Uan 1 2:17 - El Nuevo Testamento en matsés

¹⁷ Adec Esus tantiesabo icquin ambi icsambuen naidbëdi abi bunaidtedi nibëdanendac. Padnuen Nuquin Papan chiacpadombuen naic tabadquid ënëdenquio yec Icbobëd tabadtequid nendac.

Uan 1 2:17 Referans Kwoze

Mateo 24:35

Abubëd nidaid nibëdanendac. Padnuen Umbi Chiaid nibëdantiapimbo icquid icnuc umbi chuibocpadquio iquendac, quepondash Esus.

Doma 12:2

Esus tantiesabon nacpadombuen naic tabadenda. Adembidi aidon tantiacpadombuen nainquiocquin bëdambuen tantiabenash mibitedi bëdambuec tabadquid yanendac. Adash Nuquin Papa bunacpadec tabadquin bëdambocquid yec abi bunaidquio yec icsambocquidpenquio yante yec quequin mibitedishun tantiendac.

Codinto 1 7:31

Adecbidi nëid nidaidën tabadec mitsana dadpen bedteuidi bunquin tantiaquid iquequi atona nibëdec bedte bunenquio yacbimbuec tabadta. Nëid nidaid abichobi nuqui isaidtedi Nuquin Papan nibëdanmendac.

Petedo 1 4:2

Aden mimbi tantiacpadombuen nainquio icquin Nuquin Papan tantiacpaden nate bunquidquio mibitedi iquendac.

Ebedeo 10:36

Utsin mëyanquin natiamiaqui Nuquin Papan Chiaid chieshtoenquio icquin tantiadedneta. Adec tabadquin abi bunacpadombuen nabanacsho ambi chiampicpadombuen Nuquin Papan abi yacno mibitedi tabadmendac.

Madcos 3:35

Adashic: Nuquin Papan chiacpaden nabanec tabadquid icsho dada cun utsi caquimbic chido cun chibi catanquimbi utsi: Cun ta nec, caimbi, quepanëdash Esus.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Tesadonica 1 4:3

Nuquin Papa bunacpadquiec bëdambuec tabadquido nadquiec tabadquid nendac. Chido utsi chudenquio icquin aton chidouidtsëqui chudquid nendac. Adembidi chidon dada utsi chudmenquio icquin aton bënëuidtsëqui chudmequid nendac.

Uanën dada uaid 4:14

Padnuen umbi acte acmiac acquidtedi padpidec bundoenquio ictsiash. Umbi acte ushumbo pududquequid acmiac ënëdenquio yec ubëd tabadtequid mibi yantsiandac, quepanëdash Esus.

Mateo 7:21

Utsitsen Esusën naden chuipanëdash: Ubi caic: Icbo, Icbo, Cun Icbo mibi nec. Mibi tantiaquid nebique. Mibi yacno ubi puduedme, Icbo ¿quequidtedida Nuquin Papan namiacno puduedpatsiash? Padenquio. Cun Pa abucquidën chiacpadombuen naquidoen aid yacno puduedendac.

Santiaco 4:14

Ma adquid badiadash ictequid tantiesa neyoc. Badiadbudnuc pushudquid cuencuempambo icbuedi badedquio nidacbimbuec mibitedi nibëdanendac.

Uanën dada uaid 6:58

Aden ubi tantiamenuen: Nuquin Papan abucshun chomiondaid petebimbuecquid utsi iquec, quequin chiombi. Ubi adquid icsho ubi tantiaquid Nuquin Papabëd ënëdenquio yec tabadtequid iquendac. Min tsusedpabon mana caid piampidpadquidpenquio nebi. Aid pequidi uënësbudnepampic. Padnuen Ubi tantiaquido padpidec uënëstiapimbo icquid yanendac, quepondash Esus.

Mateo 21:31

¿Mitsicquidën aton papan chiacpadombuen naoshe? En chui. Tantianu, caquien Esus chieshënquido: Abia chiac chieshuidbuedën, quesho tantiashumbien Esusën: Adquidpenquien mibitedi nec. Mibitedi tantiatiapimbo yec tabadnubi mimbi: Icsambo iquec, caido Nuquin Papa yacno puduedendac. Chieshuidacbimbuecquid aido nec. Aton matses piucquid bedshundednedo yec piucquid bedec chudadquid chidobo yec quec icbuedi Nuquin Papa tantiabenash aidbëd tabadtequido yanendac. Mibitedien padenquio iquendac.

Tesadonica 1 5:18

Nadec tabadquin: Nuquin Papa bëdambo iquec, cata. Bëdambuec tabadquin nac bëdambo ictsiash. Daicsabudshumbi adembidi nac bëdambo ictsiash. Paëmbo icnubi adembidi. Mitsana icnuc adembidi. Mitsana nibëdnubi adembidi. Utsibon chieshënaqui adembidi: Mibi bëdamboshë iquec, Papa, cac bëdambo ictsiash. Aden Nuquin Papan: Ma Esus tantiaquidon adono, quequin tantiacpadembi mibitedishun chiannendac.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Codosas 1:9

Aden Epapadasën chuiboc mibitedi tantiaquin ubitedishun ënenquio icquin naden Nuquin Papa chiannembi: Mimbi tantiacpadombuen min Mayanën bëdambuen tantiamiac: Nuquin Papan chiacpadombuen nate bunebi, quequin ma bëdambuen tantianu. Tantiamequiota, Papa, quequin chiannembi.

Uanën dada uaid 7:17

Nuquin Papan chiacpadombuen nate bunquidën bëdambuen tantiatsiash. Umbi Nuquin Papan Chiaid chuisho tantiash: Nuquin Papan Chiaidquio chiec nec, quequin tantiatsiash. Umbi ambembi chuisho tantiash: Nuquin Papan Chiaidpenquio chiec nec, quequin abimbo tantiatsiash.