Uan 3 1:9 - El Nuevo Testamento en matsés

⁹ Mibëd iccuededquido chuiquin dada uaondambi. Aden umbi dada uaid isash: Umbentsëqui namembi, quec Diotedepes chieshëmëmpondash. Aidi ubëd icquidon: Naden nata, quequin chiaid tantiate bunesa nec.

Uan 3 1:9 Referans Kwoze

Ducas 9:48

Ubi tantiaquin nadquid bacuë nashunquin ubi iuedquin nashunacbimbuecquid nendac. Ubi iuedquin nashunquidën ubi chomiondaid Nuquin Papa nashunuacbimbuecquid neuaindac. Nidaidënuësh utsi nashunquidquio icbuedi aidquiobi abi yacnoshon Nuquin Papan: Chuiquid tapa icta, caindac, quepanëdash Esus abëd icquido chiec.

Madcos 9:34

Adsho tantiashun ëcbedenquio icpanëdash abëd icquidon. Nuquitedi abëd icquido yec ¿mitsicquid chuiquid tapambo iquendac? Tantianuna, quec abi cuëdnambued chienquio yec tabadpanëdash.

Uan 3 1:8

Adquid icshobi: Ma aidon Nuquin Papan Chiaid abimbo chuibannu, quequin piucquid menequin nuquitedi nashunnuna.

Doma 12:10

Esus tantiaquid yec utsibobëd tantiananquiota. Ubëtan Esus tantiaquido nec, quiash aidobëd tantiananec bëdambuec isnanta.

Madcos 9:37

Esus tantiaquid nebi, queshun nadquid bacuë nashunquin ubi nashunacbimbuecquid nendac. Adquidën ubiuidi nashunenquiocquin ubi chomequid Nuquin Papa nashunuacbimbuecquid neuaindac, quepanëdash Esus abëd icquido chiec.

Codosas 1:18

Adquid iquec abi tantiaquidtedishun Icbombo Esuquidistu nec. Adnubi abi tantiec iccuededquido aton dadabimbuecquid nec. Adquid yec Nuquin Papan Madombo ëndenquimboshë icpampidi matsesash uënëspanëdash. Adsho Nuquin Papan abia uincuenmeshun ambi uaidtedishun Icbo abentsëcquiobi icmepanëdash.

Uan 2 1:9

Ambibi tantiaid natsusuaquin Esuquidistun chuibanondaidquio chienquiocquid Nuquin Papa tantiesabo nec. Padnuen Esuquidistun chiaidquio chuibansho tantiashun ënenquio icquin tantiaquid Nuquin Papabëta aton Mado Esus tantiaquidquio nendac.