Uan 1 2:7 - El Nuevo Testamento en matsés

⁷ Tantia, cun utsibo. Umbi tantiaido icsho mibi chuinu. Nuquin Papan: Naden nata, quequin chiaid chuca chienquio icquin mimbi ënden bedanquin chuibansho tantiondaidbidi mibitedi chuiquin dada uaic nebi.

Uan 1 2:7 Referans Kwoze

Uan 1 3:11

Ënden bedanquin chuisho mimbi tantianëdaid nad iquec: Esuquidistu tantiaquid yec Esus tantiaquid utsibobëd tantiananquionona, quequin mibitedi chuipanëdash.

Uan 1 3:23

Nadembidi Nuquin Papan Chiaid nuqui tantiondac: Cun mado Esuquidistu tantiata. Aden tantiabenash aidën chiacpadec utsibobëd tantiananta, quequin chiaid nuqui tantiec.

Uan 1 2:24

Tauambuen Nuquin Papabëta Esus tantiamenuen chuibansho mimbi tantiondaid bëshunenda. Adec bëshunenquio icquin Esusbëta Nuquin Papa tantiec aidbëd abentsëc yacbimbuec tabadquido yec mibitedi cuëshëdenquio iquendac.

Mateo 5:43

Adshumbic abi macuësh tapa poctse tsadquin bëdambuec tabadte Esusën naden chuibampanëdash: Nuquin Papan Moises chuiquin dada uamiampid mimbi tantiaid nad iquec: Mibi anoentsëqui tabadquid tantiaquin mibi chieshënquido chieshënta, quequin chuipampic.

Hechos 17:19

Adec onqueshumbic: Utsin tantiaid tantianu, queshun macuësh Adeopaco caid yacno iccuededquidon buanshun Pabadon aden chuipanëdash: Mimbi chiaid umbi tantiacmaid nec. ¿Midapadquidquio chuibanec mibi neque? Tantianu. Chuiban, quepanëdash Pabado chiec.

Uanën dada uaid 13:34

Aden tantiaquin Nuquin Papan Chiaid chuca utsi mibi chuinu. Ubi nidan umbi chiacpadombuen nata. Umbi mibitedi tantiaquiacpadquiecbidi mibitedi tantiananquiota.

Ebedeo 6:9

Tantia, cun utsibo. Umbi tantiaid icsho mibitedi chuinu. Nuquin Papan cuidenquio ictequido mibi nec, quequin tantiembi. Esuquidistu tantiaquido yec Nuquin Papabëd tabadtequido mibitedi nendac.

Uan 1 3:2

Cun utsibo, Nuquin Papan: Cun bacuëbo nec, quequin tantiaidombo nuquitedi nec. Adquid icshobi Nuquin Papan nëbi: Nadquid icmendambi, quesho tantiabi nuqui iquec. Naden nuqui tantiec: Esuquidistu nidaidën padpidec chouasho isash: Adquidshenda caposh, quequin nuqui isquin tantiendac. Aden isash aidpadquid nuqui yanendac.

Uan 1 3:21

Tantia, cun utsibo, umbi tantiaido icsho mibi chuinu. Icsambuen nëbi nambo iccombi, quequin abimbo tantiaquid icquin dacuëdenquio icquin Nuquin Papa nuqui chiannendac.

Uan 1 4:1

Tantia, cun utsibo. Umbi tantiaido icsho mibi chuinu. Matsesën: Nuquin Papan Mayan Bëdan tantiamiaidquio nebi, quequin chuibansho: Abimbo chiec, quequin badedquio tantienda. ¿Nuquin Papan Mayanën tantiamiaidënquiobida chuipec? quequin aidën chuibansho tantiata. Nuquin Papan oncamiaid nebi, quequin chuiquido nidaid utsi utsiec yacnoshon dadpenshunquio ambembi chuibaneque.

Uan 1 4:7

Tantia, cun utsibo, umbi tantiaido icsho mibitedi chuinu. Nuquin Papa tantiaquido yec utsibobëd ënëdenquio yec tantiananec tabadnuna. Aden Nuquin Papan nuqui utsibobëd tantiananmendac. Adec tantiananquid icquin nuqui naden tantiec: Ambi: Cun bacuëbo nec, caido icquin Nuquin Papa tantiaquid nebi, quequin nuqui tantiendac.

Uan 1 4:11

Tantia, cun utsibo. Umbi tantiaido icsho mibi chuinu. Aden Nuquin Papan nuqui tantiaquiec, quequin chuisho tantiash Esus tantiaquido yec utsibobëd tantiananquionona.

Uan 1 4:21

Esuquidistun ubitedi naden chuipondash: Nuquin Papa tantiaquid nebi, quiash abi tantiaquid utsibobëd tantiananta, quequin chuipondash.