Tito 3:4 - El Nuevo Testamento en matsés

⁴ Adquid nuqui icsho issumbien Nuquin Papan matses abitedi tantiaquid icquin aton matses icmenuen nuqui icsambuen naidtedi bedshunash abided cuidadtequid Esus chomepanëdash.

Tito 3:4 Referans Kwoze

Timoteo 1 4:10

Adec: Abi yacno abëdi tabadendabi, quequin tantiec ënëdenquio yec chonoadquin Nuquin Papan Chiaidquio chieshtoenquio icquin chuibannuna. Esus tantiaquid uënësacsho cuidenquio icquin Nuquin Papa uënëstiapimbo icquidën abëdi nuqui tabadmendac, quiash chieshtoenquio yec bëdambuec tabadnuna.

Ebedeo 9:26

Matsesën nacbimbuen naic taecquiobi abitedi uash matsesën icsambuen naid bedshunash abided cuidadec baded badedquiec Esuquidistu uënëstsempanëdash. Adenquio yec matsesën icsambuen naidtedi bedshunash abided cuidadec abentsecquiobi uënëspanëdash, nëid nidaid nibëdanmete anoentsëqui yannubi.

Doma 2:4

Ambi uaido matses abitedishun icsambuen nasho isash uënësquio icquin aido bëdambuen iste bunquin icsambuen naquidobi Nuquin Papan baded cuidenquio iquec. Icsambuen nabuedi nëbi Nuquin Papa tantiate bunec: Ambi chiacpadec bëdambuec tabadte bunebi, quequin ma ambi icsambuen naid ënshun ubi tantiabennu, queshun Nuquin Papan matses baded cuidenquio iquec. Adquid icshobi Nuquin Papa tantiate bunenquio mibi iquec.

Tito 1:3

Nëbi ambi tantiacpadënquio Nuquin Papan matses bëdambuen ismequid Esuquidistu tantiamequin chuibenneta, caidquio nebi.

Timoteo 2 1:10

Aden ambi bëdambuen iste tantiamiabi icshumbic nëbi Esuquidistu matsesmeshun matses tantiamiac. Adoac: Abi tantiaquid uënësacsho cuidmenquio icquin uënëstiapimbo icquid icmequin Nuquin Papa yacno abëdi Esuquidistun tabadmendac, quequin Esusën naid Nuquin Papan Chiaid Bëda nuqui tantiec.

Timoteo 1 2:3

Aden Abi chiannesho tantiash: Ubi bunacpadombuen chiec, quendac Nuquin Papa nuqui cuidenquio icquin abëd tabadmequid.

Timoteo 1 1:1

Pabado nebi. Nuquin Papa yacno iuedanquid Esuquidistu nuqui cainaidën: Ubi chuibenneta, caidquio nebi. Aton Mado tantiasho nuqui bëdambuen isquid icquin Nuquin Papan: Cun Mado Esus chuibenneta, caidquiobidi nebi.

Ducas 1:47

Abi yacno ubi tabadmequid Nuquin Papa nec, quequin tantiec cuishonquec bëdambo iquebi.

Petedo 1 2:3

Nuquin Icbo bëdambo iquec, quiash bëdambo iquebi, queshun Nuquin Papan Chiaid isbanta.