Timoteo 2 2:22 - El Nuevo Testamento en matsés

²² Caniabon abi bunacpadombuen icsambuen naquid tanenda, mado. Adenquio yec bëdambuec tabadte bunquiota. Adec tabadquin matses ambi icsambuen naid ënmenuen abimbo chuita. Chieshtoenquio icquin Esus tantiata. Utsibobëd tantiananec bëdambuec tabadta. Nuquin Icbo Esus bëdambocquid nec, quequin tantiaquidobëtan Esus tantiata.

Timoteo 2 2:22 Referans Kwoze

Petedo 1 2:11

Tantia, cun utsibo, umbi tantiaido icsho mibitedi chuinu. Nëid nidaidën iuec tabadtiapimbo icquido mibi nec. Adquid icnuc Esus tantiesabo abi icsate bunacpadec icsainda. Aden naic cuidadtequid yanmane, quiash bëdambuec tabadta.

Petedo 1 3:11

Icsambuec tabadbuedi bëdambuec tabadnuna. Utsibo chieshënnansho issun: Padi, chieshënnanenquio yec bëdambuec tabadnuna, caindac.

Codinto 1 6:18

Mimbi natemaidi piucquid bedec chudadquido chido chudenquio yec cuenta. Utsi icsambuen naquin mimbi min dada icsametiapimbo iquendac. Adquid icnuc piucquid bedec chudadquid chido chudquin mimbibi min dada icsamendac.

Timoteo 1 6:11

Mibi Nuquin Papa tantiaquidquio neque. Cuenacbimbuen icsambuen nateuidi bunenquio yec bëdambuec tabadte bunquiota, mado. Mëyadtequid icnubi Nuquin Papan Chiaid niaquenquio yec chieshtoenquio icquin Esus tantiata. Matsestsen tantiec chieshëmënenquio yec bëdambuec tabadta.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Timoteo 1 4:12

Mibi cania neque. Bëdambuec tabadta, mado. Ënden caniaidon: Caniampi icquin Nuquin Papan Chiaid mimbi tantienquio iquec, canushe. Bëdambuec tabadta. Esus tantiaquido utsibotsen ma ubi yacpadec bëdambuec tabadnu, quiash adta. Bëdambuec onquequinc matses tantiaquinc Esus tantiaquinc Nuquin Papan Chiaid niaquenquio icquinc caic bëdambuec tabadta.

Codinto 1 10:14

Tantia, cun utsibo, umbi aden chuibued tantiashun ambi papa canun nacnenaid tantiec tabadacno nidenda.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Uan 3 1:11

Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.

Codinto 1 1:10

Tantia, cun utsibo, Nuquin Icbo Esuquidistun namiaid icquin mibitedi chuinu. Mibëtan Esus tantiaquidobëd chieshënnanec cuëshcuëshëdec tabadenda. Adenquio yec Esus tantiaquid utsibobëd tsidadash tabadec: Naden nanuna, quec abentsëcshun tantiacbimbuen tantiec bëdambuec tabadta.

Doma 14:19

Adquid icnuc aidën chiacpadec chieshëmënenquio yec bëdambuec tabadnuna. Esus tantiec chieshtoenquio yec bëdambuec tabadnuna, quec chuinannuna.

Codinto 1 14:1

Utsibobëd tantiananquin nabante bunquidquio icta. Adembidi: Min Mayanën namiaid icquin chuibante bunquiebique. Ubi tantiame, quequin Nuquin Papa chianneta. Adembidi: Min Mayanën namiaid icquin mimbi iuecshun natequid chiaid tantiaquin chuibante bunquiebique. Ubi adquid icme, quequin chianneta.

Codinto 1 1:2

Aidbëtambi Codinto yacnoquid Nuquin Papan bëdambuen tantiamiac Esus tantiaquido icsho mibitedi tantiembi, quequin chiec nebi. Esuquidistunuidtsëqui bëdamboshëcquid icmequin tantiamiac Nuquin Papa tantiaquido mibitedi nec. Adoaido icquin utsi utsiec yacnoshon Esus tantiaquid utsibobëtan Nuquin Icbo Esuquidistu chiannequid nuquitedi nec. Aidi Nuquin Icbo yec aidon Icbobidi nec.

Doma 14:17

¿Nadquid petemaid nec. Nadquid actemaid nec, quequin tantiecta Nuquin Papan namiacno tabadpatsiash? Padenquio. Aton Mayan Bëdanuidtsëqui abëd tabadquin namiac ambi chiacpadombuen naic cuishonquec bëdambuec tabadendac.

Hechos 9:14

Aidëmbidi Edusaden yacnocquidon chuiquid tapanquio dada uaid sananquin nëmbotsen mibi tantiaquido bedmeshun buannuec aidi chopac caosh, quepanëdash Ananias Esus chiec.

Timoteo 1 2:8

Tantia. Dadatedi chuinu. Iccuededec cuëdënacno puduedshun Nuquin Papa chuinuec bëdambuequien tabadtiad. Nëish bëdanash chushcananenquio icquimbien podo cadoquin Nuquin Papa chuitiad.

Timoteo 1 1:14

Aden icsambuen naquid icshobini cuidenquio icquin Nuquin Icbo Esusën ubi tantiaquidquio icquin tantiamiac: Abi tantiasho ubi bëdambuen istsiash, queshun Esusquio tantiabenondambi. Adshun matsestsen tantiaquiembi.

Hechos 7:59

Aden dashcute sanshun cuënoten sesiac Estebanën Esus cuënquin naden chuipanëdash: Ubi iued, Icbo, quetanec