Timoteo 1 3:4 - El Nuevo Testamento en matsés

⁴ Adquidën aton chidobëta aton bacuëbo chieshmenquiocquin bëdambuen namequid nendac.

Timoteo 1 3:4 Referans Kwoze

Tito 1:6

Mimbi Esuquidistu tantiaquid utsibo isbanquin bëdambuen tabadmequin chuibanquid icta, caid nadquio icquid, quequin chuita, Tito. Bëdambuec tabadquin ismequid icta. Adecbidi chido abentsëc inquid icta. Min bacuëbobëdi Esuquidistu tantiaquido icta. Adquidën bacuëbo bëdambuec tabadquin aton papan chiaidbëta aton titan chiaid niaquenquio icquin bëdambuen nabanquid, quequin chuita.

Timoteo 1 3:12

Esus tantiaquido nashunquid chido abentsëc inquid nendac. Adquidën aton chidobëta aton bacuëbo chieshmenquiocquin bëdambuen namequid nendac.

Tito 2:2

Tsësiobo naden chuibanta: Mimbi icsambuen nate bunaid nainquio yec tabadta. Mibi bëdambocquid nec, utsibo camenuec bëdambuec tabadta. Aden naquin icsambuen natsiambi. Naden naic bëdambocquid yantsiabi, queshun bëdambuen nata. Adembidi Nuquin Papabëta Esus tantiaquiota. Adecbidi utsibobëd tantiananec tabadquin natiamiantequid icnubi chieshtoenquiocquin Esus tantiaquiota, quequin chuibanta, Tito.

Hechos 10:2

Aidi aton shubun icquidobëd Nuquin Papa tantiaquid icquin isadaidbo atona nibëdquid icsho issun meniannequid nepanëdash. Adecbidi Nuquin Papa chiec onquiannequidquio nepanëdash.

Tito 2:7

Bëdambuec tabadquin tantiamequin ismenu, quiash bëdambuec tabadta. Adembidi icsainquio yec bëdambuec tabadquin ismeta. Adembidi mamënshunmenquio icquin bëdambuen chuiquin tantiameta.

Pidipos 4:8

Tantia, cun utsibo. Nëidtsen mibitedi chuinu. Abimbo chiaid tantiata. Matses abitedi bëdambuen isnuna, quequin chiaid tantiata. Icsaisambo icquid yec bëdambo icmianquid tantiata. Icsambuen chuishunenquio yaid tantiata. Aden bëdambuen nateuidquio tantiec tabadta. Aidtedi tantiec cuishonquec tabadta, quequin chiaidtedi tantiata.

Epeso 5:24

Esuquidistun chiacpadombuen nabanquido abi tantiaquido nec. Adombuembidi aton bënën chiacpaden nabanquid aton chido neuaic.