Timoteo 1 4:8 - El Nuevo Testamento en matsés

⁸ Aton dada uidënquio icmenuec titinquetannequid matses nec. Adacbimbuec Esus tantiaquido uidënquio yec bëdambo icnuec ¿mitsipadquio icpec? Nuquin Papa tantiaquiec Ambi Chiaid niaquenquio yec bëdambuec tabadquid nec. Adquid uënësash Nuquin Papa yacno abuc nidash bëdamboshë icquid iquendac.

Timoteo 1 4:8 Referans Kwoze

Mateo 6:33

Adembidi: Nuquin Papan namiacno tabadtequid nebi, quequin tantiaquin aidën chiacpaden naic tabadta. Aden abi tantiaquid icquin abi chuisho mibi bedmendac.

Timoteo 1 6:6

Nuquien Nuquin Papa tantiec bëdambuec tabadquido yec nuquina daëdpactsëc icnubi bëdambo iquendac. Dadpen bedacbimbuec nuqui bëdambo iquendac.

Uan 1 2:25

Adquid icsho Esuquidistun: Ubëd abuc ënëdenquio yec tabadte iquendac, quequin chiondacpadec nuqui tabadendac.

Madcos 10:30

Nuquin Papan aidën nianaidtedi daëd uaquin 100 ted udictsëc dadpenquioshë menendac. Aton shubu yec aton utsibo yec aton chibi chedo yec aton tita yec aton bacuëbo yec aton tied yec quenuc dadpen menendac. Adquid icnubi mibi chieshënquidbidi icuaindac. Iuecash ënëdenquio yec Nuquin Papa yacno mibi tabadendac, quepanëdash.

Ebedeo 13:9

Esusën naidquio chuinu, quequidën utsi chiec muaquin chuibansho tantienda. Padnuen mibi bëdambuen isquin nashunquid: Nuquin Papa tantiaquidquio ma yannu, quequin mibi chuibanquidën chuibanacpadombuen nabanta. Utsibic: Nëid petemaid nec. Nëid petequid nec, quequin tantiaquin naquid yec Nuquin Papa tantiaquidquio yanenquio mibi ictsiac.

Esusën Uan ismiaid 3:21

Mayan Icsa Satanasën: Icsamenu, caqui chieshtoenquio icquin ubi tantiaquid icsho ubëd tabadmequin ubëtambi chuiquid icmequin ubëdi chuiquid tapan tsadte dapan tsadmendambi. Adoacbimbuec chieshtoenquio icquin Cun Pan chiaidtedi naquin nainash aidbëdi tabadquin aidbëtambi abitedishun icbombo nebi.

Tito 3:8

Umbi: Aden chuita, quequin chiaidtedi abimbo chiaid nec, Tito. Aid tantiaquin ënenquio icquin chuibanta. Nuquin Papa tantiaquido yec ma bëdambuen nabanec tabadnu, quequin umbi chiacpadombuen Nuquin Papa tantiaquidtedishun nac bëdambo ictsiash, queshun chuibanta.

Esusën Uan ismiaid 3:12

Mayan Icsa Satanasën: Icsamenu, caqui chieshtoenquio icquin ubi tantiasho ubëdi tabadmendambi. Aden chieshtoenquio icquin ubi tantiaquido utsibo abitedi Nuquin Papa tabadte shubu dapa yacno iuedendambi. Buintad nitsinaid chiquidtiapimbo yacbimbuecnuc cun shubun icquido mibi icmendambi auëshquio cuentiapimbo icnuc. Adoshon mibitedi: Cuna nec, quequin Nuquin Papan cuëmëdquid min dadan dada uaindambi. Adembidi Nuquin Papa yacnouësh abucuësh budtequid shubu dadpen icquid Edusaden chuca caid yacno tabadtequidombo nec, quequin min dadan aid cuëmëdquid dada uaindambi. Ubi cuëmëdquid chuca adembidi min dadan dada uaindambi.

Codinto 1 8:8

Tantia. Abimbo chuinu. Adquid pesho Nuquin Papan ubi bëdambuen isec. Utsi pesho ubi bëdambuen istiapimbo iquec, quequin abimbo chiaidpenquio nec, quequin nuqui tantiec.

Doma 8:28

Nuqui naden tantiec. Ambi tantiampicpadombuen abi tantiaquido bëdambo icmete bunquin Nuquin Papan bëdambuen nashunec. Aido ambi tantiampicpadombuen tantiamebenquin: Nuquibi icnuc cho, caquin cuënaido nec.

Codinto 1 3:22

Ubi yec Apodo yec Petedo yec abubëd nidaid yec uënësambo icquido yec uënësmiantequid yec nëbi tabadtequido yec iuecash tabadtequido yec quec mitsana abitedi nec.

Mateo 19:29

Utsibontsen ubi tantiaquiendac. Aden tantiaquin aton shubu nianquinc abëta tishaid aton utsibo nianquinc aton tita nianquinc aton papa nianquinc aton bacuëbo nianquinc aton tied nianquinc cain ubi tantiaquin umbi chiacpadombuen naquid iquendac. Adoquid icsho ambi nianaidtedi dëniacquin dadpenquioshë Nuquin Papan icmeshunendac. Adembidi abëdi ënëdenquio yec tabadtequid icmendac.

Mateo 12:32

Ubi Matsesën Tishaid icshobi chieshënquin icsambuen chuishunquidëmbi ënsho isash aidën icsambuen naid tantienquio yec Nuquin Papa bëshunendac. Padnuen Aton Mayan Bëdan namesho issumbi: Icsambo iquec, quequin icsambuen tantiaquin chuishunsho issun aidën icsambuen naid tantiec Nuquin Papa bëshuntiapimbo iquendac. Nëbi bëshunenquio icashic adecbidi iuecash bëshuntiapimbo iquendac, quequin Esusën chuipondash.

Timoteo 1 4:7

Cun tsusedpabon ambembi chiampidbëta nëbi matsesën adembidi ambembi chiaid tantienda. Nuquin Papan Chiaidquio niaquenquio yec bëdambuec tabadte bunquiota.

Timoteo 1 6:3

Nuquin Icbo Esuquidistun Chiaidquio chienquio yec tantienquiocquid nec, quequimbi ambembi tantiaquin chuibanquid icsambo iquec.

Timoteo 1 6:5

Pabiate shëcuë nibëdacbimbuen Nuquin Papan Chiaidquio bëdambuen tantienquio yec chushcananendac. Nuquin Papan Chiaid chuibanquidën piucquid dadpen bedte danec chuibanquidbidi ictiadquio iquendac.

Timoteo 2 3:5

Nëidic: Nuquin Papa tantiaquid nebi, quec muaquin aidën chiaid niac niacquido. Adquidtedi: Icsambuen naic tabadquido neque. Adquidobëd onquec tabadenda, caimbi.

Ducas 5:38

Adnushe, queshun: Nëbi uba chinaid chuca nëish bitsi nacnenaid chucanquio cushtoec.