Uan 1 4:20 - El Nuevo Testamento en matsés

²⁰ Utsi nadpec: Nuquin Papa tantiaquid nebi, quepec. Adquid icquimbi abëtan Esus tantiaquid utsi ambi isaidquio chieshënquid yec muaquidquio nendac. Aden ambi isaidquio tantienquiocquid iquec ambi isacmaidquio Nuquin Papa tantienquiocquidbidi nendac.

Uan 1 4:20 Referans Kwoze

Uan 1 3:17

Aton piucquid dadpen icquidën abëtan Esuquidistu tantiaquidëna nibëdquiocsho isec: Cun utsi menenu, quenquio icquid Nuquin Papan matses tantiacpadombuen matses tantienquio icquid nec.

Uan 1 2:9

Esuquidistu tantiaquid yec bëdambuec tabadquid nebi, queshumbi abëtan Esus tantiaquid utsi chieshënquid inchëshën icacbimbuen abi icsambuen nabanquid nendac.

Uan 1 4:12

Nuquin Papa matsesën isambo iquec. Adquid icnuc aid tantiaquid yec utsibobëd tantianansho isash Nuquin Papa nuquibëd tabadquin ambi tantiacpadombuen utsibobëd tantiananquidquio nuquitedi icmendac.

Uan 1 2:4

Adnubien utsi: Aid tantiembi, queshumbi aidën chiacpadombuen nainquio icquin muaquin chuibanquid yec abimbo chuiquidpenquio nendac.

Uan 1 2:11

Abëtan Esus tantiaquid utsi chieshënquidien icsambuec tabadquid nec. Adquid yec inchëshën bëdnudshun podquied tantienquio yec capucuenniacbimbuen bëdambuen naquin tantienquio icquin icsambuen naic tabadendac.

Petedo 1 1:8

Aden mimbi isacmaidi Esuquidistu tantiaquido mibitedi nec. Nëbi aid isambo icquimbi mimbi tantiaquiec. Adash utsibon tantiatiapimbo icnuc mibi cumapenquiec cuishonquendac.

Uan 1 1:6

Adquid icnuc: Nuquin Papa tantiaquid yec aidbëd abentsëc yacbimboecquid nebi, quebuedëmbi icsambuen nabanquin aidën chiaid niac niacquid yec nuquibi muaquid nendac.

Uanën dada uaid 13:35

Ubi tantiaquido yec mibitedi tantianansho issun: Adec tantiananquidombo Esusbëd icquido nec, quequin utsibon tantiatsiash, quepondash Esus.

Uan 1 1:8

Icsambuen naisambo nebi, quec nuquibi mua uadquid icquin abimbo chuibanquidpenquio nuqui nendac.