ᓂᔥᑕᒻ ᑯᕆᓐᑎᐊᓇ 11:20 - ᐅᔅᑭ ᑎᔅᑌᒥᓐᑦ

²⁰ ᐃᔅᐱ ᒫᑲ ᒥᔭᐗᒋᐃᑐᔦᑯ ᐯᔭᑾᓄᒃ, ᓇᒪᐎᓚ ᑭ ᑮ ᒥᒋᐙᓇᐗᐤ ᐅᑎᐯᓕᒋᑫᐤ ᐅ ᓂᐯᑴᐎᓐ᙮

ᓂᔥᑕᒻ ᑯᕆᓐᑎᐊᓇ 11:20 Referans Kwoze

ᓂᔥᑕᒻ ᑯᕆᓐᑎᐊᓇ 11:19

ᐌᓴ ᓇᓈᓂᔑᐃᓱᐎᓇ ᐅᒋᑕᐤ ᑲᑕ ᐃᑕᑾᓋ ᐃᑕ ᐁ ᐃᑖᔦᒃ, ᐊᓂᑭ ᑳ ᓇᐁᓕᑖᑯᓯᒋᒃ ᑭᒋ ᑭᔅᑫᓕᑖᑯᓯᒋᒃ ᐃᑕ ᐁ ᐃᑖᔦᒃ᙮

ᓂᔥᑕᒻ ᑯᕆᓐᑎᐊᓇ 11:21

ᐌᓴ ᐁ ᒥᒋᓱᔦᒃ ᑕᑐ ᐁ ᐃᑕᔑᔦᒃ ᐅᑎᓇᒻ ᐸᒧᔑ ᑯᑕᑭᔭ ᑎᐱᓚᐌ ᐅ ᓂᐯᑴᐎᓐ; ᐯᔭᒃ ᐊᐌᓇ ᒫᑲ ᓄᑌᑲᑌᐤ, ᑯᑕᒃ ᒫᑲ ᑮᔥᑴᐯᐤ᙮

ᒎᑦ 1:12

ᐅᑯ ᒪᓯᓇᓱᐎᓂᐎᐗᒃ ᑭ ᓵᑭᐃᐌᐎ ᒪᑯᔐᐎᓂᐙᒃ, ᐃᔅᐱ ᐙᒋᒪᑯᔐᒥᑖᑾᒃ, ᐁᑳ ᐁ ᓭᑭᓯᒋᒃ ᐁ ᐊᔕᒥᑎᓱᒋᒃ: ᐗᔅᑯᐎᐗᒃ ᐁᑳ ᑳ ᓂᐱᐗᑭ, ᐁ ᐌᐌᐹᔅᑕᑭ; ᒥᔅᑎᑾᒃ ᐅ ᒥᓂᔑᒥᐗᐗ ᑳ ᓂᔑᐗᓈᑕᓂᓕᑭ, ᐁᑳ ᐁ ᒥᓂᔑᐎᒋᒃ, ᓂᔡᐤ ᐁ ᓂᐱᒋᒃ, ᐁ ᒋᒋᐸᔅᑯᒋᐌᐱᑖᑲᓂᐎᒋᒃ;

ᐊᐸᔅᑕᓚᒃ 2:42

ᑮ ᐋᔨᒋ ᑲᓇᐌᓕᑕᒬᐗᒃ ᒫᑲ ᐅ ᑭᔅᑭᓄᐊᒫᑫᐎᓂᓕᐤ ᐊᓂᐃ ᐊᐸᔅᑕᓚ, ᓀᔥᑕ ᐁ ᐎᒉᐙᒋᒃ ᓀᔥᑕ ᐁ ᐸᑴᓈᒋᒃ ᐊᓚᑯᓇᐗ, ᓀᔥᑕ ᐁ ᐋᔭᒥᐋᒋᒃ᙮

ᐊᐸᔅᑕᓚᒃ 2:46

ᑕᑣᐤ ᑳᔑᑳᑭ ᒫᑲ ᑖᐱᔅᑯᒡ ᑮ ᐃᑖᐗᒃ ᐁ ᐯᔭᑯ ᒥᑐᓀᓕᒋᑲᓂᒋᒃ ᐱᒋ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᐁ ᐸᑴᓈᒋᒃ ᐋᓚᑯᓇᐗ ᐊᑭᓀ ᐙᔅᑲᔨᑲᓂᒃ, ᑮ ᒥᒋᐗᒃ ᐅ ᒥᒋᒥᒥᐙᐗ ᐁ ᒥᓜᓕᒧᒋᒃ ᓀᔥᑕ ᐁ ᑲᔮᒣᓕᑕᑭᒃ ᐅᑌᐃᐙᒃ,

ᓂᔥᑕᒻ ᑯᕆᓐᑎᐊᓇ 11:17

ᐅᒪ ᒫᑲ ᑳ ᐎᑕᒫᑕᑾᒃ, ᓇᒪᐎᓚ ᑭ ᒫᒪᑖᑯᒥᑎᓇᐗᐤ, ᐁ ᐯᒋ ᒫᐗᒋᐃᑐᔦᒃ, ᐁᑳ ᐊᐙᓯᑌ ᐁ ᒥᓨᑎᓯᔦᒃ, ᒫᑲ ᐊᐙᓯᑌ ᐁ ᒪᒑᑎᓯᔦᒃ᙮

ᐦᐃᑉᕉᐗ 10:25

ᐁᑳ ᐁ ᐳᓂ ᒪᐗᒋᐃᑐᔭᒃ, ᑖᐱᔅᑯᒡ ᐁ ᑐᑕᑭᒃ ᐋᑎᑦ; ᒫᑲ ᐁ ᑲᑫᔅᑭᒥᑐᔭᒃ, ᐊᐙᓯᑌ ᒫᑲ ᑫᔮᐸᒡ ᐁ ᑐᑕᒪᒃ ᐁ ᑆᐸᑕᒣᒃ ᐊᓂᒪ ᐁ ᑭᔑᑳᒃ ᐁ ᐹᐸᓕᒃ᙮

ᓂᔓ ᐱᑕᕐ 2:13

ᑲᑕ ᐅᑎᓇᒶᒃ ᒫᑲ ᐁ ᐃᔑ ᑎᐸᐃᑳᑌᓕᒃ ᒪᒑᑎᓯᐎᓐ, ᑖᐱᔅᑯᒡ ᐊᓂᑭ ᒥᓚᐙᑎᑾᓐ ᑳ ᐃᑌᓕᑕᑭᒃ ᑭᒋ ᑭᔥᑴᔮᑎᓯᓈᓂᐗᒃ ᒣᒀᒡ ᐁ ᑭᔑᑳᒃ: ᒪᓯᓈᓱᐗᒃ ᓀᔥᑕ ᐅᐎᓕᐱᓯᐗᒃ, ᐁ ᒥᓚᐙᑎᑯᐃᑎᓱᒋᒃ ᐅ ᑲᑳᔦᓕᓯᐎᓂᐙᒃ ᒣᒀᒡ ᐁ ᐎᒋᐎᑯᑐᒥᑖᑾᒃ;