Uan 1 5:14 - El Nuevo Testamento en matsés

¹⁴ Aden chiaid tantiaquin: Ubi nashunec, queshun: Abi bunacpaden chiannesho tantiashun Nuquin Papan ubi nashunendac, quequin nuqui tantiec.

Uan 1 5:14 Referans Kwoze

Uanën dada uaid 14:13

Ubi tantiaquido mibitedishun: Ubi nashunta, Icbo, quesho tantiashun ambi chiacpadombuen nashunendambi. Nuquin Papa bëdamboshë iquec, camenuen

Uanën dada uaid 15:7

Adshumbic Esusën padpiden chuipondash: Ubi tantiec ubëd tëshnanenquio yec tabadquin umbi chiacpadombuen nabanquidën: Ubi nashunta, Papa, cac mimbi chiacpadombuen Nuquin Papan mibi nashunendac.

Mateo 21:22

Nadatiambocquin naquidquio Nuquin Papa nec, quequin abimbo tantiaquin Abi chiannesho mimbi chiacpadombuen Nuquin Papan mibi nashuntsiash, quequin Esusën ubitedi chuipondash.

Santiaco 4:3

Icsambuen Abi chiannesho Nuquin Papan mibitedi menetiapimbo iquec: Nashunac abi bunaiduidi naic icsatsiash, queshun.

Uanën dada uaid 9:31

Ambi icsambuen naid ënabi icquidën Abi chiannesho Nuquin Papan tantiashunenquio ictsiash. Abi tantiaquioquin Ambi chiacpadombuen naquidën Abi chiannesho Nuquin Papan nashuntsiash, quequin nuqui tantiec.

Epeso 3:12

Esuquidistunuidtsëqui abi tantiasho Nuquin Papa nuquitedi bëdambuen ismec, quequin tantiec dacuëdenquio yec Nuquin Papa dayunquio tsadacbimbuec nuquitedi iquec.

Uanën dada uaid 16:24

Ënden: Min Mado Esus tantiaquid icsho ubi nashunta, papa, quequin mibitedishun Nuquin Papa chiannenquio iccoc. Adbuedi nëbi: Min Mado Esus tantiaquid icsho ubi nashunta, Papa, quequin chuita. Mimbi adoac mimbi chiacpadombuen mibi nashunquin Nuquin Papan mibi cuishoncamendac, quepondash Esus abëd icquido chiec.

Uan 1 2:28

Nëbi cun bacuëbobimbuecquido yec Esusbëd abentsëc yacbimbuec adequi bëdambuec tabadta, quequin mibi chiec nebi. Aden: Abi tantiaquido bedec Esuquidistu padpidec chonoc dacuëdmane, queshun chieshtoenquio icquin aid tantiata.

Santiaco 5:16

Adquid icnuc mimbi icsambuen naid tantiaquin mibëtan Esus tantiaquid utsibobëd chuinanta. Adoshon: Nënec aton dada daicsabudquido ma bëdanmenu, queshun Nuquin Papa chuibededta. Ambi chiacpadombuen naquidën chuisho tantiashun nadatiambocquin aid nashunendac.

Ebedeo 10:35

Adquid icquin chieshtoenquio icquin: Nuquin Papa yacno tabadtequid nebi, quequin ënenquio icquin mibitedishun tantiata. Aden tantiaquid icsho Nuquin Papan abi yacnombo tabadmequin bedtequid bëdamboshëcquid mibi menetequid iquendac.

Ebedeo 3:14

Tauambuen nuqui Esus tantiabenondacpadombuen chieshtoenquio icquin tantiec uënësabi yacpadembi ënenquio icquin tantiaquido yec Esusbëd tabadtequido nuqui nendac.

Uanën dada uaid 11:42

Umbi otacquio chianniaid mimbi ënenquio icquin tantiec. Ubi datsidadquido tantiamequin nëbi cumapenec onquequin mibi chiembi. Mibi chuitanquin umbi nadatiambocquin nasho issun: Nuquin Papan Chomiaidquio nec, quequin ma nëidon ubi tantianu, queshun cumapenec onquequin Nuquin Papa chuipondash.

Ebedeo 3:6

Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.