Timoteo 2 4:21 - El Nuevo Testamento en matsés

²¹ Ue tsasi iquenuanquid taënushe. Baded cho, mado. Nëidon: Mibi tantiembi, quequin dada ua, caposhi. Nëidic Eubudo. Nëidic Pudente. Nëidic Dino. Nëidic chido Cadaudia. Nëidic Esus tantiaquido nëmbo icquid utsibotedishun. Aidtedishun aden chioshi.

Timoteo 2 4:21 Referans Kwoze

Timoteo 2 4:9

Nëbimbobi ubi badedquio isec cho, mado.

Pidipos 4:22

Doma yacnocquidon chuiquid tapan shubun icquido Nuquin Papa tantiaquido icquin mibitedi caic: Adembidi mibitedi tantiembi, quiosh, cata.

Uan 3 1:14

Nëbi mibi yacno nidshun mibi bëisquioquimbi dadpen chuibanendambi.

Uan 2 1:13

Mibitedi tantiec tabadebi, quequin chuita, quiosh nëmbocquido Nuquin Papan Esus tantiamiaido. Aidted chuiquin dada uaombi.

Timoteo 2 4:13

Shubu dadpen icquid Todoade caid yacno Cadpo cuëmëdquidën shubun cuna nianondambique. Choquin cun dashcute umbi dada uaidbëta bedbëtsenec cho mado. Dada uaid abitedi buantiapimbo iquebi, queshun nëish iua bitsi nacnenaidën dada uaiduidtsëqui bëta.

Timoteo 2 1:4

Ubi nidnu, quesho tantiash mibi shubiondaid tantiec mibi iste bunquiebi, mado. Mibi isec cuishonquetsiabi.

Codinto 2 13:13

Nuquin Icbo Esuquidistun aton Papa bëdambuen ismiaido nebi, quequin mibitedishun tantiaquiota.

Codinto 1 16:20

Adembidi Esus tantiaquid utsibotedishun: Mibi tantiembi, quequin chiosh. Aden Esus tantiaquido icquin mibi padquid utsibo chuiquin: Mibitedi tantiembi, cabanta.

Ducas 12:58

Mibëd chieshënnambuedën: Nëid cuidmenuen cuidte chuiquid yacno buanchitembimbi iquec, queshun buanac podquiedën nidec aidbëd bëdambuec onqueta: Ma nëish bëdannu, quiash. Matses cuidte chuiquidën cuidnushe, quiash badedquio mibëd chieshënnambuedbëd bëdambuec isnanta. Padenquio icsho matses cuidte chuiquidën: Icsambo iqueque. Quënën tsaduntan, cac mibi quënën tsadunnushe.

Tito 3:12

Tantia. Mibi chuinu. Adtemasbëd Tiquico ubëd iquec. Aid daëd icnuc abentsëc Quedeta yacno nidmembi. Aid mibi yacno nidacsho issun: Pabado isec nidnu. Mimbitsen nëmbocquido chuibanta, quequin chianec Nicopodis yacno nidta, Tito. Nicopodis yacnoshon ue taëquid matanmete bunebique. Ubi ambo istuidec nidta.