Timoteo 2 1:12 - El Nuevo Testamento en matsés

¹² Aden chuibenneshobini chieshënquin natiamequin quënën tsadumpondash. Adoaqui dacuëdenquio yec chieshtotiapimbo icquin Esus tantiembi. Umbi tantiaidquio nadatiambocquin nabanquidquio Esus nec. Adquid icquin: Umbi naid chuibanenquio yannushe, queshun abi tantiamequin Esusën ubi chieshtomenquio iquendac. Aidëmbi nidaidën choabi icquin abi chuibanquid chieshtoenquio icquid ubi icmendac, quec dacuëdenquio iquebi.

Timoteo 2 1:12 Referans Kwoze

Timoteo 2 1:8

Adquid nebi, queshun dacuëdenquio icquin Nuquin Icbo Esuquidistun naid chuibanta. Adembidi dacuëdenquio icquin: Quënën tsadunaidi Pabado tantiaquiembi, cata. Utsibon chieshënquin natiamiaqui Nuquin Papan namiacpadec chieshtoenquio icquin Chiaid Bëda Esusën naid chuibanta.

Udas 1:24

Nuquin Papa abentsëcquiobi iquec. Abi tantiasho dayun uaquin nuqui icsamenquio iquendac. Adshumbic: Icsambocquid mibi nec, utsibo quetiapimbo icnuc bëdambocquid icmeshun bëdamboshë yacno abëdi nuqui tabadmendac. Adoac nuqui cuishonquequiendac. Adquid tantiaquin nadonona. Abipadquid utsi nibëdnuc Nuquin Papa abentsëcquiobi iquec. Nuquin Icbo Esuquidistuded cuidshun abi tantiaquido cuidenquio icquid Nuquin Papa nec. Abitedishun Icbombo icquin nadatiambocquin nabanquidquio Nuquin Papa nec. Abitedishun Icbombo icquin abitedimbo namequidquio nec. Aidi ëndenquimboshë yampidi nëbi nibëdantiapimbocquid yec abi iquec. Adquid icsho: Mibi bëdamboshë iquec, canuna ënenquio icquin, Amen. Aidted chuiquin dada uaombi.

Petedo 1 4:19

Nuquin Papan tantiacpaden natiamiac mëyadec Esus tantiaquido ma nadpanuna. Ubi uaquid icquin Nuquin Papan ambi chiampicpadombuen ubi dayun uaquin bëdambuen namec. Aid tantiec bëdambo iquebi, quiash ma bëdambuec tabadpanuna.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Ebedeo 7:25

Adec uënësesambo yec Nuquin Papa yacno ënëdenquio yec tabadquin abi tantiaquido Nuquin Papa yacnobidi tabadmendac. Adquid icquin: Ubi tantiaquido bëdambuen ista, quequin aton Papa chiannequid nec.

Timoteo 1 6:20

Umbi chuibuedtedi tantiaquin bëdambuen chuibanta, mado. Utsi Nuquin Papan Chiaid chienquio yec ambembi chiaid chiec onquesho tantienda. Utsibic: Ubien bëdambuen tantiaquidquio nec, quebuedobi muasho tantienda.

Doma 1:16

Esusën naid Chiaid Bëda nadatiambocquin Nuquin Papan tantiametequid nec, quequin chuibanac: Abimbo caic, quequin tantiaquido Nuquin Papa yacno tabadendac. Adquid icnuc Esusën naid dacuëdenquio icquin chuibennec nebi. Aden abia chuibanac: Abimbo caic, quequin tantiaquido isadaidbo icnuc adembidi tantiaquido matses utsibo icsho Nuquin Papan abëd tabadmendac.

Mateo 24:36

Adashic abi onquec Esus: Aid uëshënquio chouaindac, quetiapimbo matses iquec. Nuquin Papabëd icquido adtiapimbo icuaic. Aton madombo iquequi ubitsen adtiapimbo iquebi. Cun Pa abentsëcshunquiobien ubi chote tantiec.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Timoteo 2 1:18

Epeso yacnoshon aidëmbidi baded badedquien nuqui nashundedniondaid mimbi tantiec. Aden ubi nashunondaid tantiaquin: Nidaidën padpidec choshon Cun Icbon ambi matses cuidte uëshë chonoc: Onesipodo bëdambuen isquin mëyadte yacno nidmenda, Papa, caimbi.

Pidipos 3:21

Choshon aidëmbi nuquin dada icsactsëcquio icbuedi aton dada chuca uacpadombuen nuquin dada chuca uaindac. Abitedishun Icbombo yec nadatiambocquid yec abitedi namequidquio icquin aden nuquin dada chuca uaindac.

Timoteo 2 2:9

Aden Chiaid Bëda Esusën naid chuibennequidquio icsho chieshënquin bedshun cuessunnianquid uidën uacbimbuen shocosh bucu nacnenaidën mëtaniac mëyadebi. ¿Ubi aden uidënuaquin mëtaniacpadenda Nuquin Papan Chiaid uidën uapadic? Padenquio.

Pidipos 3:10

Aden tantiabenshun Esuquidistu tantiate bunquiebi. Nadatiambocquid icquin Nuquin Papan uincuenmiac nadatiambocquidbidi icquin Esusën bëdambuen tabadmetsiashi, quec Esus tantiate bunquiebi. Nuquin Papan chiacpadombuen nasho natiamequin mëyanac Esus uënëspanëdash. Adombuembidi Nuquin Papan namiacpadombuen nasho mëyanquin cuessunniac bëdambo ictsiabi.

Pidipos 3:8

Nëbi Cun Icbombo Esuquidistu tantiec bëdambo iquebi, quequin tantiembi. Aiduidtsëqui tantiate bunquin icsa sandoshon secacbimbuen umbi tantiacpadombuen nabanaidtedi ënondambi.

Codinto 1 3:13

Adshumbic iuecshun matses cuidte uëshëmbi choshon Ambi Chiaid chuibanquido abitedi chuibanmendac. Aid uëshëmbi: ¿Ada bëdambo iqueque? Isnu, queshun ambi nacnenaid pichicaquin tanacbimbuen ambi bëdambuen naidbëta ambi icsambuen naid chuimendac.

Uanën dada uaid 17:15

Aden tantiaquin: Ubi tantiesabobëd ubëd icquido tabadmenda, quequin chienquio icquin: Satanas iuamequin chieshtomenda, quequin chiec nebi, Papa.

Mateo 12:21

Nuquin Papan tantiacpadombuen matses bëdambuen namec, queshun nidaid utsi utsiec yacno tabadquidon matses dadpenshun aid tantiaquin cainendac, quequin Esusën bëdambuen nate Isayasën chuipampic.

Doma 9:33

Naden chuiquin Nuquin Papan Chiaid dada uapampic: Edusaden yacno cuënote dectanendambi. Aid sec matses tocoshquetanec uebudcuededendac. Nëid tantiaquid icsho cuidenquio icquin ubi yacno tabadmendambi, quequin chuiquin dada uamepampic.

Petedo 1 4:16

Esus tantiaquid icsho utsibon chieshënquin natiamiaqui chieshtoenda. Dacuëdec chieshtoenquio icquin: Nuquin Papa bëdamboshë iquec. Esus tantiaquid yec bëdambo iquebi, quequin tantiata.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Ebedeo 2:18

Adec matsesash mëyadquid icpanëdash. Adquid icsho Mayan Icsa Satanasën: Nuquin Papan Chiaid niacmenu, quequin tanaqui niaquesa Esus icpanëdash. Adquid icquin nuquitsen Mayan Icsa Satanasën: Nuquin Papan Chiaid niacmenu, quequin tanac: Ubi nashunquin chieshtomenda, cac Esusën chieshtoenquiocquid nuqui icmendac.

Tesadonica 1 2:16

Adquid icquin isadaidbon: Matses utsi isadaidpembo chuibannu, quesho ubi chuimenquio icpondash. Esus tantiasho Nuquin Papan bëdambuen isquin mibi cuidenquio iquendac, quequin umbi chuisho: Padi. Aid chienda. Cueschitomane, capondashi. Aden ambi icsambuen naid ënenquio icquin Ambi Chiaid niacniacsho Nuquin Papan aido cumapenen cuidquiendac.

Pidipos 1:20

Aid tantiec dacuëdenquio yanshun abi tantiasho Nuquin Papan icsambuen namenquio icquin bëdambuen isec. Umbi naondacpadombuen dacuëdenquio icquin Esusën naid chuibante bunec chieshtotiapimbo iquebi. Ma utsibon: Esuquidistu bëdambo iquec, canu, quiash uënësabi yec chieshtotiapimbo iquebi.

Hechos 21:13

Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Hechos 13:50

Aden chuibansho tantiashumbien: Pabado icsambocquid nec, quequin isadaidbon chuiquidon nidaid Pisidia yacnocquid shubu dadpen icquid Antioquia yacnocquidon chido bëdambocquid yec Nuquin Papa tantiaquidobëta ambocquidon chuiquid tapabo nëishmeshun Pabadobëta Bednabe mëyanmetanquin ashunquio cuenmepanëdash.

Hechos 13:46

Adoaquien dacuëdenquio yec Pabadobëd Bednabe: Mibitedi cun matses icsho Nuquin Papan Chiaid mibitediba chuibannu, quebuedëmbi tantiate bunenquio icsho issun mibitedi chuibanenquio iquembi. Tantiesabo yec Nuquin Papabëd ënëdenquio yec tabadte bunesabidi icnuc isadaidpembo yacno nidshun Esus chuibanembi.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Hechos 7:59

Aden dashcute sanshun cuënoten sesiac Estebanën Esus cuënquin naden chuipanëdash: Ubi iued, Icbo, quetanec

Uanën dada uaid 6:44

Ubi Chomequidën tantiamiabi icquin mimbi ubi tantiatiapimbo iquec. Cun Papan tantiamiaid icquimbien mimbi ubi tantiatsiandac. Adquid icnuc Nuquin Papan uënësaido uincuenmete uëshëmbi ubi tantiaquid icsho mibi uincuenmendambi.

Ducas 23:46

Adnubien cumapenec cuëdec: Papa, cun mayan bedquin mibi yacno ubi iuedta, quetanequi Esus uënëspanëdash.

Tesadonica 1 5:4

¿Esus chonoda mibi dacuëdpe? ¿Esus tantiesaboda mibi nedi? Esus tantiaquidoen mibitedi nec. Adquido yec: Nëbien Esus chochitec, quec bëdambuec tabadnubi ampe choacbimbuec Esus chonoc mibitedi dacuëdenquio iquendac.

Ducas 10:12

Aden chiashic Esus: Ambi icsambuen naidbëtabi ambi bëdambuen naid chuibanquin cuidte uëshëmbi Sodoma yacnocquido bëdiactsëc cuidampid icnubi mibi iuedesa Nuquin Papan cumapenquien cuidendac, quequin Esusën chuipanëdash.

Mateo 7:22

Nuquin Papan matses abitedi cuidte uëshën matses dadpenshun ubi chuiquin: Icbo, Icbo, Cun Icbo mibi nec. Mibi caquin: Aidën namiaidquio nebi, quequin dadpen naombi. Nuquin Papan Chiaid chuiquinc, podobitsi icsabo matses dapuduedaido cuenmequinc dadpen nadatiambocquin naquinc caombique. Ubi puduedme, Icbo,

Codinto 1 1:8

Aden tantiamiac bëdambuec tabadsho utsibon: Icsambuec tabadquido nec, catiapimbo iquec. Adquid icsho Nuquin Papan Nuquin Icbo Esuquidistu chouacnobi cuëscaquin mibitedi chieshtoenquiocquid icmendac.

Timoteo 2 1:14

Nuquin Papan Mayan Bëda nuquibëd iqueque. Aidën tantiamiac umbi chiondacpadombuen Nuquin Papan Chiaidquio chuiquin Esusën naid chuibanta, mado.

Timoteo 2 1:16

Onesipodo caidëmbien ubi bëdambuen ispondash. Abëd icquidobëtan ubi quënën tsadunacsho issumbi dacuëdenquio icquin isuan isuanquin bëdambo icmioshi. Adsho issun: Aton shubun icquidobëta aid bëdambuen ista, Papa, quequin Nuquin Papa chiannembi.

Tito 3:8

Umbi: Aden chuita, quequin chiaidtedi abimbo chiaid nec, Tito. Aid tantiaquin ënenquio icquin chuibanta. Nuquin Papa tantiaquido yec ma bëdambuen nabanec tabadnu, quequin umbi chiacpadombuen Nuquin Papa tantiaquidtedishun nac bëdambo ictsiash, queshun chuibanta.