Uan 1 3:11 - El Nuevo Testamento en matsés

¹¹ Ënden bedanquin chuisho mimbi tantianëdaid nad iquec: Esuquidistu tantiaquid yec Esus tantiaquid utsibobëd tantiananquionona, quequin mibitedi chuipanëdash.

Uan 1 3:11 Referans Kwoze

Uanën dada uaid 15:12

Adshumbic abëd icquido padpiden chiec Esus: Mibi tantianante mibi chuinu. Umbi mibitedi tantiaquiacpadquiecbidi mibitedi tantiananquiota.

Uan 2 1:5

Tantia, cun utsibo. Nëbi Esuquidistu tantiaquido yec tantianannuna, quequin ënden Esusën chiondaid chuibanac mimbi tantiondaidbidi nec.

Uan 1 4:7

Tantia, cun utsibo, umbi tantiaido icsho mibitedi chuinu. Nuquin Papa tantiaquido yec utsibobëd ënëdenquio yec tantiananec tabadnuna. Aden Nuquin Papan nuqui utsibobëd tantiananmendac. Adec tantiananquid icquin nuqui naden tantiec: Ambi: Cun bacuëbo nec, caido icquin Nuquin Papa tantiaquid nebi, quequin nuqui tantiendac.

Uan 1 4:21

Esuquidistun ubitedi naden chuipondash: Nuquin Papa tantiaquid nebi, quiash abi tantiaquid utsibobëd tantiananta, quequin chuipondash.

Petedo 1 4:8

Nëbi mibëtan Esus tantiaquid utsibobëd tantiananquiota. Adec mibëd tantiananquidën mibi icsambuen nashunsho isash adecbidi tantiananquiec aidën icsambuen naid tantienquio yec bëshunendac.

Petedo 1 3:8

Tantia. Nëbi Esus tantiaquid abitedimbo chuinu. Nuquin Papan chiacpadombuen nanuna, quiash utsibobëd tantiananec bëdambuec isnanta. Cuishonquequidobëd cuishonqueta. Uënësquio yec shubiquidobëd shubita. Adec tantiananquiota. Umbi naiduidi naimbi, quenquio icquin utsibon chiacpadombuentsen nabanta.

Epeso 5:2

Nuqui tantiaquidquio Esuquidistu nec. Adquid icnuc utsibobëd tantiananec tabadta. Nuquitedi tantiaquidquio yec abided cuidadec uënëspanëdash. Adec abi uënësaid nuadte bëda shëdtequid pichicacbimbuen nasho isash Nuquin Papa: Bëdambo iquec, quepanëdash.

Uan 1 1:5

Esuquidistun Nuquin Papan naid chuibansho tantiondashun mibitedi chuiuaimbique. Tantia. Nuquin Papa bëchamauanquiecquid yec bëdamboshë icquid nec. Adquid yec inchështiapimbo yacbimbuen icsambuen naisambo nec.

Tesadonica 1 4:9

Bëdambuec tantiananta, quequin chuiquin padpiden dada uainquio iquembi. Nuquin Papambi tantiamiac Esus tantiaquido yec utsibobëd mibitedi tantiananendac.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Cadasia 6:2

Adec mibëd iccuededquid natiec tabadsho issun bëdambuen nashumbanta. Aden naquin Esuquidistun chiacpadombuen mimbi naindac.

Uanën dada uaid 13:4

Abëd icquidobëtan pebededacnouëshi nidtotanquin dashcute bëntsecquid dachiquidtanec daucudte tsibidiquepondash.

Uan 1 4:11

Tantia, cun utsibo. Umbi tantiaido icsho mibi chuinu. Aden Nuquin Papan nuqui tantiaquiec, quequin chuisho tantiash Esus tantiaquido yec utsibobëd tantiananquionona.