Timoteo 1 4:12 - El Nuevo Testamento en matsés

¹² Mibi cania neque. Bëdambuec tabadta, mado. Ënden caniaidon: Caniampi icquin Nuquin Papan Chiaid mimbi tantienquio iquec, canushe. Bëdambuec tabadta. Esus tantiaquido utsibotsen ma ubi yacpadec bëdambuec tabadnu, quiash adta. Bëdambuec onquequinc matses tantiaquinc Esus tantiaquinc Nuquin Papan Chiaid niaquenquio icquinc caic bëdambuec tabadta.

Timoteo 1 4:12 Referans Kwoze

Tito 2:7

Bëdambuec tabadquin tantiamequin ismenu, quiash bëdambuec tabadta. Adembidi icsainquio yec bëdambuec tabadquin ismeta. Adembidi mamënshunmenquio icquin bëdambuen chuiquin tantiameta.

Timoteo 2 2:22

Caniabon abi bunacpadombuen icsambuen naquid tanenda, mado. Adenquio yec bëdambuec tabadte bunquiota. Adec tabadquin matses ambi icsambuen naid ënmenuen abimbo chuita. Chieshtoenquio icquin Esus tantiata. Utsibobëd tantiananec bëdambuec tabadta. Nuquin Icbo Esus bëdambocquid nec, quequin tantiaquidobëtan Esus tantiata.

Timoteo 2 2:15

Mimbi bëdambuen naoc, Nuquin Papa camenuen bëdambuen nata dacuëdenquio icquin. Umbi naid ma Nuquin Papan isnu, queshun adota. Ambi chiaid bëdambuen isban isbanshun chieshtoenquio icquin Nuquin Papan Chiaidquio chuibanta, mado.

Petedo 1 5:3

Adoaid icquin mimbi chuibanaido chushcainda. Aidon icbopenquio mibitedi neque. Adenquio yec: Ubi yacpadec ma tabadnu, quequin aido ismec bëdambuec tabadta.

Codinto 1 11:1

Esuquidistun tantiamiacpaden nabanec tabadquid nebi. Adecbidi mibitedi umbi nabanaid tantiaquin nabanec tabadta.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.

Tito 2:15

Umbi chuibuedtedi chuibanquin tantiameta. Mimbia tantiaquid icquin: Umbi chiacpadombuen nabanec tabadtedneta, quequin Quedetabo chuibanuata. Mimbi chiacpadombuen nainquiocsho issun: Aden naic tabadenda, quequin chuibanuata. Adec bëdambuec tabadquin bëdambuen chuibansho issun utsibon mibi icsambuen chuishuntiapimbo iquendac.

Mateo 18:10

Adashic padpidec: Nadquid bacuëmpin ubi tantiactsëcsho issun: ¿Adtsëcquidëmpinquioda bëdambuen tantiapaid? cainda. Nuquin Papabëd icquidon aid bacuëbo dayun uaquid icquin Nuquin Papa yacno puduedshun mimbi mamënshumbued tantiaquin Nuquin Papa ënenquio icquin bëisquin chiendac. Adtsëcquidëmpi mamënshunenda.

Timoteo 2 2:7

Aden umbi chuibuedtedi tantiata. Adsho aidtedi Nuquin Icbon mibi bëdambuen tantiamendac.

Santiaco 3:13

Mibitedi utsi utsiec: Bëdambuen tantiaquidquio nebi, quequid icquin: Ubiuidtsëqui bëdambuen tantiaquidquio nebi, quenquio icquin ma bëdambuen naic tabadquin utsibo ismepanuna.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.

Pidipos 4:8

Tantia, cun utsibo. Nëidtsen mibitedi chuinu. Abimbo chiaid tantiata. Matses abitedi bëdambuen isnuna, quequin chiaid tantiata. Icsaisambo icquid yec bëdambo icmianquid tantiata. Icsambuen chuishunenquio yaid tantiata. Aden bëdambuen nateuidquio tantiec tabadta. Aidtedi tantiec cuishonquec tabadta, quequin chiaidtedi tantiata.

Tesadonica 1 2:10

Esus tantiaquido icquin mibitedishun isnubi Nuquin Papan Chiaid niaquenquio yec bëdambuec tabadondabi. Utsibo: Pabado chedo icsambuec tabadquido nec, quetiapimbo icnuc bëdambuec tabadondabi. Adshobini mimbi ispondac. Adembidi Nuquin Papantsen ispanëdashi.

Timoteo 1 1:14

Aden icsambuen naquid icshobini cuidenquio icquin Nuquin Icbo Esusën ubi tantiaquidquio icquin tantiamiac: Abi tantiasho ubi bëdambuen istsiash, queshun Esusquio tantiabenondambi. Adshun matsestsen tantiaquiembi.