Biblia Todo Logo
Bib sou entènèt

- Piblisite -




Uan 3 1:3 - El Nuevo Testamento en matsés

3 Mibëd icquidon nëmbo choshon naden chioshi: Esuquidistun chiacpadombuen nabanec tabadquid Cayo nec, quequin chuibanoshi. Aden chuisho tantiabosh bëdambo iquec cuishonquec tsadebi.

Gade chapit la Kopi




Uan 3 1:3
17 Referans Kwoze  

Mibitedi caic: Utsi utsiec Nuquin Papan chiacpadombuen nabanec tabadosh, quesho tantiash cuishonquec bëdambo iquebi.


Nuquin Papan Chiaid abimbo iquec, quequin ënenquio icquin tantiaquido icquin ubitedi tantiasho mibitedi tantiaquiembi.


Umbi Esusquio chuibanondaido yec cun bacuëbobimbuecquido nec. Adquido yec umbi chiondacpadquiec Esus tantiec bëdambuec tabadec, quiash cuishonquequiec bëdambo iquebi.


Aden mibitedi tantiaquin Nuquin Papa chiannec cuishonquebi.


Aido 120ted iccuedednubi nënantanquio nidtoshon Petedon naden chuipanëdash:


Adecbidi utsibon mua uaquin chiac cuidte chuiquidën cuidacsho isash cuishonquesa nec. Bëdambuen chuibanec onquesho tantiash: Abimbo chuibanquid nec, quiash cuishonquequid nec.


Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.


Tantia. Cun utsi, umbi tantiaidquio icsho mibi chuinu. Esuquidistu tantiec bëdambuec tabadquid nec, quequin mibi tantiembi. Adshun mibi tantiaquin naden Nuquin Papa chiembi. Mibi bunacpadec tabadec daicsainquio yec bëdambuec tabadmeta, quequin chiannembi.


Mimbi bëdambuen naid chuisho tantiombi, cun utsi. Esuquidistu tantiaquid utsibo uannocquido chochosho issun iuedshun Cayon nashunosh, quequin chioshi.


Mibi yacno nidshun ubitedi icsambuen chuishunquin muaquin chuibennequid icsho chomeshun Diotedepes chiendambi. Aidi Esuquidistu tantiaquid utsibo iuedesa nec. Utsi: Aido iuednu, quesho tantiash: Padi. Iuedenda, quec iuedmianesa Diotedepes nec. Adembidi: Iuednu, quequido icsho Esus tantiaquid utsi cuenmequin cuëshëdmequid aidi nec.


Swiv nou:

Piblisite


Piblisite