Timoteo 2 3:16 - El Nuevo Testamento en matsés

¹⁶ Nuquin Papan Chiaid aton Mayanën tantiamiacpadombuen matsesën dada uapampic. Aidën chiaid abitedimbo bëdamboshëcquid nec. Aid isec onquequin: Nuquin Papan chiacpaden naic bëdambuec tabadnuna. Esus tantiaquido icquin icsambuen nainquien ictiad, quequin abi chuibanquidën chuibanec. Adembidi: Esus tantiaquido adec tabadesa neque. Padi. Bëdambuequien tabadtiad, quequin chuibanec.

Timoteo 2 3:16 Referans Kwoze

Doma 15:4

Nuquitedi bëdambuec tabadte tantiamenuen Nuquin Papan Ambi Chiaid dada uamepampic. Aid isban isbanquin ma utsi uainquio icquin ubëta Esus ënenquio icquin tantiec tabadnu, queshun bëdambo icmequin dayacquio icmiac: Esusbëdi Nuquin Papa yacno tabadendabi, quequin tantiaquin cainec nuqui tabadec.

Ebedeo 4:12

Nuquin Papan Chiaid nadatiambocquid yec abimbo tantiamianquid nec. Aden Nuquin Papan ambi tantiacpadombuen namendac. Chështe aucbidaëdi cuënumbo icquidën nami ëquëducquio sënquin isacbimbuen ambi icsambuen naidtedi matses tantiamendac. Adembidi Nuquin Papan chiaid issun Ambi: Icsambuen nanu, quequin tantiaidbëta ambi: Bëdambuen nanu, quequin tantiaidtedi tantiamendac.

Madcos 12:24

Adoaquien Esusën: Mibitedishun icsambuen tantiec. Nuquin Papan Chiaidquio tantienquio icquin Nuquin Papan nadatiambo icquin nabanquin uincuenmete mimbi tantienquio iquec.

Timoteo 2 4:2

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.

Timoteo 2 2:25

Esus tantiesabon: Mimbi Nuquin Papan Chiaid chuisho tantiatiapimbo iquebi, caqui adembi chieshtoenquio icquin Nuquin Papan Chiaidquio mimbi chuibanendac. Nuquin Papan Ambi Chiaidquio tantiamiac: Icsambuen naombi, quequin ma Esus tantiesan tantiabennu, quequin abi chuibanendac.

Hechos 20:20

Chuibanenquio iquembi, quenquio icquin mibitedi Esus bëdambuen tantiamenuen matses dadpen iccuededacnoshon chuibanondambi. Adembidi shubun shubunquiec puduedcuennequin chuibenniondambi.

Uanën dada uaid 3:20

Adquidon: Uëshën chëncaquin tantiamiacbimbuen umbi icsambuen naid utsibo tantiamenushe, queshun ubi chieshëmpec.

Mateo 13:52

Adsho tantiashun Esusën ubitedi naden chuipondash: Nuquin Papan Chiampid tantiamequid utsibo chuiquin: Nuquin Papan namiacno tabadtequid iquec, quequin tantiaquid yanshun naden chiendac: Matsesën atona ëndenquimbo ambi dayun uanëdaidbëta nëbi chuca icquid ismequin utsi utsien chicacbimbuen chiendac. Nuquin Papan Chiaid ëndenquimbo dada uampidbëtabi Nuquin Papan Chiaid chuca umbi chuibambuedquio mibitedishun chuibanendac, quepondash Esus.

Hechos 18:25

Adquid yec Nuquin Icbo tantiaquid icquin Uan acten mentoanquidën Esus chote chiec onquiaid tantiaquin matses bëdambuen chuibanquidquio Apodo icpanëdash.

Doma 2:20

Chuisho tantiabi icquido nëbi tantiabentsëcquidobëta Nuquin Papan Chiaid chuibanquid nebi. Abitedimbo tantiaquid icquin Nuquin Papan: Naden nata, quequin Moises chiampid bëdambuen tantiaquin abimbo chuibanquidquio nebi, mibi quepec.

Cadasia 3:8

Isadaidpembotsen Nuquin Papa tantiaquido yanendac, quequin naden ëndenquimbo Nuquin Papan Abadauan chuipampic: Nidaid utsi utsiec yacno tabadquidontsen min tsiuecquid abentsëc tantiasho icsaisabimbuecnuc bëdambuen isendambi, quequin chiampid cun tsusedpan dada uapampic.

Ebedeo 3:7

Aden Esusën dayun uaid icsho Nuquin Papan Chiaid aton Mayan Bëdan naden chuiquin dada uamepampic: Nëid uëshëmbi Nuquin Papan Chuibued tantiashumbi

Codinto 1 12:7

Esus tantiaquido icsho: Ma utsibobëd tantiananec nashunnannu, quequin Nuquin Papan aton Mayan menendac.

Hechos 20:27

Aden mibi Nuquin Papan: Naden ubi yacno matses tabadmenu, quequin chiaid ompoenquio icquin abitedi chuibanombi.

Uanën dada uaid 10:35

Ambi chiaid chuibanquido matses caic: Ubibimbuecquid mibi nec, quequin Nuquin Papan Chiampid issun: Nuquin Papan icsambuen chiac, quequin mimbi chushcambo iquec. Nuquin Papa adoambobida ¿ubi chushcai?

Mateo 26:56

Bedenquio icbuedëmbi Nuquin Papan tantiacpadënquiobi mimbi ubi bedec. Aden ubi bedshun mëyante chuiquin Nuquin Papan oncamiaidon dada uampicpadombuembi mimbi ubi bedec, quequin chuinubini Esus abentsëqui nianec ubitedi niquepondac.

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.

Mateo 21:42

Adsho tantiashun Esusën: ¿Nuquin Papan Chiaid isbanamboda ictio? Naden chiampid ma mimbi isbanaid icpayoc: Buintad bëdambocquid istuidash: Nëidquio shubu uaquin nitsinnun tenu, quetiadquidi isuidposh. Aden buintad isuidaidi utsin teshun shubu uaquin aidba nitsinaid iquendac. Adosho issun: Adombuenshenda Nuquin Papan napec, quiash nuqui cuishonquec: Bëdamboshë iquebi, quependac, quequin dada uapampic.

Doma 4:23

Aden Nuquin Papan ambi Abadauan bëdambuen iste chuiquin dada uamiampid icnuc ¿Abadauanuidtsëqui tantiaquinda aden dada uamepampic? Padenquio.

Ebedeo 11:1

Nuquin Papan: Naden naindambi, quequin chiampid tantiaquin matsesën: Ai, adombuen naindac, quequin cainendac. Adembidi tantiaquidën: Umbi isacmaid abi iquec, quequin tantiendac.

Doma 3:2

Ai, bëdambo iquec, caimbi. Nuquin Papan: Naden nata, quequin Umbi Chiaid ma isadaidbomba tantianu, quequin Ambi Chiaid dada uamepampic.

Hechos 28:25

Aden tantiashun abentsëcshun tantiacbimbuen tantiatiapimbo yec cumapenec cuëdcuededec: Nidnu, quesho tantiashien Pabado nadpondash: Nuquin Papan Mayan Bëdan Isayas dada uamequin nuquin tsusedpabo mibi padquido naden chuipampic:

Madcos 12:36

Tantia. Chuinu. Nuquin Papan Mayan Bëdan tantiamiac Dabidëmbi naden chuipampic: Icbo Dapan cun Icbo naden chiec: Cun abiuc tsadec abitedishun Icbombo icnush nëmbo cho. Mibi chieshënquidobi dëniacmeshun: Cun Icbo nec, abitedimbo mibi camenu, quequin Dabidën chuiquin dada uapampic.

Mateo 26:54

Nuquin Papan aden ubi cudasmiac bedtiapimbo icsho ¿Mitsi paden Nuquin Papan Chiaid chuiquin dada uamiampicpadombuen ubi aden bedpatsiash? capondash pateshunnianquid chuiquin.

Mateo 22:43

Adsho tantiashumbien Esusën: ¿Bëdambuenda chuidio? Mimbi chiacpadquid aton mado icshobi ¿atotsi queshun Nuquin Papan Mayanën tantiamiac Dabidën Cun Icbo capampic? Naden chuiquin Dabidën dada uapampic: