭᔅᑫᓕᑖᑯᑖᑫᐎᓂᒃ, ᓀᔥᑕᐱᑯ ᑭᔅᑫᓕᑕᒧᐎᓂᒃ, ᓀᔥᑕᐱᑯ ᑭᔅᑭᐙᐃᑫᐎᓂᒃ, ᓀᔥᑕᐱᑯ ᑭᔅᑭᓄᐊᒫᑫᐎᓂᒃ ᐅᒋ?
ᐁᑯᔑ ᒫᑲ ᓄᔅᐱᓇᑖᑕᐤ ᐊᓂᐃ ᑫ ᐅᒋ ᐅᑕᑾᒃ ᑳᔮᒣᓕᑕᒧᐎᓐ, ᓀᔥᑕ ᐊᓂᐃ ᐊᐌᓇ ᑫ ᑮ ᐅᒋ ᑭᔅᑭᓄᐊᒪᐙᑦ ᑯᑕᑭᔭ᙮
ᓂ ᑳ ᓇᑕᐌᓕᑌᑖᔾ ᒥᓯᐌ ᐁ ᐃᑕᔑᔦᒃ ᓇᓈᑲᐤ ᑭᒋ ᐃᔑᑭᔗᔦᒃ, ᓇᐗᒡ ᒫᑲ ᑭᒋ ᑭᔅᑭᐙᐃᑫᔦᒃ: ᐌᓴ ᐊᐙᓯᑌ ᑭᔅᑌᓕᑖᑯᓯᐤ ᐊᓇ ᑳ ᑭᔅᑭᐙᐃᑫᑦ ᐃᔥᐱᔥ ᐊᓇ ᓇᓈᑲᐤ ᐁ ᐃᔑᑭᔗᑦ, ᐱᑯ ᑮᔥᐱᓐ ᐃᑗᔅᑕᒃ, ᒫᒪᐎᐋᔭᒥᐋᐗ ᑭᒋ ᑭᔅᑭᓄᐊᒫᓕᒋ᙮
ᓂ ᓇᓈᔅᑯᒪᐤ ᓂ ᑭᒋᒪᓂᑐᒻ, ᐊᐙᓯᑌ ᓇᓈᑲᐤ ᓂᑦ ᐃᔑᑭᔣᓐ ᐃᔥᐃᔥ ᒥᓯᐌ ᐁ ᐃᑕᔑᔦᒃ:
