Timoteo 1 3:11 - El Nuevo Testamento en matsés

¹¹ Adquidën chido: Bëdambocquid nec, utsibon caidquio nendac. Utsin icsambuen naiduidi chienquio yec bëdambuec tabadquid nendac. Muainquiocquid nendac. Adquidquio Esus tantiaquido nashunquidën chido bëdambo ictsiash.

Timoteo 1 3:11 Referans Kwoze

Tito 2:3

Adembidi Esuquidistu tantiaquid machobo tantiamequin naden chuibanta. Nuquin Papan bëdambocquid icmiaid nebi, quec bëdambuec tabadta. Adembidi utsin icsambuen naiduidi chiannequid iquenda. Adembidi acte paë uaid tantiadennuen acquid iquenda. Bëdambuen nabanec tabadquin buntacbo ismeta, quequin machobo chuibanta, Tito.

Tito 3:2

Adembidi: Utsi icsambuen chuishunec onquenda. Adecbidi: Utsibobëd tantiananec bëdambuec tabadec menenanta. Adembidi: Umbi tantiacpadombuenuidi nata, quenquio icquin utsibon chiaidtsen tantiaquin nabanta, quequin chuibanta.

Timoteo 1 3:2

Adshumbic: Nuquin Papan Chiaid chuibanquid nadquid nec, quequin chuita. Icsambuen nainquio yec bëdambuec tabadquid nec, utsibon caidquio Nuquin Papan Chiaid chuibanquid nendac. Adquid chido abentsëc inquid nendac. Ambi icsambuen nate bunaid ënash bëdambuec tabadquid nendac. Bëdambuen tantiaquidquio yec bëdambuec tabadquid nec, utsibon caidquio nendac. Isedanquido bëdambuen isquin iuedshun aton shubun ushmequid nendac. Nuquin Papan Chiaid bëdambuen tantiamequin chuibanquid nendac.

Petedo 1 5:8

Mibi icsate bunacpadec icsainquio icquin isucunacbimbuen Esusquio tantiata. Aid tantiaquido icsho Mayan Icsa Satanasën mibi icsamete bunquin bëdin nëish penuen nibëmbenniacbimbuen ambi icsambuen nametequid ënenquio icquin nibëmbenneque.

Timoteo 2 3:3

Nëidic utsibo natiambo icmequido. Nëidic cuesnante bunquido matses tantiesabo. Nëidic utsibon icsambuen naid chuiquido. Nëidic ambi icsambuen nate bunaid ëntiapimbo icquido. Nëidic abembi chieshëmënquido. Nëidic utsibo abembi natiamequido. Nëidic bëdambocquid chieshënquido.

Timoteo 2 4:5

Aidën nacpadombuen nainda. Nuquin Papan Chiaidquio bëdambuen tantiaquid yec bëdambuec tabadta. Adsho utsibon natiamequin chieshënaqui chieshtoenquio icquin Esusquio tantiata, mado. Adembidi Nuquin Papan Chiaid Bëda Esusën naid Esus tantiesabo chuibanta. Esus chuibanquidën nadoquid, caidtedi nabanta, mado.

Timoteo 1 6:2

Iua utsitsen chuiquin: Mibi iuaquid Esus tantiaquidbidi icsho: Ubipadquid icnuc aidën chiacpadombuen natiapimbo iquebi, cainda. Ubipadquid umbi tantiaid cun buchi caid neque. Aidën chiacpadombuen nanu, quequin mibi iuaquid tantiaquin bëdambuen nashunta, quequin iuabo chuita.

Timoteo 1 1:12

Tantia, mado. Mibi chuinu. Nuquin Icbo Esuquidistun: Ubi bëdambuen chuibantsiash, queshun: Ubi chuibennequid icta, Pabado, cashun ubi bëdambuen namec. Adoaid icquin: Ubi namequid yec mibi bëdamboshë iquec, Icbo, quequin Nuquin Icbo Esus chiannembi.

Uanën dada uaid 6:70

Adoaquien Esus: Ai, mibitedi: Nuquibi icnu. Cho, cabampondambi. Umbi adondaid icnubi abentsëc Mayan Icsa Satanasën namiaidquio yec icsamboshëcquid iquec, quepondash.

Mateo 4:1

Aden Uanën acten mentobocshobien Nuquin Papan Mayanën shubu nibëdacno Esus buampanëdash. Ma Mayan Icsa Satanasën Nuquin Papan Chiaid niacmequin tannu, queshun ambo Esus buampanëdash.

Doma 1:29

Aido nadquido nec. Nëidic utsi icsambuen nambo icquidobi muaquin cuidmequido. Nëidic icsambuecshë tabadquido. Nëidic aton chidopenquio chudquido. Nëidic aton bënëpenquio chudmequido. Nëidic dada aton dada utsibëdi chichudnanquido. Nëidic chido aton chido utsibëdi dachudnanquido. Nëidic dadpen bunquin bedquido. Nëidic chieshëmënquido. Nëidic utsina isash natiambo bunec chieshëmënquido. Nëidic cuessunnianquido. Nëidic chushcananquido. Nëidic muaquido. Nëidic icsamboshë icquido. Nëidic utsibo icsaiduidi chuiquido.