Timoteo 1 5:25 - El Nuevo Testamento en matsés

²⁵ Utsimbien bëdambuen nabanquin ismiac: Bëdambo icquid nec, badedi catsiash aton matsesën. Utsimbic ismenquio icquin bëdambuen nabansho: Bëdambo icquid nec, quequin badedquio tantienquio icquimbi iuecshun chuisho adembidi tantiatsiash. Ubi adsho tantiashun: Nuquin Papan Chiaid chuibanquid icta, badedquio cainda.

Timoteo 1 5:25 Referans Kwoze

Ducas 11:33

Aden chuishumbic Esusën naden chuipanëdash: Tabote taboshon ompoesa nec. Adembidi matsun bëtashesambo icbo nec. Ma umbi iuedaidon isnu, queshun tabote taboshon nënantanquio abuc dectanquid.

Timoteo 1 3:7

Adembidi chuibanquid icmenuen Esus tantiesabon: Bëdambocquid nec, casho tantiata. Icsambocquid nec, caid chuibanquid icmenda. Adquid icmiac icsambuen nasho Esus tantiesabon mamënshuntsiash. Adquid Mayan Icsa Satanasën badedi icsametsiashe. Icsambo icquid nec, caid: Esus chuibanquid icta, cainda.

Hechos 22:12

Ambobi dada Ananias cuëmëdquid icpanëdash. Aidi: Nuquin Papan: Naden nata, quequin Moises chuiquin dada uamiampid tantiaquin naquidquio icsho ambocquido isadaidbon bëdambuen isaidquio icpanëdash.

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 9:36

Adnubien Dida caid udictsëc shubu dadpen icquid Ope caid yacnocquid Esus tantiaquid chido Tabita cuënshumbic quidiecon onqueten Dodcas cain cuënaid icpanëdash. Aidëmbi atona nibëdquido nashundednequimbi pete nibëdquido menedednepanëdash.

Mateo 5:16

Adacbimbuec ubi tantiesabobëd tabadquin: Ma Nuquin Papa abuc tabadquid tantianu, quequin aido ismec Nuquin Papan chiacpaden nabanec bëdambuec tabadta. Nuquin Papa bëdambo iquec, ma utsibotsen quenu, quiash adta, quequin Esusën chuipanëdash.

Pidipos 1:11

Adec mibitedi Esuquidistu tantiec bëdambuec tabadsho isash: Bëdambocquido nec, quetsiash utsibo. Adash: Aido bëdambuec tabadmequid yec Nuquin Papa bëdamboshëcquid nec, quendac, quequin mibitedi tantiaquin Nuquin Papa chiannembi.

Esusën Uan ismiaid 14:13

Adnubi abucuësh onquequin naden chuiuaposhi: Naden chuiquin dada uata. Chieshtoenquio icquin aton Icbo Esus tantiaquido icsho uënësuac bëdambo iquendac, quequin chuiposhi. Adsho tantiashien Nuquin Papan Mayantsen: Ai, abimbo caic. Aido uënësash bëdamboshë yacno tabadec shubitiapimbo iquendac. Natiamiantequid nibëdec, utsibon chieshënte nibëdec, quiacnombo tabadmequin: Mimbi bëdambuen naoc, caindac Nuquin Papan bëdamboshë icmequin, quequin chuiposhi.