Uan 1 3:7 - El Nuevo Testamento en matsés

⁷ Cun bacuëbobimbuecquido icsho umbi tantiaido mibi neque. Utsibon mibitedi muaquin chienquio icpashun. Naden tantiata. Nuquin Papan: Naden nac bëdambo ictsiash, caid tantiaquin nabanec bëdambocquid iquec Esuspadquid mibi iquendac.

Uan 1 3:7 Referans Kwoze

Uan 1 2:29

Esuquidistu Nuquin Papan chiacpadombuen naquid yec bëdamboshëcquid nec. Adembidi ambi chiacpadombuen naquidotedi bëdambuen isquin Nuquin Papan: Cun bacuëbo nec, caindac, quequin mibitedishun tantiec.

Doma 2:13

Ambi: Naden nata, quequin Moises chiampid tantiashumbi adombuen naisa bëdambuen istiapimbo icquimbic ambi chiacpadec tabadquid Nuquin Papan bëdambuen istsiash.

Uan 1 3:3

Adquid yantequid nebi, quequin caimbudec Esuquidistu icsambuen nainquio yec tabadondacpadquiec nuqui icsambuen nainquio yec tabadendac.

Uan 1 2:26

Esuquidistu tantiaquido mibitedi icsho: Nuquin Papan Chiaid muaquin chuiquid iquendac, quequin aidon muaquin chuisho tantianushe, queshun chuiquin dada uaic nebi.

Uan 1 2:1

Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac.

Hechos 10:35

Nuquin Papan Chiaid tantiashun nidaid utsin utsinquiec tabadquidon chieshenquio icquin bëdambuen nabansho issun: Aidtedi Nuquin Papan bëdambuen isendac, quequin tantiembi.

Epeso 5:9

Aidën tantiamiacpadombuen bëdambuen nabanec utsibo bëdambuen isec bëdambuec tabadendac. Adembidi muainquio icquin abimbo chuiquid icta.

Petedo 1 2:24

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash.

Codinto 1 6:9

¿Icsambuen naic tabadquido Nuquin Papan namiacno tabadtiapimbo iquec, quequin tantienquioda mimbi icpe? Mua uadenda. Nadquidtedi Nuquin Papa yacno tabadtiapimbo iquendac. Nëidic piucquid bedec chudadquido. Utsibic ambibi nacnenshun papa caquin tantiaquido. Utsibic aton bënëpenquio chudmequido. Utsibic aton chidopenquio chudquido. Utsibic chido daëdi dachudnanquido. Utsibic dada daëdi chichudnanquido.

Ducas 1:75

Aden ambi namiaid yec abi tantiaquid uënësabi yec bëdambuec tabadquid iquendac. Aden chiec onquiashien aton mado chiec Sacadias nadec onqueuapanëdash:

Santiaco 2:19

Nuquin Papa abentsëcquiobi iquec, quequin mimbi tantiec. Aden tantiaid bëdambo iquec. Adembidi podobitsi icsatedishun tantiauaic. Aden tantiec aido dacuëdec uëdëquec.

Pidipos 1:11

Adec mibitedi Esuquidistu tantiec bëdambuec tabadsho isash: Bëdambocquido nec, quetsiash utsibo. Adash: Aido bëdambuec tabadmequid yec Nuquin Papa bëdamboshëcquid nec, quendac, quequin mibitedi tantiaquin Nuquin Papa chiannembi.

Mateo 5:20

Moisesën chiampid tantiamequidobëd padiseobo Nuquin Papan namiacno puduedtequidoen mimbi dampec. Aido abi bëdambocquid danmianashic ompodshon icsambuen naquido nec. Adash Nuquin Papan namiacno puduedtiapimbo iquendac. Adecbidi Nuquin Papan Chiaid niac niaquec tabadash Nuquin Papan namiacno mibitedi puduedtiapimbo iquendac, quequin Esusën chuibampanëdash.

Santiaco 1:22

Nuquin Papan Chiaid tantiashun nabanenquio iquequi: Ambi chiaid bëdambo iquec, quec mibibi mua uadenda. Nuquin Papan Chiaid mimbi tantiabocpadombuen nabanta.

Ebedeo 7:2

Adsho tantiash: Nuquin Papan cun utsi padon mado bedmiaid nebi, quequin tantiaquin ambi cuessun secatambuedëna ambi bedbued 10ted 10tedquien tambanquin diestedi icquid abentsëc Abadauanën Medquisedec menepampic. Aidi Nuquin Papan: Umbi chiacpadombuen bëdambuen naquid bëdambuen isquin icsambuen naquido cuidquid nec, caid icquin nabansho Medquisedec cuëmpampic. Adembidi Saden yacnocquidon chuiquid tapa icquin bëdambuec tabadmequid nec, quequin Medquisedec cuënuapampic.

Ebedeo 1:8

Aden chuishumbic abipadquid aton Madombo icsho Nuquin Papan naden chiec: Ënëdenquio yec Chuiquid Abentsëcquiobi mibi iquendac. Adecbidi bëdambuen tabadmequid yec umbi chiacpadombuen namequid mibi iquendac.

Epeso 5:6

Muaquin ambembi chiec onquiaid tantiesa icta. Adquid ambi chiacpadombuen naisa icsho Nuquin Papan cumapenen cuidendac.

Uan 1 3:18

Cun bacuëbobimbuecquido icsho umbi tantiaido mibi neque. Utsibo tantiaquin nashunquid nebi, quec onqueuidequi onquenda. Utsi tantiembi, quequin mimbi tantiacpadombuen aid tantiaquin nashunquin ismeta.

Uan 1 4:17

Esus tantiaquid yec utsibobëd tantiananquidquio yec nuquitedi: Esuquidistun nacpadombuen nidaidënshun naquid nebi, quequin tantiaquid icquin Nuquin Papan cuidte uëshë dacuëdënenquio nuqui iquendac.