Uan 1 3:1 - El Nuevo Testamento en matsés

¹ Tantia. Chuinu. Abi tantiaquido icsho nuqui tantiaquioquin Nuquin Papan: Cun bacuëbo nec, caidombo nuqui nendac. Adoaido icquin: Adquid nebi, quequin nuqui tantiec. Adquid icsho Nuquin Papa tantiesabon nuqui tantienquio iquendac.

Uan 1 3:1 Referans Kwoze

Uanën dada uaid 1:12

Adquid icnubien utsibon: Nuquin Papan Madombo nec, quequin aid tantiabenquid icsho Nuquin Papan: Cun mado nec. Cun champi nec, capanëdash.

Cadasia 3:26

Aden Esuquidistu tantiaquido yec mibitedi Nuquin Papan bacuëbo nec.

Codinto 2 6:18

Mibitedishun Papa caid nendabi. Adquid icquin: Mibitedi umbi: Cun mado nec. Cun champi nec, caido iquendac, quec Nuquin Papa nadatiambocquid, quequin chuiquin dada uapampic.

Uanën dada uaid 17:25

Icsaisambo mibi icsho ubi tantiesabon mibi tantiatiapimbo icnubi mibi tantiaquiembi. Adnubi mimbi ubi tantiamiaidon: Nuquin Papan Chomiaidquio nec, quequin ubi tantiosh, Papa.

Uanën dada uaid 3:16

Adashic Esus: Matses abitedimbo tantiaquidquio icquin Nuquin Papan aton Mado abentsëqui abided cuidmequin uënës uasho ubi tantiaquid cuidenquiocquin abi yacno ubëd ënëdenquiocnoc tabadmendac.

Esusën Uan ismiaid 21:7

Mayan Icsa Satanasën: Icsambuen namenu, caqui chieshtoenquio icquin ubi tantiaquido icsho Aton Icbo icquin: Cun mado nec. Cun champi nec, queshun bëdamboshë yacno ënëdenquio yec ubëdi tabadmendambi.

Doma 5:8

Padnuen matses abitedimbo icsambuenuidi naic tabadnuc nuquitedi cuidmenquio icnuec Esuquidistu abided cuidadec uënëspanëdash. Nuquin Papan nuquitedi tantiaquiec, matses camenuen aden Esus namepanëdash.

Cadasia 3:29

Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.

Doma 8:32

Nuquin Papan nuqui tantiaquin aton Madombo cudasenquio icquin nuqui cuidmenquio icnuen aton Madoded cuidmequin uënës uamepanëdash. Adshumbic aid tantiasho nuqui bëdambuen isquin uënësacsho Aton Madobëd tabadmequin abitedi menendac.

Uanën dada uaid 16:3

Aden Nuquin Papabëta ubi tantiesabon ubi tantiaquido chieshënquiendac.

Codosas 3:3

Esuquidistu tantiabenash uënësacbimbuec mibitedi ënden tabadondacpadecbidi icsambuen naic tabadenda. Nuquin Papan: Esuquidistubëd tabadtequido nec, quequin aidën dayun uaidquio mibitedi neque.

Doma 8:21

Adampid icnubi Nuquin Papan bëdamboshë icmete cainec tabadec. Aden Nuquin Papan uaid icquin nidaidën icquidtedi nibëdanmete uëshë icnuc mënchicshun utsi uain bëdamboshëcquid icmendambi abi quiampicpadombuembidi: Cun mado nec. Cun champi nec, caido iquendac.

Ducas 20:36

Adecbidi Nuquin Papabëd icquido uënësesa yacpadecbidi Nuquin Papan uincuenmiaido yec uënësenquio iquendac. Aden uincuenmiaido yec Nuquin Papan bacuëbo nendac.

Uanën dada uaid 11:52

Aden Caipasën chuinëdaid tantiaquin umbitsen chuinu. Tantia. ¿Isadaidbouidtsëqui cuidmenquio icnuecta Esus abided cuidadec uënëstiondash? Padenquio. Matses utsibontsen abi tantiaquido yansho Nuquin Papan: Cun mado nec. Cun champi nec, caido icsho abëdi tabadmenuec Esus abided cuidadec uënëspondash, quequin tantiembi.

Uanën dada uaid 15:21

Ubi chieshënquidon ubi chomiondaidquio tantienquio icquin ubi chieshënec. Adombuembidi ubi tantiaquidotsen chieshënuaindac.

Doma 8:19

Aden Nuquin Papan: Nëid cun mado nec. Nëid cun champi nec, quequin abitedi ismete uëshë cainec ambi uaidtedi: ¿Nëbimbobida napeba? quequin cainec tabadec.

Uan 1 3:2

Cun utsibo, Nuquin Papan: Cun bacuëbo nec, quequin tantiaidombo nuquitedi nec. Adquid icshobi Nuquin Papan nëbi: Nadquid icmendambi, quesho tantiabi nuqui iquec. Naden nuqui tantiec: Esuquidistu nidaidën padpidec chouasho isash: Adquidshenda caposh, quequin nuqui isquin tantiendac. Aden isash aidpadquid nuqui yanendac.

Uan 1 3:10

Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.

Uan 1 4:17

Esus tantiaquid yec utsibobëd tantiananquidquio yec nuquitedi: Esuquidistun nacpadombuen nidaidënshun naquid nebi, quequin tantiaquid icquin Nuquin Papan cuidte uëshë dacuëdënenquio nuqui iquendac.