Timoteo 1 5:21 - El Nuevo Testamento en matsés

²¹ Esuquidistubëtan Nuquin Papan nuqui isec. Adembidi Nuquin Papabëd icquidon nuqui iseque. Umbi chuibocpadombuen nata. Min matsesën mimbi tantiaidënquiobi Nuquin Papan Chiaid niacacsho adembidi: Mimbi icsambuen naique. Padi, cata. Shubu utsin icquidon Nuquin Papan Chiaid niacacsho adembidi: Cun matses umbi tantiaidquio neque. Chienquio iquembi, cainda.

Timoteo 1 5:21 Referans Kwoze

Petedo 2 2:4

Ëndenquimboshë nidaid uabi icnuc Nuquin Papabëd icquidon utsin utsinquien: Umbiquien abitedi namenu, quequin abi dëniacte bunsho issun Nuquin Papan inchëshquio yacno nidmeshun uidënuaquin bëtashpampic. Iuecshun abitedi cuidte uëshën chian annëdënquiacno nësecanumbi nabono, queshun adopampic.

Timoteo 2 4:1

Nuquin Papabëtan Esuquidistun mibi iseque. Bëdambuen chuibanta. Esusën padpidec choshon abitedishun Icbombo icquin uënësabi icquidobëta uënësaido uincuenmeshun cuidnumbi chiendac. Nëid ubi tantiaquid ubëdi tabadmembi. Nëid ubi tantiesa cuidembi, quequin chiendac.

Timoteo 1 6:13

Tiboquequidtedi uaquidënquio Nuquin Papan nuqui iseque. Adembidi: Adquid nebi, quequin chuiquid tapa Ponsio Pidato chiec dacuëdenquio icnëdaidën Nuquin Icbo Esuquidistuntsen nuqui iseque. Aid tantiaquin chieshtoenquio icquin Aidën naidquio chuibanta.

Udas 1:6

Adecbidi Nuquin Papabëd icquidobi Aidën Chiaid niac niacte buncuenash Nuquin Papabëd icte bunenquio yampampic. Adsho issun aidotedi puduentiapimbo yec inchëshquioshë yacno nidmequin Nuquin Papan bëtashpampic. Mibitedi icsamboshë iquec, queshun abitedi cuidte uëshën cuidquionombi adopampic.

Timoteo 2 2:14

Umbi dada uaquin chuibued mibëd icquido naden chuibanta, mado. Nuquin Icbon isnubi Esusquio chienquio yec ambembi chiaid chiec mibi chushcananeque. Adenda. Adec chushcanansho tantiashun matsesën icsambuen tantieque. Padi, cata, mado.

Codinto 2 5:16

Aden Esus tantiabenash tantiesabo onquiacpadec onquenquio nuqui iquec. Ënden Esus caic: Matsesi nec, quequin icsambuen chiec onquiondaidi nëbi: Nuquin Papan Madombo nec, quequin nuqui tantiec.

Mateo 25:41

Adoshombic Abitedishun Icbombo icquin ubi tantiesabo yec cun copioc tabadquidotsen naden chiendambi: Nuquin Papan cuidtequido icquin mibi icsaid ënte bunenquio icbuedo mibitedi neque. Nuquin Papan Mayan Icsa Satanasbëta podobitsi icsabo cuidacno ënëdenquio yec chian annëdënquiacno nid, caindambi.

Esusën Uan ismiaid 14:10

Adquido yec icsamboshë icquidën iuabo icsho aton icbobëtabi Nuquin Papan nëishënquioshon chian annëdënquequid asupede icsambo nuadacno nësecaquin cuidquiendac. Obecabimbuecquidbëtan abëd icquid bëdamboshëcquidon isnubi Nuquin Papan aden cuidquiendac.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.

Tesadonica 1 5:27

Nuquin Icbon tantiamiacpaden chuiquin dada uaombique. Umbi dada uabued isec onquequin ambocquido Esus tantiaquidotedi chuibanta.

Ducas 20:21

Adec nidshun: Esus icsambuen chuimetan, caido abentsëcshun: Mimbi tantiamequin chuibanaid bëdambo iquec, quequin tantiembi. Aid chuiquid tapa neque. Abimbo chienquio iquembi, quenquio icquin abitedi Nuquin Papan Chiaid abimbo chuibanquin Nuquin Papa tantiabente mimbi chiec.

Mateo 28:20

Mimbi mentoaido: Nuquin Icbon chiacpadec bëdambuec tabadnuna, quequin umbi chuibuedtedi tantiaquin chuibanta. Mimbi adosho isash nidaid abitedi nibëdanmiambo icnuc mibitedi nianenquio yec mibëd iquendabi, quepondash Esus.

Mateo 16:27

Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

Ducas 9:26

Esus tantiaquin aidën chiaid tantiaquid nebi, quebuedi utsibo dacuëdënquin umbi chiaidbëta ubi tantiaquin chuitiapimbocquid iquendac. Adquid icsho issun adembidi Matsesën Tishaid icshobi Nuquin Papa nadatiambocquidquio icquin abitedishun Icbombo icmiac Nuquin Papabëd icquid bëdambocquidobëd choshon umbitsen: Ubi tantiaquid nec, cauatiapimbo iquendabi.