Timoteo 2 4:1 - El Nuevo Testamento en matsés

¹ Nuquin Papabëtan Esuquidistun mibi iseque. Bëdambuen chuibanta. Esusën padpidec choshon abitedishun Icbombo icquin uënësabi icquidobëta uënësaido uincuenmeshun cuidnumbi chiendac. Nëid ubi tantiaquid ubëdi tabadmembi. Nëid ubi tantiesa cuidembi, quequin chiendac.

Timoteo 2 4:1 Referans Kwoze

Hechos 10:42

Abëd icshobi: Ubi chuibanquin naden chuiban: Matses cuidte chuibanquid Nuquin Papan icmioshi. Uënësaidobëta uënësabicquido abitedi aden chiendambi. Bëdambocquid ubëd tabadmequimbi icsambuen naquido cuidmendambi, quequin Umbi Chiaid chuibanta, Esusën caondaid nebi.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Timoteo 1 5:21

Esuquidistubëtan Nuquin Papan nuqui isec. Adembidi Nuquin Papabëd icquidon nuqui iseque. Umbi chuibocpadombuen nata. Min matsesën mimbi tantiaidënquiobi Nuquin Papan Chiaid niacacsho adembidi: Mimbi icsambuen naique. Padi, cata. Shubu utsin icquidon Nuquin Papan Chiaid niacacsho adembidi: Cun matses umbi tantiaidquio neque. Chienquio iquembi, cainda.

Timoteo 2 2:14

Umbi dada uaquin chuibued mibëd icquido naden chuibanta, mado. Nuquin Icbon isnubi Esusquio chienquio yec ambembi chiaid chiec mibi chushcananeque. Adenda. Adec chushcanansho tantiashun matsesën icsambuen tantieque. Padi, cata, mado.

Mateo 16:27

Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Petedo 1 5:4

Aden Esus tantiaquido chuibanquidën bëdambuen nabannubien aton Chuiquid Tapambo yec Nuquin Icbon nidaidën padpidec chouashun utsibo ismequin: Mimbi bëdambuen nabanoc, queshun chunidtiapimbo ictequid shocosh mauete bëdamboshëcquid mibitedi menendac.

Uan 1 2:28

Nëbi cun bacuëbobimbuecquido yec Esusbëd abentsëc yacbimbuec adequi bëdambuec tabadta, quequin mibi chiec nebi. Aden: Abi tantiaquido bedec Esuquidistu padpidec chonoc dacuëdmane, queshun chieshtoenquio icquin aid tantiata.

Petedo 1 4:5

Aden mibitedi icsambuen chuishunquido Nuquin Papan cuidendac. Cuidnumbi matsesën naidtedi tantiaquid icquin Nuquin Papan: ¿Mitsipaden nabano? ¿Ada bëdambuec tabado? cac uënësaidobëtan uënësabi icquidotedishun ambi nabanaidtedi uesquin chiendac.

Petedo 1 1:7

Esus tantiaquid nebi, quequin mimbi tantiaid matses bedte bunaidquio odo caid shocosh bëshpiu bëshpiucquidbimbuecquid nec. Aidquiobida neque. Isnu, queshun icbon cute nëdëncadoshon pichicaquin aid shocosh tauiquin tanec. Adembidi: Esus tantiaquidquiobida neque. Isnu, queshun Nuquin Papan utsi utsien natiamendac. Aden natiamiaqui chieshtoenquio icquin tantiaquid icsho Esuquidistun padpidec choshon: Mibi bëdambocquid neque. Ubëdi tabadec cho, quequin utsibo tantiamequin chuishun abi yacno buanendac.

Tesadonica 2 2:8

Abi chomenquio icquid chicambien icsamboshë icquid matsesën chuiquid tapa iquendac. Adshobien Nuquin Icbo Esusën: Ubien nadatiamboquid yec abitedishun Icbombo nec, quec matses abitedishun isnuc bëchamauanquiec choshon icsamboshë icquid dabushcaquinuidtsëqui nibëdanmendac.

Doma 2:16

Nuquin Papan abitedimbo cuidte uëshëmbi aidën chiacpadombuen Esuquidistun matsesën otacquio tantiaidbëta ompodshon naidtedi tantiashun matses cuidendac. Aden umbi Chiaid Bëda chuibanquin chuibocpadombuen naindac.

Hechos 17:31

Matses abitedishun naid chuibanquin cuidte uëshë chonoc matsesën icsambuen naidbëta bëdambuen naid chuibanquin Nuquin Papan Chomiaidën cuidbanendac. Aden matsesën naid chuibanquid nec, queshun ismenu, quequin ambi chiampicpaden naquin Nuquin Papan isadaidbon uënës uacsho Aid uincuenmepanëdash, quepanëdash Pabado.

Petedo 2 1:11

Adec bëdambuec tabadec uënësacsho: Ubi tantiaquid mibi neque. Ubëdi tabadec cho, queshun ambi ënenquio icquin namiacno abëdi tabadmequin Nuquin Papa matses cuidmenquiocquid icquin Nuquin Icbo Esuquidistun nuqui bëdambo icmendac padpidec uënëstiapimbo icnuc.

Ducas 23:42

Aden chiashic Esus caic: Mimbi namiacno nidash chuiquid tapa icquin ubi tantiata, capanëdash abëta dectambued utsin.

Ducas 19:15

Adnubien: Chuiquid icnu, quianec nidbued chuiquid tapa icmeposh. Aden icmiac aton shubuno chouash: Cun piucquid ¿tedtsi daëd uapashba? abibi queshun ambi menebuedo aton iuabo 10ted icquid chochomeposh.

Ducas 19:12

Aden icsambuen tantiaid tantiashun utsi chiacbimbuen Esusën naden chuipanëdash: Chuiquid tapan mado: Ënden caniondaid nebique. Nëbi ubitsen chuiquid icnuec chuiquid tapa yacno nidaid utsi yacno nidendabi. Amboshon chuiquid tapa icmiac nëmbobidi chouaindabi,

Esusën Uan ismiaid 1:7

Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.

Petedo 2 1:17

Nadquio icpondash. Macuësh tapan dectatoash Esus bëchamauanquiec yampondash. Adnubien bëchamauanquiec yacnouësh nadec Nuquin Papa onquesho tantiapondambi: Nëidquio Umbi tantiaidquio yec Umbi namiaidquio Cun Madombo nec. Aid isec bëdambo iquebi, quec auëshquio onquesho ubitedishun tantiapondambi.

Codosas 3:4

Adoaido yec Esuquidistu padpidec choshon abi yacno buanshun abipadquid icmiac mibitsen bëchamauanquiec iquendac.

Timoteo 2 1:10

Aden ambi bëdambuen iste tantiamiabi icshumbic nëbi Esuquidistu matsesmeshun matses tantiamiac. Adoac: Abi tantiaquid uënësacsho cuidmenquio icquin uënëstiapimbo icquid icmequin Nuquin Papa yacno abëdi Esuquidistun tabadmendac, quequin Esusën naid Nuquin Papan Chiaid Bëda nuqui tantiec.

Timoteo 2 4:18

Padpiden chieshëmënquidon: Chieshtomenu, casho Nuquin Icbon nac chieshtoenquio ictsiabi. Nuquin Icbombidi abi yacno ambi namiacno abuc abëdi ubi tabadmendac, queshun: Nuquin Icbo bëdamboshë iquec, caimbi ënenquio icquin. Amen.