Biblia Todo Logo
Bib sou entènèt

- Piblisite -




Timoteo 1 1:5 - El Nuevo Testamento en matsés

5 Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Gade chapit la Kopi




Timoteo 1 1:5
43 Referans Kwoze  

Adquid icquin Nuquin Papan Chiaid niaquenquio icquin Esus tantiaquiec bëdambuec tabadta. Utsiboen cano cuëshnudtannuc ampaëdacbimbuec: Adec icsambuec tabadtsiabi, quebuedëmbi Nuquin Papan Chiaid niac niacquin Esus tantienquio yanosh.


Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.


Caniabon abi bunacpadombuen icsambuen naquid tanenda, mado. Adenquio yec bëdambuec tabadte bunquiota. Adec tabadquin matses ambi icsambuen naid ënmenuen abimbo chuita. Chieshtoenquio icquin Esus tantiata. Utsibobëd tantiananec bëdambuec tabadta. Nuquin Icbo Esus bëdambocquid nec, quequin tantiaquidobëtan Esus tantiata.


Naden mibi tantiembi. Tauambuen aton chichi Doidabëtan aton tita Eunisen Esus tantiabenondacpadombuen Timoteontsen nëbi Esus tantiaquiec, quequin mibi tantiembi.


Cun tsusedpabon nampicpadombuen Nuquin Papa tantiaquin aidën chiacpadombuen naquid nebi. Adquid icquin Nuquin Papa ënenquiocquin badiadquidën badiadquidënquien mibi tantiaquin naden chiannembi: Mibi tantiaquid Timoteo bëdambo icmec mibi bëdamboshë iquec, Papa, quequin chiannembi.


Aid acte cubudnëdaid tantiaquin acten mentomete nec, quequin nuqui tantiec. Nëbi nuqui bëdambuen isquin mënchicaido icquin acten mentomec. ¿Nuquin dadan icquid bëchish ucquinda nuqui acten mentomedi? Padenquio. Nuquitedi acten mentomec Nuquin Papa naden chuiquin: Umbi icsambuen nabanaidtedi bëchish ucacbimbuen mibi tantiembique. Ubi bëdambuen ista, quequin acten mentomec. Aden abi tantiasho Nuquin Papan uincuenmenëdaid icquin Esuquidistun nuqui cuidmenquio iquec.


Aden chuibanquid yec: Ubiuidtsëqui bëdambo iquebi, quenquio icquin bëdambuen isquin chuibanta. Aden icsambuen naid ënash bëdambuen nabanec mibitedi tabadsho isash chieshëmënquid nadtsiash: Esus tantiec bëdambuec tabadquidobi icsambuen chuiquin muauachitombi, quec dacuëdendac.


Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.


Aden Nuquin Papabëta Esus tantiaquido yec tantiananec nashunnanquionona. Adec nashunnanec tabadquin nuquin shubun icquido tantiaquiacbimbuen matses abitedi tantianuna.


Ënden Nuquin Papan: Naden nata, quequin chiacpadombuen matsesën nasho bëdambuen isembi, quedennedëmbi nëbi Esuquidistu tantiasho Nuquin Papan ambi chiampicpadombuen matses icsaisabimbuecnuc bëdambuen isendac.


Bëdambuen tantiaquid yec bëdambuec tabadquin nabanquid nendac. Icsambuen tantiaquidien bëdambuen nate tantienquio icquin Nuquin Papa tantiesabo nendac. Icsambo iquec, quenquio icquin icsambuenuidi nate bunquin aiduidi tantiaquid nendac.


Nuquin Papan Chiaid tantiaquin ënenquio icquin Esus tantiec bëdambuec tabadquid nendac.


Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.


Nëbi mibëtan Esus tantiaquid utsibobëd tantiananquiota. Adec mibëd tantiananquidën mibi icsambuen nashunsho isash adecbidi tantiananquiec aidën icsambuen naid tantienquio yec bëshunendac.


Nuquin Papan dayunquio tsadacbimbuecquid icta. Adsho isash Nuquin Papa mibëd iquendac. Min mëdanten icquid bëchish ucacbimbuen icsambuen naid ënta. Nuquin Papa tantiaquid nebi, queshumbi Nuquin Papa tantiesan nacpadombuen nainquio icquin Nuquin Papan chiacpadombuen nabanquid icta.


Adoaquien isadaidbon chuiquid tapabo iccuededsho isquin naden Pabadon chuipanëdash: Cun utsibo, umbi naid chuibannu. Tantiata. Nuquin Papan isquin tantianubi ambi: Naden nata, quequin chiaid nabanquidquio nebi, quepanëdash.


Adquid yantequid nebi, quequin caimbudec Esuquidistu icsambuen nainquio yec tabadondacpadquiec nuqui icsambuen nainquio yec tabadendac.


Adquid icnuc bëchish nibëdquiecnuc acten dapanacbimbuen nuqui icsambuen naid nibëdacbimbuecnuc Nuquin Papan nuqui bëdambuen isec. Adoac: Nuquin Papa tantiaquidquio nuqui nec. Adecbidi: Nuquin Papan ambi tantiacpadombuen naindac, quequin tantiaquidquio nuqui nec. Adquid yec Nuquin Papa chiannequid nuqui nendac.


Matses utsi utsiec onquiacpadquiec onquequid nebi. Adecbidi Nuquin Papabëd icquido onquiacpadquiec onquequid nebi. Adec onquequid nebi, quebuedi utsibobëd tantiananec tabadesa yec tsentsencate icsactsëcquio cuëdmiacbimbuecquid ictsiabi.


Nëbi aido bëdambuen tantiaquin ambi petemaid pemenda. Ambi petemaid pemequin mimbi aido bëdambuen tantienquio iquec. Mibitedishun ambi petemaid pemiac mibëtan Esus tantiaquid icbuedi tantiesa yanacsho cuidnushe, queshun tantiaquiota. Ambi petemaid pemenda. Nëid petemaid nec, quequidotsen tantiaquin cuidmenquio icnuec abided cuidadec Esus uënësac caondashe. Aido bëdambuen tantiata.


Cun matses isadaidbo tantiaquid Nuquin Papa nec. Aden abi tantiaquid cun matsesën bëdambuen tantienquio iquec, quiash uënësquio yec shubitiadquio iquebi. Muainquio iquebi. Esuquidistu tantiaquid icsho Nuquin Papan Mayan Bëdan tantiamiaid icquin abimbo chiec nebi.


Aden tantiaquin Nuquin Papan: Bëdambuen mimbi naic, ma ubi canu, queshun bëdambuen nabanec tabadebi. Adembidi matsestedishun: Bëdambuen mimbi naic, ma ubi canu, queshun adombuembidi bëdambuen nabanec tabadebi.


Matses utsibo nec, quenquio icquin aidotsen Esus tantiamequin bëdambuen tantiamequiopondash.


Padnuen bëdambuen tantiaquidën ambi tantiacpadombuen utsi bëdambuen tantiaquin nabanendac. Adecbidi ambi tantiacpadec bëdambuec onquec. Padnuen icsambuen tantiaquidën ambi tantiacpadombuen utsi icsambuen tantiaquin nabanec. Adecbidi ambi icsambuen tantiacpadequi icsambuec onquec, quepondash Esus.


Ambi chiacpadombuenuidi bëdambuen nate bunquid bëdambo icmequin Nuquin Papan abibi bëismendac.


Nadembidi Nuquin Papan Chiaid nuqui tantiondac: Cun mado Esuquidistu tantiata. Aden tantiabenash aidën chiacpadec utsibobëd tantiananta, quequin chiaid nuqui tantiec.


Ubitedi tantiaquin Nuquin Papa chianneta. Nuquin Papan: Mimbi icsambuen naic, canushe, queshun bëdambuen tantiaquin naic tabadebi, quioshe. Adembidi bëdambuen tabadme, Papa, cata.


Esusën intaquëmbien Nuquin Papa yacnombo matses puduedmetequidquio nec. Nuquin Papan Mayan Bëda uënësesambo icquin dayacquio icmiac Esuquidistu icsambuen naisambo yequi matsesën icsambuen naid bedshunec abided cuidadec uënëspanëdash. Adec uënësaid icnuc nëbi naden nuqui tantiec: Umbi icsambuen naidtedi tantienquio yec bëshunquin ambi cuidtequid icbuedi Esusën mënchicaid icsho Nuquin Papan ubi cuidenquio iquec, quequin nuqui tantiec. Nuquin Papa uënëstiapimbocquidën namiaid icmenuec adec Esus uënëspanëdash.


Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.


Muainquio yec utsibobëd tantiananquiota. Icsambuec tabadte bunenquio yec bëdambuec tabadta.


Tantia, Timoteo, cun madobimbuecquid icsho mibi chuinu. Umbi chiacpadombuen Nuquin Papan Chiaidquio chuibanta, mado. Ënden mibi Esus chuibanquid yanabi icnuc Nuquin Papan oncamiac ubipadquidobëtan Esus tantiaquidon mimbi Esus chuibante chuipanëdash. Aidon chiondacpadombuen chieshtoenquio icquin Nuquin Papan Chiaidquio chuibanta. Adec sondadobimbuecquid mibi ictsiac.


Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.


Swiv nou:

Piblisite


Piblisite