Uan 1 2:10 - El Nuevo Testamento en matsés

¹⁰ Esuquidistu tantiaquid utsimbien: Cun utsibimbuecquido nec, queshun aid tantiaquin bëdambuen nashunquid nec. Adquidën Esus tantiaquido icsambuen namenquio icquin cuëshëdmenquio iquendac.

Uan 1 2:10 Referans Kwoze

Uan 1 3:14

Cuidadtequido icbuedëmbi Esuquidistu tantiaquid yec tantiananquin naden nuqui tantiendac: Adec tantiananquid yec Nuquin Papabëd tabadtequid nebi, quequin nuqui tantiendac. Utsibobëd tantiananesa yec uënësacbimbuec tabadquidoen Nuquin Papan cuidtequido nendac.

Doma 14:13

Aden chuitequid icnuc utsibobëd icsambuec chuishunnanenquio icnuna. Adoenquio icquin ambi natemaid umbi nasho isash chieshtoshon Esus tantienquio yannushe, queshun ambi natemaid naquin ismenquio iquembi, queshun Esus tantiaquidtedi bëdambuen isnuna.

Petedo 2 1:10

Tantia. Cun utsibo, mibitedi chuinu. Nuquin Papan: Cun matses canu, quequin Esus tantiamiaido mibitedi nec. Aden tantiamiaido icquin cute tapun nidaid ëquëducquio nidacbimbuen aid ënenquio icquin tantiaquid yec Esus tantiesa mibi yanuainquio iquendac.

Uanën dada uaid 8:31

Adshumbic Esusën abi bëdiactsëc tantiabenquido cun matses isadaidbon chuiquido naden chuipondash: Umbi chiaid tantiaquin naquidquio yec ubi tantiaquidquio mibitedi iquendac.

Mateo 18:7

Aden ubi tantiactsëcquido utsibon icsambuen namiac icsamboshë iquendac. Ai, adquid iquendac. Adec icsambuen namianquid icsho Nuquin Papan cuidquiendac.

Mateo 13:21

Adsho: Nuquin Papa tantiaquid nec, queshun utsibon chieshënac pete ëshë dëyuquec tapunuidtsashi uënësacbimbuen badedi chieshtoshon Nuquin Papan Chiaid tantienquio yanendac. Adembidi chieshtomiantequid utsi utsiec icnuc Nuquin Papa tantienquio yanuaindac.

Pidipos 1:10

Aden tantiamiac: Nadec tabadec bëdambo ictsiabi. Adec tabadenquio yec icsambo ictsiabi, quequin bëdambuen tantiendac. Aden tantiaquid yec chieshtoenquio icquin Esus tantiec bëdambuec tabadendac. Adec tabadnubi abi chote uëshën choshon Esuquidistun: Bëdambuec mibi tabadoc, mibi caindac.

Uanën dada uaid 11:9

Adoaquien utsi chiacbimbuen chuiquin: Badiadën uëshë chënquenuc capuec tocoshquetanec uebudesa nec.

Uanën dada uaid 12:35

Adoaquien Esusën: Nadquid nebi, quenquio icquin utsi chiacbimbuen naden chuipondash: Mibi bëdambuen tantiamequid nëbi abi mibëd iqueque. Aid tantiata. Adbuedi uëshë budacbimbuec isadenquio yanendac. Aid nibëdnuc inchëshën tantienquio yec capuacbimbuen mimbi bëdambuen tantienquio iquendac.

Uan 1 2:11

Abëtan Esus tantiaquid utsi chieshënquidien icsambuec tabadquid nec. Adquid yec inchëshën bëdnudshun podquied tantienquio yec capucuenniacbimbuen bëdambuen naquin tantienquio icquin icsambuen naic tabadendac.