Uan 3 1:6 - El Nuevo Testamento en matsés

⁶ Iuedshun mimbi bëdambuen nashunaidon mimbi naid Esus tantiaquido iccuededacnoshon chuibanosh. Cayon bëdambuen nashunoshi, quequin chuibanosh. Adembidi nabanquin mimbi iuedaido: Shubu dadpen icquid utsi yacno nidnu, quesho nashunquin meneta. Nuquin Papa: Aden mimbi bëdambuen naic, camenuen aido bëdambuen nashunta.

Uan 3 1:6 Referans Kwoze

Tesadonica 1 2:12

Nuquin Papan: Bëdambuec tabadquid icmeshun umbi namiacno bëdamboshëcquid yacnombo tabadtequid icmembi, quequin Esus tantiamiaido mibitedi nec. Adquido yec Nuquin Papa bunacpadec bëdambuec tabadquid neque. Ambi Chiaid niaquenquio yec bëdambuec tabadnuna, quequin mibitedi chuidenniondambi.

Tito 3:13

Nëid daëd bëdambuen nashunta. Abentsëc: Naden nata. Aden nainda, quequin chiaid tantiaquin utsibo tantiamequid Senas mibi isbidanec Apodobëd udi nidec. Aid daëdi mibi yacno nidacsho iuedta. Nidnu, quesho atona nibëdsho issun menequin bëdambuen nidmeta.

Hechos 15:3

Adoac Antioquia yacnouësh puduanec nidec nidaid cuëshë Penisia caid yacno choash tabadquin: Ambi icsambuen tantiaquin naid ënash Isadaidpembotsen Esus tantiaquid yamposh, quequin chuipanëdash. Adsho tantiash cuishonquepanëdash Esus tantiaquido. Adtanec auëshquio nidequi nidaid Samadia caid yacno nidash tabadquin adombuembidi chiac adquiecbidi cuishonqueuapanëdash Esus tantiaquido.

Petedo 1 2:20

¿Icsambuen nasho natiamequin cuesac chieshtoenquio icshoda Nuquin Papan: Aid iua bëdambo iquec, capatsiash? Padenquio. Nuquin Papan chiacpaden bëdambuen naquid natiamequin cuesaqui chieshtoenquio icsho: Aid iua bëdambocquid nec, caindac Nuquin Papan.

Codosas 1:10

Aden Nuquin Papan abi bunacpaden nate mibi tantiamiac mibitedi utsibobëd nashunnanec bëdambuec tabadendac. Adshun: Nadquio Nuquin Papa iquec, quequin bëdiactsëc tantiabuedi canidoacbimbuen bëdambuen tantiaquidquio yanendac. Adsho isash: Bëdambo iquebi, quendac Nuquin Icbo Esus.

Pidipos 4:14

Ubi ad icnuc: Atona nibëdnuc natiatsiash, queshun mimbi ubi bëdambuen tantiaquin: Nashunnuna, queshun bëmiaid isash bëdambo iquebi.

Codinto 2 1:16

Mibi yacno isbidanec nidaid Masedonia caid yacno nidashic padpiden mibitedi isbëtsenec chouaindabi. Aden isbëtsenquin mibitedi chiec: Nidaid cuëshë Udea caid yacno nidnu, quesho tantiashun ambo nidmequin ubi nashuntsiash, quequin tantiauidombi.

Doma 15:24

Nidaid utsi Espania caid yacno nidquimbi mibitedi isbidanendambi. Ambo daëdpactsëc ushec tabadash: Nidnu, quesho: Nidec nid, queshun mibitedishun ubi nashunendac, quequin tantiec mibi yacno nidte bunebi.

Hechos 21:5

Aden chuiboc 6ted ushtanec: Nidnunid, quepondash Pabado. Adec: Nidnu, quesho tantiash Esus tantiaquido dada yec chido yec bacuëbo yec quec Pabadobëd ubitedi acte cuëman chochoash dannëshën tinquebudcuededshun Nuquin Papa chiec onquecuededpondabi.

Uan 3 1:12

Demetedio caidien bëdambuen nabanquid nec, quequin utsibon abimbo chiec. Aidi Nuquin Papan chiacpadombuen nabanec tabadquidquio nec, quequin muainquiocquin utsibon bëdambuen chuinubi adembidi ubëd icquidobëtan Demetedio chiaid tantiash: Muequi nec, quenquio mibi iquec.

Hechos 15:29

Ambi papa canun nacnenaid ismequin pete sanaid penda. Adembidi min chidouidtsëqui chudquid icta. Adembidi min bënëuidtsëqui chudmequid icta. Adembidi nëish tëtaniaid penda. Adembidi tëshë codocaid intac icquid penda, quequin chiac umbi chiacpaden nabanec mibi bëdambo iquendac. Mibitedi tantiaquin aidtedtsëqui chiombi.