Uan 2 1:7 - El Nuevo Testamento en matsés

⁷ Muaquin chuibanquido dadpen choac. Aidon: Esuquidistu Nuquin Papan Chomiaid yec matsespenquio nepanëdash, quequin muaquin chuibanendac. Aido Esuquidistu chieshënquidombo nec.

Uan 2 1:7 Referans Kwoze

Uan 1 2:26

Esuquidistu tantiaquido mibitedi icsho: Nuquin Papan Chiaid muaquin chuiquid iquendac, quequin aidon muaquin chuisho tantianushe, queshun chuiquin dada uaic nebi.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Esusën Uan ismiaid 13:14

Aidën namiacpadombuen nadatiambocquin nabanquin muaquin ismiaqui matses dadpenshun: Abimbo caic, quequin bëdi dapabimbuecquid acte ëquëducuësh chobuedën chiacpadombuen nabededposh. Aton chuiquid tantiamequid nidaid ëquëducuësh chobuedën: Nuquin chuiquid tapa chështen cuesac uënëstiadtsëcquio icsho bëdanmebued tantiaquin aidbimbuecnuc nuamboshë isadnuc nacnenta, cac matsesën nacnemposh.

Esusën Uan ismiaid 12:9

Aden cuenmiaquien matses tabadacno nidaidën nisi dapabimbuecquid aton iuabobëdi budbudposh. Aidi ëndenquimboshë icpampid Mayan Icsa cashumbic Satanas quequin cuënaid neposh. Aidëmbi nëbi matses abitedimbo mua uaquin icsamequin iuate bunquiec.