Uan 1 2:15 - El Nuevo Testamento en matsés

¹⁵ Tantia. Esus tantiaquido icsho mibitedi chuinu. Nuquin Papa tantiesabon nacpaden nate bunenda. Aden nate bunquid Nuquin Papa tantiesa nec.

Uan 1 2:15 Referans Kwoze

Santiaco 4:4

Chidon aton bënëpen chudmequidbimbuen Nuquin Papa tantiesabo yec icsambuec tabadquido mibitedi nepayoc. Adec tabadquin abi tantiesabon nacpadombuen nadennequid yec Nuquin Papa chieshënquid nec, ¿quequinda mibitedishun tantienquio icpe?

Doma 12:2

Esus tantiesabon nacpadombuen naic tabadenda. Adembidi aidon tantiacpadombuen nainquiocquin bëdambuen tantiabenash mibitedi bëdambuec tabadquid yanendac. Adash Nuquin Papa bunacpadec tabadquin bëdambocquid yec abi bunaidquio yec icsambocquidpenquio yante yec quequin mibitedishun tantiendac.

Mateo 6:24

Adshumbic naden Esusën chuipanëdash: Adecbidi chuiquid daëd icnuc aid daëdshun namiaid mibi ictiapimbo iquec. Abentsëcshun chiaiduidi tantiaquin utsin chiaid nainquiocquin mimbi aid chieshënec. Adquiobidi piucquid bedteuidi tantiaquid icquin Nuquin Papan chiacpadombuen mimbi natiapimbo iquec, quequin Esusën chuipanëdash.

Ducas 16:13

Adecbidi chuiquid daëd icnuc aid daëdshun namiaid mibi ictiapimbo iquec. Abentsëcshun chiaiduidi tantiaquin utsin chiaid mimbi chieshënec. Adquiobidi min piucquid bedteuidi tantiaquid icquin Nuquin Papan chiacpadombuen mimbi natiapimbo iquec, quepanëdash Esus.

Uanën dada uaid 15:19

Ubi tantiesabo icsho ubi chieshënquidon mibitedi bëdambuen istsiandac. Adquid iccondaidi umbi: Cho, cac ubi tantiaquid mibitedi yampondac. Adquid icsho mibitsen chieshënendac.

Uan 1 3:17

Aton piucquid dadpen icquidën abëtan Esuquidistu tantiaquidëna nibëdquiocsho isec: Cun utsi menenu, quenquio icquid Nuquin Papan matses tantiacpadombuen matses tantienquio icquid nec.

Timoteo 1 6:10

Adec piucquid natiambo bunquidon aid bednuen baded badedquien icsambuen nadednendac. Adquido: Esus tantiembi, quebuedobi padenquio yanash natiec tabadendac.

Cadasia 1:10

¿Mabi matsesën: Mibi bëdambo iquec, canu, quequindambi aden chuibampadi? Padenquio. Nuquin Papambien: Mibi bëdambo iquec, ubi caindac. Matsesën tantiaiduidi chuibanec Esuquidistun iuapenquio ictsiabi.

Uan 1 4:5

Mibi mua uaquido yec Nuquin Papa tantiesabo nec. Adquido icquin chuibansho tantiash abipadquido: Ai abimbo chiec, quequin aidon chuibanaid tantiendac.

Epeso 2:2

Adquid icquin Nuquin Papa tantiesabon nacpadombuen mimbi icsambuen nabampondac. Adombuembidi podobitsi icsabon chuiquid tapa Mayan Icsa Satanas bunacpadombuen nabampondac. Aidëmbi Nuquin Papan Chiaid niacmequin icsambuen nate matses bunmec.

Uan 1 5:10

Nuquin Papan Madombo Esus nec, quequin tantiaquin: Nuquin Papa abimbo chuibanquid nec, quequin nuqui tantiec. Padnuen Nuquin Papa tantiesan: Cun madombo nec, quequin abimbo chiaid chiesa yec muaquidquio Nuquin Papa nec, quequin muaquin chuiquid nec.

Mateo 4:8

Adsho tantiashumbien Mayan Icsa Satanasën padpiden buanquin macuësh tapa abucquiocquid manidtomeshun nidaid abitedimbo Esus ismepanëdash. Chuiquid tapabotedi ismequinc aidobëd icquido ismequinc aidon dayun uaidtedi ismequinc capanëdash.

Santiaco 1:27

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.