Uan 1 1:9 - El Nuevo Testamento en matsés

⁹ Padnuen Nuquin Papa chiec: Icsambuen naombique. Ubi bëdambo icmequin ubi bëdambuen ista, Papa, quesho tantiashun ambi chiacpadombuen naquin nuqui bëdambuen isendac. Nuqui icsambuen naidtedi tantienquio yec bëshunquin icsambuen naisabimbuecnuc nuqui bëdambuen isendac.

Uan 1 1:9 Referans Kwoze

Uan 1 1:7

Nuquin Papan chiacpadombuen nabanquid yec Esus tantiaquid utsibobëd abentsëc yacbimbuec tabadquid nuquitedi nendac. Adquid nuqui icmenuec nuqui icsambuen naidtedi bedshunec abided cuidadec Nuquin Papan Mado Esuquidistu uënëspondash. Adec intac mëyanec uënësondaidënquio nuqui icsambuen naidtedi uqendac. Nuqui icsambuen nabued tantienquio yec bëshunendac.

Ebedeo 10:23

Nuquin Papa ambi chiampicpadombuen naquidquio nec, quequin tantiaquid yec: Aid yacnombo tabadtequid nebi, quequin cainquin chieshtoenquio icquin tantianuna.

Timoteo 1 1:15

Tantia, mado. Naden chiaid abimbo iquec. Icsambuen nabuedombi abi tantiasho matses cuidmenquio icnuec Esuquidistu chopanëdash, quequin abitedishumbi tantiac bëdambo ictsiash. Utsibon Nuquin Papan Chiaid bëdiactsëc niac niacnubi umbimbo icsambuenshë naquin cumapenen niac niaccondambi.

Codinto 1 1:9

Ambi chiampicpadombuen naquidquio Nuquin Papa nec. Aidëmbi aton mado Esuquidistu Nuquin Icbo tantiamequin aidbëd abentsëc yacbimbuecnuc tabadmec.

Hechos 19:18

Esus tantiesa icbuedëmbi aid tantiaquid yanshun Esus tantiaquido iccuededacno nidshun utsibo tantiamequin ambi icsambuen nabanaidtedi chuibampanëdash.

Madcos 1:5

Aden Uanën chuibannubien matses dadpen: Tantiatannu, quec nidaid cuëshë Udea yacnocquidobëd shubu dadpen icquid Edusaden yacnouësh chochopanëdash. Chochoash tabadquin tantiashien: Aden Icsambuen naombique. Umbi icsambuen naid ënnu, quequin abimbo chuisho Uanën acte Odan caidën mentobampanëdash.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Codinto 1 6:11

Ënden mibitedi utsi utsiec adquido iccondaidi nëbi abi tantiaquido yansho issun acten mentoaido iquec. Adembidi mibitedi Nuquin Papan bëdamboshëcquid icmequin Nuquin Icbo Esuquidistu tantiaquid icsho mibi isaisabimbuecnuc bëdambuen isec. Adembidi Nuquin Papan aton Mayan meniaido mibitedi nendac.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Esusën Uan ismiaid 15:3

Moises Nuquin Papan namiaid yec cuëdënampicpadec cuëdënquin Obecabimbuecquid tantiaquin naden chiec cuëdëncuededposh: Mibi nadatiambocquin nabanquidquio nec. Abitedimbo uaquidquio yec abitedishun Icbombo mibi nec. Matsesën naid abitedi tantiaquin abimbo chuiquin bëdambuec tabadmetiadquio mibi nec. Nidaid utsi utsiec yacno tabadquidon Chuiquid Tapambo mibi nec.

Ebedeo 11:11

Adembidi: Abi tantiaquidquio icsho Nuquin Papan namiac Abadauan tsësiombo icquimbi aton chido Sada machobudash bacuë tishtiapimbocshobi Nuquin Papan uidënquio icmiac aton mado tishmepampic.

Mateo 3:6

Adec chochoash tabadquin Uanën chuisho tantiash: Aden icsambuen naombique. Umbi icsambuen naid ënnu, quequin chuisho tantiashun Uanën acte Odan caidën mentobampanëdash.

Epeso 5:26

Adec abided cuidadec uënëssun: Ubi tantiaquido bëdamboshëcquid icmenu, queshun ambi Chiaid tantiamequin abi tantiaquido acten mentoadmendac.

Doma 3:26

Icsaquido cuidquid icquimbi Nuquin Papan badedquio chieshtoshon cuidenquio icquid nec. Adquid icquin Nuquin Papan abi isaisa yacpadombuembidi nëbi Esus tantiasho icsambuen naisabimbuecnuc bëdambuen isquin nuqui cuidenquio iquendac.

Uanën dada uaid 17:25

Icsaisambo mibi icsho ubi tantiesabon mibi tantiatiapimbo icnubi mibi tantiaquiembi. Adnubi mimbi ubi tantiamiaidon: Nuquin Papan Chomiaidquio nec, quequin ubi tantiosh, Papa.

Ducas 22:57

Adoaquien: Umbi isacmaidquio mimbi chiec, quepanëdash Petedo.