Uan 1 2:11 - El Nuevo Testamento en matsés

¹¹ Abëtan Esus tantiaquid utsi chieshënquidien icsambuec tabadquid nec. Adquid yec inchëshën bëdnudshun podquied tantienquio yec capucuenniacbimbuen bëdambuen naquin tantienquio icquin icsambuen naic tabadendac.

Uan 1 2:11 Referans Kwoze

Uanën dada uaid 12:35

Adoaquien Esusën: Nadquid nebi, quenquio icquin utsi chiacbimbuen naden chuipondash: Mibi bëdambuen tantiamequid nëbi abi mibëd iqueque. Aid tantiata. Adbuedi uëshë budacbimbuec isadenquio yanendac. Aid nibëdnuc inchëshën tantienquio yec capuacbimbuen mimbi bëdambuen tantienquio iquendac.

Tito 3:3

Ënden Esus tantiesa yec nadquio nuquitedi icpondac. Nuquin Papan chiacpadombuen naisa yec nuqui bunacpaden naic tabadec bënnudacbimbuec nuqui icpondac. Adecbidi nuqui bunacpaden nabanquin ëntiapimbocquin nuqui icsambuen nadednepondac. Icsambuec tabadquido yec utsin bëdambuen isquin namesho isash nuqui nëishpondac. Adecbidi utsibobëd nëishnanash nuqui chieshënnampondac.

Esusën Uan ismiaid 3:17

Nuquin Papan Chiaid niac niaquec icsambocquid nechitebi, quetiadquidi: Cuna dadpen bedshun umbi dayun uaid icnuc utsi bunenquio yec bëdambo iquebi, mibi quepoc. Adsho umbi isac piucquid nibëdnuc dashcute dasiuidenquiocquid yacbimbuec icsambo mibi iquec. Esus tantienquio yec Nuquin Papabëd tabadtiapimbo icchitebi, quetiadquidi mibi adenquio iccoc. Bëchish ucambo yacbimbuen mimbi icsambuen naid ënenquio icsho mibi bëdambuen istiapimbo iquebi. Pacuënnëdacbimbuen ubi tantienquio icquido yec mibi dashcute dasiuidenquio yacbimbuec iquec.

Uan 1 1:6

Adquid icnuc: Nuquin Papa tantiaquid yec aidbëd abentsëc yacbimboecquid nebi, quebuedëmbi icsambuen nabanquin aidën chiaid niac niacquid yec nuquibi muaquid nendac.

Uan 1 2:9

Esuquidistu tantiaquid yec bëdambuec tabadquid nebi, queshumbi abëtan Esus tantiaquid utsi chieshënquid inchëshën icacbimbuen abi icsambuen nabanquid nendac.

Codinto 2 4:4

Ad icnuc: Nuquin Papapadquidquiobidi bëdamboshëcquid Esuquidistu nec, quequin chuibansho tantiaquido icnushe, queshun icsambuen namianquid icquin Mayan Icsa Satanasën pamunacbimbuen utsi utsien tantiamenquio iquec.

Uanën dada uaid 12:40

Nuquin Papan namiac min matses pamumëdacbimbuen tantiate bunenquio iquendac. Bëchicqueshun isenquio yacbimbuen isquimbi tantiatiapimbo iquendac. Umbi chiaid tantiaquin umbi nabansho issumbi ubi padpiden tantiauatiapimbo iquendac. Aden ambi icsambuen naid ënsho bëdambuen ismane, quiash Nuquin Papa chushquiaid Isayasën chuipampic.

Codinto 2 3:14

Nuquin Papan dada uaid Moisesën chuibanac tantiate bunesa aton matses isadaidbo icpampic. Adquiobidi pamumëdacbimbuec isadaidbo abi tabadec. Nuquin Papan Chiampid isec onquec nëbi adquiobidi abi bëdambuen ismenuen nate tantiesa nec. Padnuen Esuquidistu uidtsëqui tantiaquidën Nuquin Papa bëdambuen ismete tantiec.

Petedo 2 1:9

Aden umbi chuibocpadombuen naisa yec pamumëdacbimbuec iquec. Adquido icquin ambi icsambuen naid ënshun tantiabenacsho icsaisabimbuecnuc Nuquin Papan nuqui bëdambuen isec, quebuedëmbi aid tantienquio yanec bëshunash tantiesa yanuaindac.

Uan 1 2:10

Esuquidistu tantiaquid utsimbien: Cun utsibimbuecquido nec, queshun aid tantiaquin bëdambuen nashunquid nec. Adquidën Esus tantiaquido icsambuen namenquio icquin cuëshëdmenquio iquendac.

Uan 1 3:15

Padnuen abëtan Esus tantiaquid chieshënquid aton utsibi cuessunnequidbimbuecquid nec. Adec cuessunnianquid Nuquin Papabëd tabadtiapimbo iquendac, quequin nuqui tantiec.

Uan 1 4:20

Utsi nadpec: Nuquin Papa tantiaquid nebi, quepec. Adquid icquimbi abëtan Esus tantiaquid utsi ambi isaidquio chieshënquid yec muaquidquio nendac. Aden ambi isaidquio tantienquiocquid iquec ambi isacmaidquio Nuquin Papa tantienquiocquidbidi nendac.