Uan 3 1:4 - El Nuevo Testamento en matsés

⁴ Umbi Esusquio chuibanondaido yec cun bacuëbobimbuecquido nec. Adquido yec umbi chiondacpadquiec Esus tantiec bëdambuec tabadec, quiash cuishonquequiec bëdambo iquebi.

Uan 3 1:4 Referans Kwoze

Cadasia 4:19

Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi.

Timoteo 2 1:2

Cun madobimbuecquid umbi tantiaidquio mibi icsho mibi chuiquin nëid dada uanu, Timoteo. Nuquin Papan Nuquin Icbo Esuquidistubëtan icsambuen naquid icsho cuidenquio icquin bëdambuen isquin ma bëdambuec tabadmepanu, quequin mibi tantiaquin Nuquin Papa chiannembi.

Timoteo 1 1:2

Tantia. Mibi chuinu, Timoteo. Umbi chuibanac Esus tantiabenondaid yec cun madobimbuecquid mibi neque. Mimbi iste nëid dada uanu. Mibi tantiaquin Nuquin Papa naden chiannembi: Cun Icbo Esuquidistubëtan cun mado icsambuen naquid icsho cuidenquio icquin bëdambuen isquin bëdambuec tabadquid icmeta, Papa, quequin Nuquin Papa chiannembi.

Cadasia 2:14

Aden icsambuen naquin Esusën chiacpadombuen nainquio icshobimbi Esus tantiaquidtedishun tantianuc Petedo naden chuipondac: Isadaidbo icquimbi mimbi nuquin matsesën chiaid niacquin isadaidpembon codocaid pec aidbëdi mibi bëdambuec tabadoc. Adec tabadbuedi nëbi aidbëd mibi cuëshëdoc. Adsho isash mimbi nianaido: Petedon matses isadaidbo tabadacbimbuec tabadshoen Nuquin Papan nuqui bëdambuen istsiash, quequin icsambuen chuitsiash, queshun Petedo chushcapondambi.

Pidemon 1:10

Adoaid icquin mibi chuinu. Tantia. Umbi Esus chuibanac aid tantiaquid yanondaid yec Onesimo cun madobimbuecquid ubëdi quënën tsadunaid nec.

Codinto 2 6:13

Amën aton bacuëbo chiacbimbuen mibi chiec nebi. Ubi tantiaquioquin mimbi naidbëta mimbi tantiaid ompoenquio icquin ubi chuiban, caimbi.

Tesadonica 1 2:11

Amën aton mado: Naden na, quequin nëishmenquio icquin bëdambuen chiacbimbuen mibitedi abentse abentsen bëdambo icmenuen bëdambuen chuibanondambi. Adembidi mibitedi shubisho isash uënësquiocquimbi mibi bëdambo icmiondambi.

Uan 1 2:1

Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac.

Uan 2 1:4

Mibitedi caic: Utsi utsiec Nuquin Papan chiacpadombuen nabanec tabadosh, quesho tantiash cuishonquec bëdambo iquebi.