Uan 1 4:18 - El Nuevo Testamento en matsés

¹⁸ Nuquin Papa tantiaquid yec tantiananquidquio dacuëdenquio iquendac. Nuquin Papan abi bunacpaden tantiananquidquio icmiac aid dacuëdënesa nendac. Tantiananquidpenquio yec Abi tantiesain: Ambi icsambuen naid icnuc: Ubi cuidtsiash, quequin tantiec dacuëdendac. Adquid Nuquin Papa bëdambuen tantiabicquid nec.

Uan 1 4:18 Referans Kwoze

Timoteo 2 1:7

¿Nuquin Papan aton Mayan nuquibëd icmiacta nuqui natia dacuëdpe? Padenquio. Nadatiambocquin nabanquid nuquibëd icquin nuqui cuesambo icmec. Adembidi Nuquin Papan Mayan Bëdan tantiamiac nuqui utsibobëd tantiananec bëdambuec tabadec. Adembidi nuqui icsambuen nate bunaid namenquio icquin nuqui bëdambuec tabadmec.

Doma 8:15

¿Nuquin Papan Mayanënda mibitedi icsambocquidën iuabimbuecnuc dacuëdmepec? Padenquio. Mibitedi dacuëdmenquio iquec. Aidëmbi namiac mibitedi Nuquin Papan: Cun mado nec, Cun champi nec, caindac. Aidën tantiamiacpadombuen Nuquin Papa chuiquin: Papa papa, quequin nuqui chiannec.

Uan 1 4:12

Nuquin Papa matsesën isambo iquec. Adquid icnuc aid tantiaquid yec utsibobëd tantianansho isash Nuquin Papa nuquibëd tabadquin ambi tantiacpadombuen utsibobëd tantiananquidquio nuquitedi icmendac.

Ebedeo 12:28

Adoaid Nuquin Papa ambi namiacno abi tantiaquidobëd tabadte ishcunquin nibëdanmetiapimbo ictequid nec, quequin Nuquin Papan nabanaid tantiec aid bunacpaden: Nuquin Papa bëdamboshë iquec, quequin aidquio tantiec tabadnuna.

Santiaco 2:19

Nuquin Papa abentsëcquiobi iquec, quequin mimbi tantiec. Aden tantiaid bëdambo iquec. Adembidi podobitsi icsatedishun tantiauaic. Aden tantiec aido dacuëdec uëdëquec.

Mateo 9:34

Adnubien padiseobo: Podobitsi icsabon icbon namiaid icquimbien Esusën podobitsi icsa dapuduenmequin nachitec, quecuededpondash Esus caic.