Timoteo 2 1:5 - El Nuevo Testamento en matsés

⁵ Naden mibi tantiembi. Tauambuen aton chichi Doidabëtan aton tita Eunisen Esus tantiabenondacpadombuen Timoteontsen nëbi Esus tantiaquiec, quequin mibi tantiembi.

Timoteo 2 1:5 Referans Kwoze

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Hechos 16:1

Adec shubu dadpen icquid Dedbe caid yacno choash tabadquin adombuembidi chuibanuash nidec shubu dadpen icquid Disteda caid yacno Pabadobëd Sidas niduapanëdash. Ambo Esus tantiaquid Timoteo cuëmëdquid icpanëdash. Aidën tita isadaidbo yec Esus tantiaquid icnubi aidën papa isadaidpembo quidieco matses nepanëdash.

Timoteo 1 4:6

Umbi chuiboedtedi Esus tantiaquido chuibanquin mimbi bëdambuen naindac, mado. Madompi icsho pete pemiacbimbuen min matsesën Nuquin Papan Chiaidquio mibi chuibampanëdash. Aidën chiaid tantiaquidquio yanquin umbi chiacpadombuen mimbi chuibanendac.

Timoteo 2 3:15

Ënden bacuëmpi icquimbi Nuquin Papan Chiaidquio min matsesën chuibansho mimbi tantianëdac. Adshun: Aton Mado Esus tantiaquid uënësacsho abëdi Nuquin Papan tabadmendac, quequin mimbi tantiabennëdac. Aden Nuquin Papan bëdambuen isquin cuidenquiocte tantiametembo Nuquin Papan Chiaid nendac.

Doma 15:14

Tantia. Chuinu, cun utsibo. Mibitedi bëdambuec isnanec utsibobëd bëdambuec tabadquido nec, quequin tantiembi. Adembidi: Bëdambuen tantiaquidquio yanash chuinanquidombo nec, quequin tantiembi.

Ebedeo 6:9

Tantia, cun utsibo. Umbi tantiaid icsho mibitedi chuinu. Nuquin Papan cuidenquio ictequido mibi nec, quequin tantiembi. Esuquidistu tantiaquido yec Nuquin Papabëd tabadtequido mibitedi nendac.

Timoteo 2 1:12

Aden chuibenneshobini chieshënquin natiamequin quënën tsadumpondash. Adoaqui dacuëdenquio yec chieshtotiapimbo icquin Esus tantiembi. Umbi tantiaidquio nadatiambocquin nabanquidquio Esus nec. Adquid icquin: Umbi naid chuibanenquio yannushe, queshun abi tantiamequin Esusën ubi chieshtomenquio iquendac. Aidëmbi nidaidën choabi icquin abi chuibanquid chieshtoenquio icquid ubi icmendac, quec dacuëdenquio iquebi.

Codinto 2 6:6

Adquid icnubi icsambuen nainquio iquembi. Nuquin Papan Chiaid tantiaquidquio nebi. Tantiatiapimbo yec utsibo tabadshobi aido bëdambuen isquin adembidi Nuquin Papan Chiaid chuibennec nebi. Adembidi: Nashunquin chiac tantiabentsiash, queshun adquid nashunembi. Nuquin Papan Mayan Bëdan tantiamiaid yec bëdambuec tabadquin ismembi. Muainquio yec utsibobëd tantiananquiec bëdambuec tabadebi.

Doma 8:38

Naden ënenquio icquin tantiembi. Nuquitedi Nuquin Papan ënenquio icquin tantiaido icsho nadquidtedishun cuëshëdmenquio iquec. Uënësmequin cuëshëdmenquio icquinc, uënësabicsho cuëshëdmenquio icquinc, Nuquin Papabëd icquidombi cuëshëdmenquio icquinc, podobitsi icsabon aton chuiquid tapabëtan cuëshëdmenquio icquinc nëbi icquidon cuëshëdmenquio icquinc, iuecash icquidon cuëshëdmenquio icquinc,

Ebedeo 11:13

Aden umbi chuibuedotedi caidacsho Nuquin Papan: Mibi nidaid menendambi, quequin chiampicpaden aid bedambobi uënësbudnepampic. Aidon Nuquin Papan Chiaid tantiaquid icquin uannoshon isacbimbuen isec cuishonquequin tantiaquin naden chuipampic: Nëid nidaidën tabadec quenenenquio iquendabi, quequin tantiapampic.

Doma 14:14

Nuquin Icbo Esus tantiaquidquio icquin: Umbien petemaid nec, quequin tantienquio iquec. Nëbi petemaid nec, caid nibëdec, quequin tantiembi. Ubi adnubi utsibo: Umbi petemaidquio nec, quequin tantiaquin ma penquio icpanuna.

Doma 14:5

Adquidbidi chuinu. Tantia. Esus tantiaquido utsi utsiec: Aid badiadënuidtsëqui Esus tantiec cuëdënac bëdambo ictsiash, quenubien utsi utsiec: Badiadquidën badiadquidënquiec Nuquin Papabëta Esus tantiec cuëdënebi, quecuededpec. Adquid daëd icsho Nuquin Papan: Icsambo iquec, cainquio iquec. Aden matsesën: Naden nac bëdambo ictsiash, queshun Nuquin Papabëta Esus ambi tantiacpadembi tantiac bëdambo ictsiash.

Hechos 26:26

Chuiquid tapa Aquidipan umbi chuibambued: Abimbo caic, quequin tantiec. Aden tantiasho dacuëdenquio icquin aid chiec nebi. Umbi chuibambued ompoenquio icquin utsibon chuisho aidëmbi tantiapanëdash.

Uanën dada uaid 1:47

Adoac choshobien Esusën: Is. Isadaidbombo iquec. Muauadesambo nec, caquien

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.